[خالد بن قاسم]

--------------------------------------------------------------------------------

مبارك القحص بادخن
القلب مشغلول والعظمان فيها ارتعاش=والراس شيب وقل العزم والعظم خاش
لاجيت بانام جمبي مايحط علفراش=لاقد تذكرت فاصحاب القلوب الغشاش
وذكرت ليام ذي راحت علينا بلاش=واللة لحد ريت مايبقا على الارض لاش
والمال ذي مايرد الذري يصبح جراش=وقماش مايدفي المبرود ماهو قماش
بن مدوخ
حيالله اقوال من شاعر يحب النقاش=اقوال في وقتها رشت فوادي رشاش
لليوم يالكلمه الزينه مكانه قفاش=يمسي يدحق على السلا وروس الحناش
ويذكر ايام ذي فيها يغني بلاش=ذي في البياره وفالراسع ودقم المعاش
يالله عليها من العصري خصيب الطشاش=وفي كاحل العين لا يالعين شلي ملاش
بادخن بومهدي
ياديرة الخير ماجانا خبر من قداش=الله يبلااه ذيهو فالزمن قد بلاش
والله يعمي عيونه ذي يدور عماش=ياذي ذكرت البياره هي ودقم المعاش
كرهتني لرض ذي ربت مناحي وطاش=
خالد بن قاسم
يا مرحبا قول من شعار نقدي وكاش=كلام غالي ثمن مايجلبونه بلاش
فيه انفتاحات علكسري وفيه انكماش=وكل بيتين متبوعه بنقطه وداش
ماهوكما القول ذي يشبه نطاح الكباش=والا الكلام الملفلف والهرا والهواش
شعار حد منهم يلقط وهاذاك ناش=اما علي قد عمي ذيهو ملقب عفاش
والعد معه شي من السلطه خلاف الخراش=[/poem]