[حنطبه]

رقم 258 .
زامل لم اذكر مناسبته , ولكنه جميل .

قال سالم البدوي بلحمر
أثر علي سكتتك وتغلاك =وعدم مجيك شق رأسي
للكبر في الدنيا فنأ وهلاك = والآخره لحساب قاسي
قال احمد قرزيز
طيبك واخلاصك لنا حلاك =ومعزتك مبدأ اساسي
نعيش به ماعاش من خلاك =بس ظرف معطاني قياسي

قال احمد قرزيز
من كل جانب جاك ياحامل ميه = جاك المصفى والبغيه في القروف
من نوب في الصحصح وشي من شرهيه = ولحسن حظك ساعدت معك الظروف
لكن نصيحه لادخلت الاوديه = لاتسيير وحدك بينهم خذلك سعوف
شف عادهم خلفك خبيثين النيه = عالوثق ستعشر نفر لاجلك وقوف
رد سالم البدوي بلحمر :
عتيق خبرك بالقروش الفليه = ماهم ذهب ذلا تحف فوق الرفوف
ون كان ستعشر وان كانوا ميه =باسل سيفي لاتلمعن السيوف
لاغاث عالصحصح وحن عاموديه =بالاذن باتسمع وعينك باتشوف
لو عاالديه مهمني دفع الديه = وانت الاماني ماتفيدك والوصوف
قال محمد باكرموم بومدرك :
الفقر ماهو قل لسالم عيب = العيب فقر العز والناموس
عالظاهره. ماباحكم عالغيب =وعلى الذي قدامناملموس
عرفت دربي يوم عدني خيب =واليوم تحذفني من القاموس
من بعد ماراسي غزاه الشيب = لوكنت عارف باعطيه الموس
رد سالم البدوي
مثلك انا ماشي معي في الجيب = لكنني في بحركم مغموس
سرنا على قادي المخوه سيب= وان ماتصدق رح سأل حلموس
ماشي خبر منشور وسط الويب = وانته يهزك صوته المخموس
على قصي عبرت واما كليب= مايفند البقرة من الجاموس
قال سالم البدوي
دنيا ريا فيها رضا وعتاب = ماحد مخير فيهم الامريين
يادار مندر ايش في ميتاب = شعبيته في الهند والبحرين
رد عبدالله الحامدي وقال :
لاتشتكي وقتك ولاترتاب = سدك جبل ياحاجب القبرين
حتى الصحف قالته والكتاب = كل ماجرى في الديس والبقرين .

قال سالم البدوي :
من بو حمد ميزر قرح بلجيك = من قرحته يارب ياستار
ماصاب حد لكن صوبه فيك = احسب لها يابعيرنا الهدار
ون كانه الا كل شي يخطيك = المطرقه باتكلف المسمار
وصيت عمك وانت باوصيك =ماشي فوائد من خفيف الشار.