قصيــــــــــدة حموميّــــــــــة
للشاعر بن دويل بعنوان ( مَغْنَاة في زي الحموم )
نقلتها كما هي لإثراء السّقيفة فعفوا إذا كانت هناك أخطاء إملائية أو إختلافات شاسعة في اللهجة.
(( مَغْنَــاة فـي زي الحمــــوم ))
منـــي ســــلامـي عــد مـا بــارق بــــرق =وأعــــداد مـا طلعـت ســماء رعــد وغيــــوم
وأعـــداد مـا بـركــان فـي نـــــاره حــرق =وطـــوى البســيطة كـلـها ســــهل وركــــــوم
تعـداد مـا خطــت قصــــايد ع الــــــورق=واطلعــن روس الصــيق سـحب وجهــوم
مـن مطــلع العكـــرة إلى قاصــي الصـيق =مخصــوص خصــه فـي الزيــة كـل الحمـــوم
مـن رغـدون والشــزوة وتربــوت أنطلـق=لا ريــــد بـن حمـــدات عـــــانــي بالقـســـــوم
وأعـــبر علـــى شـــرخات والريدة فـرق=هتـــلي معــك مـن الـــدرب ومقيـلـــد علــــوم
قلبـــــي علــــى ريدود وشـــخاوي يــدق =قـــد لي ســنة من مـوت الهياكـــل والحـــزوم
لا ذكــروا عســد ومصـينعة دمعـي دفـق=تقــل ســـيل مـن وادي حــمم شـــن الهجــوم
يا مـن ســـكـن في ثــوب والرحبـة رفـق =هتـــــلي معــك لا خـــرفة الجــــربة قســـوم
وأن كـانك تبـــالي مــال في مهينــم وثـق =يا خــــــيرها قســــمة ويا خـــير الســـــهـوم
ما بغيتــــها قســمة مـن الخاطـــر شـــفق =وفي الدرب ومعيـــنة معــي عشـــرين سـوم
طلعـــت ســـحابة فــوق راطـــح تنــدفق=والريــــح شــــلاّها قـــــــدى وادي العــــدوم
ووقعــت لها في ســــاه والغـــرفة ســــبق =كــل مـن ظفـــــر بالمـــال ماخـــــلا قـســـوم
هــذي حقـــــوق الـــــدار سـاسـات ورفـق=با نفصــــل الكلمـــــات تفصــــــال وهــــدوم
وأن قـلــت عابـيـت الرياســـة لـي حقـــق=علــــــيً تقـــــــــــدمها وهـــو قــد العـــــزوم
لا دارت الأيــــــام وصكـــــين الحلـــــــق=بانفضـــــها الحلقـــــات لا عشـــــرة ختــــوم
معــــــروف بـن مجنــح أذا شــــد الغلـــق =بـه نتـكـــــي لا دارت ارحـــــــــــاها لــــزوم
والفضـــل لبـن حـــبريش للســــاعة تــدق=لـي مواقفــــه تشـــــهد لهـا كـــل الخصــــوم
وخصـــوا الســـعيدي ذكر من بين الفـرق=وأعطــــوا لـه الرايــــة فـي ايــده والحســـوم
بلجيــــــك عاكـتــــفة أذا هــــزة حـــــرق=خشــم الأعـــادي وجــاب في الشــدة علـــوم
وخطــوا الغــرابي ذكـر في وسـط الوثــق =واعطــوا لهـم ميثـــــاق عـــالي فـي الرســـوم
حـلفــون تشـــهـد لـه ومهيــــــنم بالصدق =ومعيمـــــلة ع الوعــــد فـي الشــــدة تقـــوم
وفسـحـــوا للعبيـــدي بيننا مجلــــس بشـق=وفرشـــوا طـــريقة ورد فـي حــــل القــــدوم
معـــروف فـي صـيته إذا نسنـــس بــــرق =ولقــــت ســــيولة فـي البـــراء خـط وعتــوم
وبحســــن بهـم حيــــاه يا مرحــــب وثــق =فـي وسـط مجلسنا يقلطـــوا الصــــــدر دوم
وشـــنين هـم والجامحـــة عــــزوة ورفـق =يــــوم العـــزايم والوغـــى تشــد العصـــوم
يا ســاكنيـن العـــــرض فـي ذيك الصــيق=ودوا لــــبن مخاشـــــن تحيـــــــاتي لـــــزوم
والجبــــح لـي منــــه تغـــــرب وأفـتـــرق =وعمــد بغــى لـه سـكــن في ذيــك القـــروم
ولأجــــل المـــــروة والمخـــــــوة تنــوثق =ونـــزيـد فـي عمــــــق التلاحم مـا نــــــدوم
شــــلوا لليمينـــي ســاس محكـوم الطبــق=وأبيـــات في المعنــى لها ســاس وحكـــــوم
وعلـــى بنـــي قحطــــان أيضــا تنـــدفـق=عـد ما سطـــع بارق ونسنـس مـن قــــــدوم
مغنــاة مـن شـاعـر علـى الهيـجاء طــرق=وأســمع قـروح الحـرف يوم سـاق النظـوم
طـرمــوم وعمــرين المشــاعر تعـتـــــلق=مـا عـاد شـي في النفـس فيـــدة للكتـوم
كـل مـا ســـمـع قـمري مـن الـوادي فلــق=أزجـيت في المغنـى طويلات الخشــوم
وقــرح كــما البــارود مـن خـشـم العنـــق=لا هيّجــني في المغـــاني شــي كــلـــوم
شــــفنـا مـولـــع في الهــوى قلبي علــــق=أمسـي ســـمير الليــــل من كثر الحلـوم
أســـامـر النجــمـة مـن إبــــزوغ الشـــفـق=يعْســى بطلـوع الصـــبح يفرَجْن الهموم
ويــن الســماسيح اللهيـــــــبة والحـمـــــق=ويـن البصــارة عـاد من ظبيـــة علـــوم
وألا مـن القـــرزات شــي علـــم(ن) طـــــرق=فـــرج على الخـاطر إذا ضـقـن النســوم
وأذكــر بنـــي حوســان لا شــاهـب علـق=وســطـع بضـــوءة عالكـواكــب والنجــــوم
لـي شــلهـا قســــمة علــى حيــط وحنــق=وخــــزى المــذلة يـــــوم حطـــين الرقـــوم
رايـاتنــــا بيضــــة وعادينــــــا حمـــــق=ووقاعنــا ســـــــوده اذا فـــار الغـــــــــروم
كـل نصــل لا خــرج من زهـابة بايشـق=يــا ويلهــا لـي با تقـــف وســــط العتــــــوم
وأنتـــه زهــم حـوسـان لا صـك الغـــلق=رغـــدون فـي كـــل العجيــــلي با تقــــوم
عشــرة شـهب من نــار بحــرقها حــرق =مثـل الســهم في وجـه كـل غــادر وشــوم
كـل مـن زهمــها جـات فـي مثـل البـرق =يــوم الوغــى تمشـي كمـا طلــق السهــوم
وأن قـد فتـــح إبليــس بــــابـه والطـــوق =وجـــتنـا البشــــاير من قــــداها والعـلــوم
ع ريـحـــة البـــــاروت جيــــنا نســـتبق=نبغــــي الكـــرامـة ع العــــوايد والسـلـوم
وأن جات الحمية ونارها برأسي علق=وتقاســــموها أهـــل المــــروة والعـــزوم
وقـالـــوا القســــامة ع المنـــايا والســبق=شــــليـت في القســـمة ثقيــــلات القســوم
مـا هـو قصـيد وقــوال ع ســطح الـورق =وأبيـــات قـلنــاها علـى رغــم الخشــوم
لـي نجـم ســاطـع عـاد ضـوه مـا خفـــق=وافعــــال تعــــرفهـا القــرابة والخصـــوم