[بن عيد]

اصلحو ذات البين هداكم الله

من مده طويله كنت مكتفي بالتصفح وعدم المشاركه بسبب المشاغل وشهاده لله لا يمكن لمن تعود على السقيفه ان يتركها حتى لو ما يشارك لازم يتصفح. لكن
في الايام القليله السابقه شفنا ما دار بين الاخوه محمد بن مخاشن وحسن باقديم شي لا يرضي الله ولا رسوله وقلت يا وليد لا زم تشارك هذه المره يكفي من تصفح ونويت اعمل شي لوجه الله وخدمه للسقيفه ان توفقت هذا المطلوب وان ما توفقت فالامر لله.
الاخوه في عذب القوافي بعد السلام التام عليكم اقول ان الاداره العليا للسقيفه ما تدخلت للان وهذا امر غريب وعجيب واذا السقيفه ما تدخلت ارجو من الحلان يتدخلون بابدا الراي وربما يسمع لنا اطراف النزاع. وانا نويت اقول ما عندي مع علمي ان الفارع له صميل وفي نهايت موضوعي هذا متاكد ان اطراف النزاع ثنينتهم يا يكونون زعلانين علي. لكن كله يهون في سبيل اصلاح ذات البين الذي امر به الدين الحنيف.
بداية المشكله بدايه تافهه واحط اللوم على العم محمد بن مخاشن. لا تزعل يا عم محمد وانتظر ما قوله على الطرف الاخر. باقديم من اول يوم جا للسقيفه يغمز ويلمز ويلمح ويقول فيه ناس يخربون الموروث ولا مداخله له الا ويقول هذا الكلام. لا داعي للتفاصيل والاقتباسات لمداخلات باقديم وكلنا يذكر انه جا وقت وقال باقديم ما معناه ان عنده اشرطه ضد بن مخاشن يذكر فيها بن مخاشن المحضار ومستعد ارسلها للسقيفه الى اخره الى اخره ومن اراد ان يبحث بالتفصيل ارجو يعمل بحث على مداخلات باقديم او باشراحيل وبا يتوصل الى ما يثبت كلامي ثم بعد ذلك قال باقديم حرفيا ان بن مخاشن ما عنده بيتين شعر على بعضها البعض. ليه قلنا ان الخطا يتحمله العم محمد ما دام الامر هكذا؟ في رايي المتواضع ان العم محمد من اعمدت السقيفه وباقديم حال جديد والحال الجديد يرحبون به الاعضا السابقين ولو اخطا خطا بصيط او كلمه نابيه يتغاظون عنها او يجاوبون باريحيه عشان يكسبون الحال الجديد. بالله لو باقديم قال كله نابيه بصيطه في حق المشرف العام نفسه هل سينفعل كما انفعل العم محمد؟ العم محمد بدل ان يجاوب باقديم بلطف او يكتب له بالخاص ويقول له بالخاص يا اخي ايش المشكله فان العم محمد انفعل وكلنا يذكر مداخلاته بعنوان آن لابي حنيفه ان يمد رجليه وبدا يشرشح قصايد باقديم وبلغ به الامر ان سماها عصايد. الى ان اعلن باقديم انسحابه من السقيفه بتاريخ 16 ــ 7 ــ 2012

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

[poem=font=",7,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""] سؤال هل اذا اتا شخصيه او كنز ومكسب لسقيفة عذب الشبامي ان تحموه من كيد الفاشلين الذين يخلقون التطنيش بشتاء الوسائل ننتظر الاجابه وللمدير العام الافضل شكري له ولكم وللجميع وداع ولن اعود بمحض ارادتي كنوز مفيده ثريه شتمت عمداً من الفاشلين وخلقوا لها المضايقات والتطنيش عمداً ولم تلقى الحمايه والرعايه كما اود ان من يرضى يحط حارس على قصره يحذف الجيران ولا الوم المدير العام الرجل جليل عادل بس لا يدري مايجرى من تحت الكواليس وصلنا الى حد طريقين اخيرها الوداع والعفو والسماح تحياتي للجميع

((( نسخة للمتصفح لتبقى للذكرى )))

[/QUOTE]

ثم عاد باقديم للسقيفه بتاريخ 21 ــ 09 ــ 2012 الى السقيفه والمفروض ان فترت انقطاعه من 16 ــ 7 الى 21 ــ 9 تكون فتره فتح صفحه جديدهلانه ما كان فيه اي ملاسنات بين الطرفين بس باقديم الله يهديه عاد وهاجم بن مخاشن بقصيده هجائيه وقال له امغطها كما ما مغطت القصايد الذي قبلها وان جاوبت عندي لك 1200 بيت هجا الى اخره الى اخره

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

[CENTER][B][SIZE="5"][COLOR="Blue"] في اشد التلهف لا نقول قصائد بل فضايح وهرج ومرج لا تفقه شي في الشعر كلام مفكك لا عندك حبك ولا سبك هداك الله ودعني ادرسك قوانين الشعر ( ان في قانون الشعر ضروري يجي الجواب اقوى من البدع وعدم تكرير القافيه وكلام حبك وسبك البيت يطلق الثاني وهذا شي لاتملكه نصيحه وان باسك فيك وكتب الله عليك الجرسه والنيره ياحيابك انت ولغطك والقبيلي يستحي ويعرف حجمه ويعترف ويصمت ولا كن هداك الله مغني عند اصقع فياليت تجروا وتتحفنا باالفضايح والهرج والمرج وقلة الحياء اكون اول السعداء وسوف ازف لك صفحه بفضايحك ولغطك ونترك للمشاهد الفصل ولا اريد لك ذلك الا اذا حبيت ويقولون فيه رجال وفيه مخلوق والمخلوقات كثيره منها البقر والبقره معاد تحس الا والسكين في النخاع وعهد وميثاق ان اخلي بزيادة خمسه الف مشاهد او عشرة الاف ينظرونك وتبقى ارجوزه وفي الاخير لااتمنى لك ذلك ولا اتمنى لك التعدي والتحرش احمل لك التقدير والاحترام يشهد الله بذلك وصلتني رساله من حنطبه يقول محمد سعيد يهديك السلام وابعث لك سلام ملىء باخره حق باخشب شل الي تبغاه والباقي وزعه لمن تريد وارجوا ان تمغط هذه مثل الاولات وتلزم الصمت والاحترام واوعدك ان تبقى ويبقى قدرك على الراس والعين اذا شئت قايس وعادك في النفس وهذه القصيده رد على عدوانك وتحرشك فمن اعتدى عليكم اعتدوا عليه بمثل مااعتدا عليكم تحياتي لك وارجوا ان تكون الاالف والمئتين بيت التي وعدت بها سابق في مدح المدير العام والخليفي الواقعي وباشراحيل وفي المنتدى والشعراء والادباء والكتاب كلام زين وجميل حكمه ونصايح ويصلك نصيبها من الثناء والمدح اذا شئت وان باسك فيك مانقول الا هداك الله نخصص لك 1200 بيت و 1200 بيت للمذكورين اعلاه واليك القصيده هذه القصيده لحسن محمد باقديم مهداه للشاعر الوفي الخلوق الصدوق الخليفي الهلالي ولعمدة المنتدى حررت بتاريخ 19/9/2012م ( قصيدة بعنوان ) يامرسلي ياالرسول المرتسل = امانة المرسل يودي رسالها سرح ياالعني من مهد لا شعاب والسيل = شجرها غثيقه في سفوح اسيالها مغارات وكهوف مابها شي بدل = معاقل بوتنا مابغينا بدالها وان شفت ( سنتر وزعبيل ) والدول = دقيت منحازي وفارت دلالها واعطي ( اللبن فقش ) من روس العقل= وسقي خيبها معا عقالها وجوح المصابي والدخاخين والعكل = نعمه جزيله جورها مع عكالها وماها من الشول والقربه عسل = ونوده مكيف والفريزر سلالها ولا شوف راشد وتبره والحلل = وبراجهم حب قلبي حلالها صروم وشعاب ملها شي مثل = ولا جاوه الخضراء وتونس مثالها مانضرب الرابظه يابلجدل = بل نقصر الجافله بجدالها وان كل كذاب في الواقع تفل = نضوي بها لحم وسط اتفالها لا شافها لحم باالضيم انسحل=يابخت ثامر ولد مسحالها يالله يامهدي عبيدك من الزلل = واسقيتهم من عذب صافي زلالها يامنبت الزرع من طش السبل = وابكيت عارضها برذم اسبالها وياغاسل الارض بالسيل والجبل=تطفي ضماها وتغسل جبالها وتغسل القلب من خبث العمل = وارحم ولا تخذها بسوء اعمالها سرح ياالعني من مهد لا شعاب والسيل = شجرها غثيقه في سفوح اسيالها مغارات وكهوف مابها شي بدل = معاقل بوتنا مابغينا بدالها وان شفت ( سنتر وزعبيل ) والدول = دقيت منحازي وفارت دلالها واعطي ( اللبن فقش ) من روس العقل= وسقي خيبها معا عقالها وجوح المصابي والدخاخين والعكل = نعمه جزيله جورها مع عكالها وماها من الشول والقربه عسل = ونوده مكيف والفريزر سلالها ولا شوف راشد وتبره والحلل = وبراجهم حب قلبي حلالها صروم وشعاب ملها شي مثل = ولا جاوه الخضراء وتونس مثالها يامرسلي ياالرسول المرتسل = امانة المرسل يودي رسالها بلغ رسالاتي الى الشهم والبطل = وكل سلاله فخرها في بطالها وقل للخليفي عاد صومال في المحل = ثقيل الخلق عاده مغثي بحالها حزز ودنبوث ماله شي قبل = ولا يفند قفايها من قبالها ومن درف له وغنى له طبل= ثقيل عده يدق عاطبالها لا الشعر له محكمه يابلغجل = يعطونه السجن بطن اغلالها نمرود مفتون متحرش سدل = شمس الحقائق يريد اسدالها عهداً وميثاق من فوقه ثقل = ياعاظهوره تزيد اثقالها وسلك منضود لا عقره يصل = عهداً وذمه علي ايصالها قولوا له الغيث عاده مافصل = سيرة فعاله علي فصالها ويكون ارجوزتن مثل السفل = في مزبلات العلاء وسفالها حياً وميت ومن زاغ اصطمل = صميل جلاد ياصومالها وان فيك طب قل نيصة بالقفل= من قبل تفتح حسب قفالها واشباله الرهط فعلوا مافعل = شله خبيثه بقبح افعالها والصدق مطموس من اخطاء وزل = تركوا الحوادث ولا حد زالها ولوا على مصرعيها باجعل = ودعيل بحقوقها ماعالها جاثم في الصومعه ملقي زجل = صوت الحمايم يعيف ازجالها خبثه ينطش وميزانه رقل = حط الغدد في ورك رقالها مغامزة حاو في مالك صبل= نضحك ونبكي تكدر بالها والوانهم كثر من غاية فشل = من جاب خسة غلب ماشالها ورقيب وحسيب عااهل الحيل = وحساب وعقاب عامحتالها والهمز والرمز من سود المقل = مبروم في الشعر من ذي قالها وانظم وسطر لكم زين الجمل = ضاهي لكم حسنها وجمالها من بالزيانه ترجل وارتجل = يغنم ويشكر بمدح رجالها كونوا نضاف النوايا والعمل = عاشاكله نفتخر بااعمالها وان باسكم في النوايا لم يزل = عهداً علي ينفجر زلزالها منه الحقلقول والزاخي يصل = لا عقر ذي شخبطوا بااوصالها ذي امرهم من قراينهم نطل = تنعى عليهم عرين اطلالها الفعل منظور والهجس اندخل= ولا عاد له عذر من مدخالها يقزح القوم ويدق الجفل = ورصاص عنده يرد اجفالها مانضرب الرابظه يابلجدل = بل نقصر الجافله بجدالها وان كل كذاب في الواقع تفل = نضوي بها لحم وسط اتفالها لا شافها لحم باالضيم انسحل=يابخت ثامر ولد مسحالها اخر زمن فيه كل زين ارتذل = وغدت تقزح على ارذالها عااهل الصراحه تكالبن العلل = كبت قدح فوق روس عيالها ذي برهم زين والخير اشتمل = والرزق بيمينها وشمالها يابوجمال الوفاء والصدق قل = وصحيفة الكذاب يعلاء مقالها والانس للوغد والصفوا اكتمل = كسر سبرها ورعبل كمالها والشهم والجيد محمود الخصل = مذموم فيها حميد اخصالها وكلها هدار باالقيد اعتقل = ياحسرتي قد خلوا عقالها منهم قضاء النحب للتربه رحل = وكل عوزان شد رحالها وصانع السيف يهرب ماقتل = يفزع الى حان وقت اقتالها وعمدة المنتدى ظني اشتغل = او قز سفهم وعاف اشغالها او شاهد النار تؤكل في الذبل = والمشعبيه تلين اذبالها شاهد صعانين وسفاهه ومل = من زيف اسواقها واموالها او شاف نجم الادب منها افل = ياالافلين انصطوا لا فالها او شاهد الورث داهمه الجلل = او شاف صوب الجلل قد جالها نيتي قنديل للغدراء وسل = بفسولها بالعب واوسالها تضوي اليهم تحرحر بالحبل = ذي هملوا قيدها وحبالها والختم صلوا عدد ماالشهر هل = وماطربوا ساعة يهل اهلالها صلاة تغشى الرسول المرتسل = تعداد ماالعاني ضوى برسالها انتظرنا ياواقعي قدرك عظيم انت والجميع وسامحوني الحس يجي ويروح لك وللجميع الجزاء العظيم ويسلمون عليك اخوانك نهد من الحمضان وال الشبيبي والحضور في المجلس

بن مخاشن رد على باقديم ببيتين اثنين فقط ولكن فيها سخريه لاذعه واتهمه بالسكار والتقويت وكذلك سخر منه في مداخلاته النثريه سخريه لاذعه واستمر في شرشحت قصايد باقديم فقام باقديم بكتابت قصيده مسيه جدا في حق بن مخاشن وجاب فيها كلام ما هو من شيم العرب والمسلمين ما يجيبونه القبايل لو بلغ الامر بهم حد الطعن والقتل ولا احب حتى اقتباسها هنا.

من الغلطان؟ في رايي اثنينتهم غلطانين وانا مستعد لصميل الفارع لكن السوال هو اين الاداره والمشرفين والا هذا الشي هو ما تطلبه الاداره لتحريك المياه الراكده في السقيفه؟