من النزعات في المحجور ياويل السنق والثير=وحب الذات له وصمات في التاريخ مأثوره
مكارهكم فشت يامقربين القات للجرجير=وبين الجرب كم من صاحيه باالحقد مجروره
تبيعه عن زعه واجحاف فوقه هوك وتناصير=تظل الكاذبه في صرحكم عاالحق منصوره
حرايف بينهن ( غيره ) رحاها سببت تعوير=وباتياه خايف لايغضب تمله على عوره
مخليهن همل في الصرح يداكسن فوق البئر=وكل وحده بغت عاالثانيه شهره وبلوره
وخدام الادب فوقه مية حلبوب وصراصير=وداعر رشق وخماسي تحن وقروش مصروره
الى حنت جرسهم حن لها باالرشق والتسفير=ظهور الابل من جور الثقل في الصرح مسفوره
محاقي للثقافه والادب في هاوية تدمير=لباعنتر وجع لاتحت داري جاب داموره
مكاره في المكاره ماسمح وقواعد التنفير =وكم من طير بل جور الضماء من راس نافوره
ومن حاول يرجمها ضواه اللوم والتقصير =نباكم من سبأ وشجون من حلموت مقصوره
شموس (الخلق) ياسالم علي في الصرح في تكوير= وعشاق الرياضه والكباتن كرهوا الكوره