في بلاد ابليس قالوا روحت زهرة شبابك=ذي بلد لحقاف كل بوها عذاب
يوم ف البندر وخمس ايام في داخل رحابك=يامخاوين النماره والذياب
ليه يامصعوف في وجه الوطن كشّرت نابك=ماكفاك النوب ذي يجنا الشذاب
والبغيه من جبوح النوب باتبري صوابك=واللقاء جنه ومالفرقه عذاب
عش على هب النسيم الّي ينسنس من شعابك=لك معزه وسطها بين الصحاب
لابغيت القلب يسكن يستقر داخل حجابك=خذ نصيحه لاتطوّل لغتراب
ذه نصيحه من مجرّب وانت لو سدّيت بابك=عاكريم الوجه اجري والثواب