ذا فصل بانبداء القصيده بالف باء=من بعد ماصلي على طه الرسول
أ- اول ماوصل نحن النداء=جينا لكم ياهل الزوامل بالطبول
ب- بداء المشوار بحروف الهجاء=وانتو عليكم تسمعون ايش بانقول
ت- تبرينا من اموال الرباء=والقصد راس المال نهبوه النذول
ث- ثلث موجود وثلثين أنتساء=لاتسالونا عند من خلو الفضول
ج- جريمه لا تعكين الدلاء=في البير بايصعب على الناس النزول
ح- جذر من ذي يبيعون البلاء=القات والهروين واصناف الكحول
خ- خراب البيت وضياع الملاء=وشهامت الامه وهيبتهم تزول
د- دمار النفس عقبه والفناء=والافلاس والتدمير وأخباث الدلول
ذ- ذبول في الامعار والاثناء= عشر والقلب والشريان عُرضه للذبول
ر- رواسب في المجاري والكلاء=والتهاب في القولون ماتقدر تبول
ز- زلازل في كريات الدماء=يختل توازنها وتبداء بالخمول
س- سموم ياناس ماهي شي حلاء=ولا تغذي الجسم اوتشفي العقول
ش- شكينا والشكاوي في الهباء=راحت مهب الريح ما لها شي حلول
ص- صدق من قال من هذا كفاء=باتوب من فعل المناكر والرذول
ض- ضميري بايخازينا خزاء=لكننا بخزيه مسمح بالخذول
ط- طغاء عالنفس واعطته الولاء=ماهو سواء يانفس تعطينه القبول
ع- عسى ربي يبلغنا المناء=وتقتنع نفسي وحالي بالعدول
غ-غلاء في السوق وحنا في لهاء=بالقات والهروين ومشروب الكلول
ف- فداء بفديك ياعمري فداء=مرضاء على عمري بشي تافه يزول
ق- قليل الخير عمره ماستحاء=مايشل للعًقال حُرمه والكهول
ك- كوافي جاتنا من بو شفاء=لي باع موسمنا ونًذا بالسبول
ل- لعل الله نلافي مالتفاء=من باقي الموسم ومحصول الحجول
م- مادري وايش عاده ذي بقاء=في قاعت البرميل وقيعان الصطول
ن- نظر للحال بيجيك البكاء=حال الحضارم واليمانيه شمول
و- وحد ذي بلونحن بها ماهي سواء=ماعدلوا لقسام وتوزيع الفصول
ه- هلا قلنا ويامرحب هلاء=ماندري ان العوش مثقل والحمول
ي- يعين الله اذا هو عالمداء=ميؤس من حال اليمن عرضاً وطول
والختم باصلي على نور الهداء=المصطفى تعداد ماتجري السيول