يا مرحب هلا واهلابه = ربي لاقدنا جابه
ذي جعده شبك عمتانه = برسله على عنوانه
في عيون المكلا مرحب = قدها مكسبي والمطلب
حلوه من زمن فنانه = برسله على عنوانه
ياحلوه جميلة منظر = مالك ماتبين البندر
رحتي منهم زعلانه = برسله على عنوانه
ان حد ضايقش قوليلي = صول يلجميله صولي
بين المنتدى واركانه = برسله على عنوانه
من رحتي وانا متإلم = مالك هاربه من يسلم
حطش من زمن في اعيانه =برسله على عنوانه
قدني وقتها شليتش = نصحوني ولا خليتش
وانا عارفك غلطانه = برسله على عنوانه
كنتي من زمن مغروره = هاويتي خبيث الصوره
غرش فيه عذب الحانه = برسله على عنوانه
روحتي مع بو صبري = دق العود لش من بدري
وعادش قاصره ولهانه = برسله على عنوانه
عبتي في خوانش عبتي = بانسالك وش ذي شفتي
في نخرة فرج واذانه = برسله على عنوانه
لو كنتي مع بن عمش = ماجاش المرض في دمش
كانش باشرف مصطانه = برسله على عنوانه
طيربش وهو في الكوده = ذه سفره بليا عوده
وعودلك يدق طيرانه = برسله على عنوانه
قد شفته برفقة عمه = في صنعا براس القمه
بطل في لقا خلانه = برسله على عنوانه
ولد السوق مابينفع = لاشدت ترنه يخضع
مايوقف على سيقانه = برسله على عنوانه
خلا بنتنا المزيونه = في وسط الحلق مرصونه
لاصاحي ولاسكرانه = برسله على عنوانه
يالعطاس مالك ساكت = ماتوقعت تبقى صامت
شف بنت البلد تعبانه = برسله على عنوانه
وانت هاشمي لك قدرك = لك سمعه وسيد عصرك
باشر بدلي والزانه = برسله على عنوانه
متعلم وعندك خبره = مالبدوي شفه ع الفطره
يرعاله ورى حشوانه = برسله على عنوانه
يمسي لك يغني سالي = في ممساه والمقيالي
لاقد ناقته شبعانه = برسله على عنوانه
مايفكر بمن هم حوله = لاقد ناقته معقوله
قدامه شرب فنجاله = برسله على عنوانه
وان عزبت يبيت ساهر = قال القيد يمكن قاصر
ولا خافها جيعانه = برسله على عنوانه
واخر رجعولي لحظه = مسكينه ضعيفه غضه
ماراحت لهم طربانه = برسله على عنوانه