[حنطبه]

رقم 245 .
صالح القحص ودردشة قديمة .
إرادة بدون إدارة لاتمنيات ومسكنات كانت عند كثير من الأخوة ,ومنهم محبكم الفقير لربه , لهذا كنا نستغل أي فرصة لنقد واقعنا والحوار حول المعطيات والأحداث الخاصة والعامة ,بقلوب نقية وفي ساعات صفا , وكم نتألم من بعض مواقف قد يواجهها البعض منا ,وأحيانا ينقلب الموقف الى حزن ( تتعكس القسوم )..كنت مع الأخ الشاعر صالح القحص هنا :
قال القحص :
صالح القحص قال المعرفه والصداقه=هي جواز ي يعبرني على كل نقطه
ياالمقدم ترانا ماقطعنا العلاقه=باطلع دوب ياصاحبي في كل محطه

قلت له :
الف حيا بذي شرف ووسع نطاقه = جاب معه الفرح والزين ع الرأس حطه
كل ماغاب وتمنع يزيد اشتياقه = شلني يالرضي شفني بمثناة ورطه
قال القحص :
لوتذوق الذي صاحبك من قبل ذاقه=كان ملقيت ياصاحبي شطه ونطه
انت ف القلب ياراع الالق واللباقه=بانسري بحور الشعر مبدا وخطه
قلت له :
ايش باذوق والهرج الذي من سياقه = يجعلك تنبرم والحبل تعطيه نشطه
مانت حضري ولابدوي حنب في صياقه = هت لي اخبار من ذي به في النفس سخطه
قال القحص :
انت صايغ فرايد ماتحب الدقاقه=معرضك مول راقي منت بياع بسطه
لو تعكت على المخلوق راجع وراقه=لا طريقه رجع وامسك بدربه وخطه
قلت له :
شلني من غرق ماشي في الجسم طاقه = من ألم احترق والخوف لاجات جلطه
شف ولي العهد عندي ماقدرنا لحاقه = يكمل الدرس والتحصيل يحتاج شنطه

يبدو من آخر بيت تعكست القسوم على الأخ صالح واشفق عليً (اندرم هاجسه ) من واقعنا المر فلم يرد وأنا على يقين بتأثره فقلت له :
وين صاحبي ذي جاني وفي النفس فاقه = جاب لي هرج هيضني ولافيه غلطه
ريتني قابله واصبح انا من رفاقه = والبلاجيك له والخال قسمه الفلنطه.