[حسن محمد سالم باقديم]

هذه القصيده مهداه للمدير العام الاخ عقيل بن ربيعه ابوصالح حررت بتاريخ 19/9/2012م

( قصيده بعنوان )

ماجاز لي صلي صلاة الغايب = وعادها ترمز وفي غيبوبه

يالله يامرد الحياء في الصالب = واحييت عرق اليابسه المصلوبه
من قطر عبرات الغزير الطاهب=وارويتها من معصرات اطهوبه
ياقابل التوبه وذنب التايب = عبدك على بابك علن باالتوبه
تايب ومستغفر ومسرف ذانب= اقبله واغفر سابقات اذنوبه
ثم قال من يعرف طريق الواجب = بعطي الشبامي ذي زهم ماجوبه
زهمته عندي غاليه ياغالب = يشهد علي بندر عمر وغلوبه
سلم كتابي ياالجدير الكاتب = لا بن ربيعه بلغه مكتوبه
غزه شعاره واختياره صايب=من له مظالم يتجهه لا صوبه
يقصده من له مظلمه ومطالب = بينال قصده هو ويامطلوبه
اسره عريقه لا ضواها صاحب = يسرح ونفسه باالرضاء مصحوبه
حظيت بشهره عاليه ومراتب = مكيالها والوزن عاترتوبه
اجيال عاتاريخها تتعاقب = صفه وراء صفه طرق معقوبه
عااّم اليتامى نجم عدلك ثاقب=انوار تتوهج بكم مكثوبه
وهبات من ربك سحب ياساحب = شيكات من بنك القوي مسحوبه
ناء جيت باتفقد يون والحاجب = والسيده ذي في السره محجوبه
ان هديها راشد دعيت الراكب = وعقلة له للعاليه مركوبه
وان قد تبلتها فتن وسبايب = من قوم عيفه فاشله مسبوبه
وخطت على الابره غرض ونوايب = وتخب بعمديه لقتل النوبه
شنطتي مختومه وباصي زاهب = وكساي ناصع والحذاء زنوبه
يجلس سفيه الدهر بش يتلاعب=في السنين العابسه الملعوبه
يامبركين الثلب عند الثايب = نوبي صرر مايجني الثابوبه
ثلج الفريزر ياالشبامي ذايب = وحفاد زنقل شاتهم مذيوبه
خبز المراهي لا بداء يتقارب = كلين يتحفش على تقروبه
وعجوز صاهد حدها عاجانب = وكل كاوي مينقض تجنوبه
وان الغدد عابعضها تتواكب = عزي وسنحي عند حصن الكوبه
كلين عاام الصوامع غاضب = وحوالهم من هزلها مغضوبه
وحبلها لما متى عاالغارب = تهرج وتمرج باالحيل والغوبه
هل من رقابه عندكم ومحاسب = ولا الزعه في سوقكم محسوبه
جيتك لمكيالك وعدلك راغب = وصفات عدلك من بطي مرغوبه
ماجاز لي صلي صلاة الغايب = وعادها ترمز وفي غيبوبه

وهذه القصيده الثانيه لحسن محمد باقديم مهداه للمدير العام الغالي عقيل بن ربيعه حررت بتاريخ 19/9/2012م


( قصيدة بعنوان )

تناظر ( بن ربيعه ) عاصمة لاحقاف والسكان=لرده والاجابه كل حي يحتاس سكانه
جموعن غافره متلهفه للعدل والميزان = لقايد شهم له تاريخ في عدله وميزانه

لدار العدل والانصاف والمكيال والميزان = اتينا بن ربيعه في طلب عدله وميزانه
اتينا البيت ذي شهرته عمت باطن الوديان = وبه يدرى ويعلم من قطن ارضه ووديانه
اتينا لا عقيل العدل ساس الجود والاحسان = ابوصالح رجل صالح وصيته شاع واحسانه
رجل محسن رجل صادق رجل مايقبل البهتان = يغيضه من اتاّ لاليه يتزمل ببهتانه
رجل عادل رجل منصف واسره سادها الايمان = حفظه الله في حفظه وزاد الله ايمانه
شبام العاليه بك تفتخر والاهل والحلان = وتفخر بك سقيفة منتدانا هو وحلانه
بنيته صرح شاهق للادب ياالقايد الربان = تحيه عاطره وسلام يتكرر لربانه
جمع اطياف من بلدان شتى وارتفع له شان = دفع للمنتدى من زين ماله وارتفع شانه
اتيتك من مظالم داهمتني منها زعلان = ميازين العداله ترتقل والنفس زعلانه
مظالم وانحياز يدور من زمره ومن اعوان = وتجري في الخفاء من حاسداً حاقد واعوانه
تصلط في كواليس الخفاء ياالقائد القبطان = وحال المنتدى عينه على انصاف قبطانه
وان قلب الحقائق هز بيت العدل والاركان = وهمز وغمز عاقلب الحقائق هزت اركانه
تحذر في قبالك لون وان غابوا لهم الوان = كثيره والفشل والكذب والنمه باالوانه
ولا بانسبق الاحداث حتى ماصبح غلطان = وكل نفساً لرمي المحصنه باالوهم غلطانه
ونرفع باالدعاوي والشكاوي لا سمو السلطان=ونترقب اجابت ذي شهر عدله وسلطانه
اجابه تنتظرها عاصمة الاحقاف والشجعان = وساحل عاصمة لاحقاف يترقب وشجعانه
مثقفهم وشاعرهم قطوب العدل والميزان = عيونن شاخصه لعقيل ولعدله وميزانه
وكتله في كواليس السقيفه تجلب الاحزان = ومن جاها وهو فرحان بت والنفس حزنانه
ومولى الصدق وصريح العباره حامل النيشان = عليه الحرب منهم تستعر ويطيح نيشانه
تفقد صرحك الشاهق بدقه واطلب البرهان = ومولى الطلمسه ينهان لا قد شاف برهانه
عيونن شاخصه لا عدلك المشهور والاوزان = ومن فوق الرعيه كل راعي يحكم اوزانه
وحط نظره على باقوز واشباله وباعيدان = ترقب في ذكاء بيبان لك سقفه وعيدانه
نصايح من مود هل للنصايح تنصت الاذان = وهل من اذن تنصت للمؤذن ساعة اذانه
ولا دارة رحانا مع رحاهم ينتهي البهتان = وامره ينكشف ويموت في غيضه وبهتانه
تناظر ( بن ربيعه ) عاصمة لاحقاف والسكان=لرده والاجابه كل حي يحتاس سكانه
جموعن غافره متلهفه للعدل والميزان = لقايد شهم له تاريخ في عدله وميزانه

قصائد بن ربيعه ارتجلتهن بعد صلاة العصر ينتظرني في المزيد والاجمل والعفو من اي هفوه



المدير العام عقيل بن ربيعه انتظرني وننتظر ردك وانتظرني للمزيد والاجمل سماكه ومعنى وكلام زين وجميل نصايح وحكمه ومدح وثناء انتظرني ايها العادل المنصف واوعدتني هاتفياً مع التوضيح لك يابوصالح ان الفاشلين رجعوا عمداً للعبث بدواوين الشعراء عمداً وقصداً بعد فشلهم وهذا امر غير مرضي ممكنهم ان يبثون موضوع جديد على باقديم او غيره في سقيفة عذب القوافي اوالسقيفه العامه ويقولون مايشاؤن من حوار ونقد حسب قوانين المنتدى ولا كن باءو باالفشل رجعوا للعبث بدواوين الشعراء والعدل والانصاف من المشرفين لمن نجده ولا اقول كل المشرفين بل البعض نرتجي عدلك وردعك وحزمك حسب وعدك لنا اما باقديم عودته مكالمتك الهاتفيه ورسالتك باالعواد ووعدك لي ومن قدرك يستاهل المقدار .. بين العرب زينه بزينه وانتظرنا في الاجمل والمفيد نحنوا في خدمة المنتدى وفي خدمتك وفي عدلك وانتظرنا

اقتباس : المشاركة الأصلية كتبت بواسطة ياسر باراس [ مشاهدة المشاركة ]

يا باعلي بشرك كنت عند بن مخاشن مع مجموعه من الزملاء وحلف قال انا عرف باعلي من ايام المشرفين كان لهم حق الاطلاع على الاي بيات عرف اسمه الحقيقي. اسالك كاخ في هذا الشهر الفضيل لماذا تعيد وتزيد نشر قصيده يهجا فيها باقديم بن مخاشن ويذكر ميزانه وانه قساس الى اخره. هل تريد تستقز بن مخاشن ينشر جوابه الجاهز على باقديم ام تريد الفتنه بين الاثنين والفتنه اشد من القتل. ياخوي فضحت نفسك بين الناس حتى باقديم تدعي الدفاع عنه وهو توقف عن المهاترات بايعرفك الآن على حقيقتك.

في اشد التلهف لا نقول قصائد بل فضايح وهرج ومرج لا تفقه شي في الشعر كلام مفكك لا عندك حبك ولا سبك هداك الله ودعني ادرسك قوانين الشعر ( ان في قانون الشعر ضروري يجي الجواب اقوى من البدع وعدم تكرير القافيه وكلام حبك وسبك البيت يطلق الثاني وهذا شي لاتملكه نصيحه وان باسك فيك وكتب الله عليك الجرسه والنيره ياحيابك انت ولغطك والقبيلي يستحي ويعرف حجمه ويعترف ويصمت ولا كن هداك الله مغني عند اصقع فياليت تجروا وتتحفنا باالفضايح والهرج والمرج وقلة الحياء اكون اول السعداء وسوف ازف لك صفحه بفضايحك ولغطك ونترك للمشاهد الفصل ولا اريد لك ذلك الا اذا حبيت ويقولون فيه رجال وفيه مخلوق والمخلوقات كثيره منها البقر والبقره معاد تحس الا والسكين في النخاع وعهد وميثاق ان اخلي بزيادة خمسه الف مشاهد او عشرة الاف ينظرونك وتبقى ارجوزه وفي الاخير لااتمنى لك ذلك ولا اتمنى لك التعدي والتحرش احمل لك التقدير والاحترام يشهد الله بذلك وصلتني رساله من حنطبه يقول محمد سعيد يهديك السلام وابعث لك سلام ملىء باخره حق باخشب شل الي تبغاه والباقي وزعه لمن تريد وارجوا ان تمغط هذه مثل الاولات وتلزم الصمت والاحترام واوعدك ان تبقى ويبقى قدرك على الراس والعين اذا شئت قايس وعادك في النفس

وهذه القصيده رد على عدوانك وتحرشك فمن اعتدى عليكم اعتدوا عليه بمثل مااعتدا عليكم تحياتي لك وارجوا ان تكون الاالف والمئتين بيت التي وعدت بها سابق في مدح المدير العام والخليفي الواقعي وباشراحيل وفي المنتدى والشعراء والادباء والكتاب كلام زين وجميل حكمه ونصايح ويصلك نصيبها من الثناء والمدح اذا شئت وان باسك فيك مانقول الا هداك الله نخصص لك 1200 بيت و 1200 بيت للمذكورين اعلاه واليك القصيده



هذه القصيده لحسن محمد باقديم مهداه للشاعر الوفي الخلوق الصدوق الخليفي الهلالي ولعمدة المنتدى حررت بتاريخ 19/9/2012م


( قصيدة بعنوان )

يامرسلي ياالرسول المرتسل = امانة المرسل يودي رسالها
سرح ياالعني من مهد لا شعاب والسيل = شجرها غثيقه في سفوح اسيالها
مغارات وكهوف مابها شي بدل = معاقل بوتنا مابغينا بدالها
وان شفت ( سنتر وزعبيل ) والدول = دقيت منحازي وفارت دلالها
واعطي ( اللبن فقش ) من روس العقل= وسقي خيبها معا عقالها
وجوح المصابي والدخاخين والعكل = نعمه جزيله جورها مع عكالها
وماها من الشول والقربه عسل = ونوده مكيف والفريزر سلالها
ولا شوف راشد وتبره والحلل = وبراجهم حب قلبي حلالها
صروم وشعاب ملها شي مثل = ولا جاوه الخضراء وتونس مثالها
مانضرب الرابظه يابلجدل = بل نقصر الجافله بجدالها
وان كل كذاب في الواقع تفل = نضوي بها لحم وسط اتفالها
لا شافها لحم باالضيم انسحل=يابخت ثامر ولد مسحالها

يالله يامهدي عبيدك من الزلل = واسقيتهم من عذب صافي زلالها
يامنبت الزرع من طش السبل = وابكيت عارضها برذم اسبالها
وياغاسل الارض بالسيل والجبل=تطفي ضماها وتغسل جبالها
وتغسل القلب من خبث العمل = وارحم ولا تخذها بسوء اعمالها
سرح ياالعني من مهد لا شعاب والسيل = شجرها غثيقه في سفوح اسيالها
مغارات وكهوف مابها شي بدل = معاقل بوتنا مابغينا بدالها
وان شفت ( سنتر وزعبيل ) والدول = دقيت منحازي وفارت دلالها
واعطي ( اللبن فقش ) من روس العقل= وسقي خيبها معا عقالها
وجوح المصابي والدخاخين والعكل = نعمه جزيله جورها مع عكالها
وماها من الشول والقربه عسل = ونوده مكيف والفريزر سلالها
ولا شوف راشد وتبره والحلل = وبراجهم حب قلبي حلالها
صروم وشعاب ملها شي مثل = ولا جاوه الخضراء وتونس مثالها
يامرسلي ياالرسول المرتسل = امانة المرسل يودي رسالها
بلغ رسالاتي الى الشهم والبطل = وكل سلاله فخرها في بطالها
وقل للخليفي عاد صومال في المحل = ثقيل الخلق عاده مغثي بحالها
حزز ودنبوث ماله شي قبل = ولا يفند قفايها من قبالها
ومن درف له وغنى له طبل= ثقيل عده يدق عاطبالها
لا الشعر له محكمه يابلغجل = يعطونه السجن بطن اغلالها
نمرود مفتون متحرش سدل = شمس الحقائق يريد اسدالها
عهداً وميثاق من فوقه ثقل = ياعاظهوره تزيد اثقالها
وسلك منضود لا عقره يصل = عهداً وذمه علي ايصالها
قولوا له الغيث عاده مافصل = سيرة فعاله علي فصالها
ويكون ارجوزتن مثل السفل = في مزبلات العلاء وسفالها
حياً وميت ومن زاغ اصطمل = صميل جلاد ياصومالها
وان فيك طب قل نيصة بالقفل= من قبل تفتح حسب قفالها
واشباله الرهط فعلوا مافعل = شله خبيثه بقبح افعالها
والصدق مطموس من اخطاء وزل = تركوا الحوادث ولا حد زالها
ولوا على مصرعيها باجعل = ودعيل بحقوقها ماعالها
جاثم في الصومعه ملقي زجل = صوت الحمايم يعيف ازجالها
خبثه ينطش وميزانه رقل = حط الغدد في ورك رقالها
مغامزة حاو في مالك صبل= نضحك ونبكي تكدر بالها
والوانهم كثر من غاية فشل = من جاب خسة غلب ماشالها
ورقيب وحسيب عااهل الحيل = وحساب وعقاب عامحتالها
والهمز والرمز من سود المقل = مبروم في الشعر من ذي قالها
وانظم وسطر لكم زين الجمل = ضاهي لكم حسنها وجمالها
من بالزيانه ترجل وارتجل = يغنم ويشكر بمدح رجالها
كونوا نضاف النوايا والعمل = عاشاكله نفتخر بااعمالها
وان باسكم في النوايا لم يزل = عهداً علي ينفجر زلزالها
منه الحقلقول والزاخي يصل = لا عقر ذي شخبطوا بااوصالها
ذي امرهم من قراينهم نطل = تنعى عليهم عرين اطلالها
الفعل منظور والهجس اندخل= ولا عاد له عذر من مدخالها
يقزح القوم ويدق الجفل = ورصاص عنده يرد اجفالها
مانضرب الرابظه يابلجدل = بل نقصر الجافله بجدالها
وان كل كذاب في الواقع تفل = نضوي بها لحم وسط اتفالها
لا شافها لحم باالضيم انسحل=يابخت ثامر ولد مسحالها
اخر زمن فيه كل زين ارتذل = وغدت تقزح على ارذالها
عااهل الصراحه تكالبن العلل = كبت قدح فوق روس عيالها
ذي برهم زين والخير اشتمل = والرزق بيمينها وشمالها
يابوجمال الوفاء والصدق قل = وصحيفة الكذاب يعلاء مقالها
والانس للوغد والصفوا اكتمل = كسر سبرها ورعبل كمالها
والشهم والجيد محمود الخصل = مذموم فيها حميد اخصالها
وكلها هدار باالقيد اعتقل = ياحسرتي قد خلوا عقالها
منهم قضاء النحب للتربه رحل = وكل عوزان شد رحالها
وصانع السيف يهرب ماقتل = يفزع الى حان وقت اقتالها
وعمدة المنتدى ظني اشتغل = او قز سفهم وعاف اشغالها
او شاهد النار تؤكل في الذبل = والمشعبيه تلين اذبالها
شاهد صعانين وسفاهه ومل = من زيف اسواقها واموالها
او شاف نجم الادب منها افل = ياالافلين انصطوا لا فالها
او شاهد الورث داهمه الجلل = او شاف صوب الجلل قد جالها
نيتي قنديل للغدراء وسل = بفسولها بالعب واوسالها
تضوي اليهم تحرحر بالحبل = ذي هملوا قيدها وحبالها
والختم صلوا عدد ماالشهر هل = وماطربوا ساعة يهل اهلالها
صلاة تغشى الرسول المرتسل = تعداد ماالعاني ضوى برسالها