[شاجع]

يا موت هذي سوايا بي تسويها؟! .................... تاخذ هل الطيب والانذال تبقيها تاخذ اعز القرايب ((ثم تحرمني ..................من شوفهم وابتسامتهم وطاريها يا موت خذني معـاهم لا تخليني ...................من عقبهم عفت انا الدنيا ومافيها يا موت لو كنت تدري عن مكارمهم ...................ان كان تبكي على الاخيار وترثيها يا موت لو كنت تدري عن فضايلهم ....................ان كان تحزن على الاخيار وتبكيها الدمع غرق عيوني وانكسر قلبي ................... حتى حروفي سواد الحزن يكسيها كن السحايب عيوني والمطر دمعي .................... والقلب ارض الشقا والدمع يرويها مات الفرح وسط جوفي وانخلق حزني ................... من عبرةٍ عن عيون الناس مخفيها من يوم ما ماتوا اخواني وعزوتي .....! ....................ناحت سماوات شعري مع اراضيها واستوطن الهم قلبي واحترق جوفي .........................والروح قامت تعزيني واعزيها الموت حقٍ وكل الناس بتذوقه ..................... ولا بد كل روح تصعد عند باريها لكن من زود حزني قالت دموعي : ................... يا موت هذي سوايا بي تسويها؟