[اصيل]

ماغيروني ياكود الله يغيرني
................................. كم واحد (ن) عنك يبعدني ورديته

خليت قلبي معك والله يصبرني
................................. مبطي ... وانا اقول قلبي ويــن خليـته؟

نسيت اعلمك ( طيفك جاء يسهرني )
................................. بس انت ماشفتني وشلون ضميته !!

اشتقت لك مابغيتك عاد تشكرني
................................. تغيب .. والشوق ماعمري تباطيته

وين انت رايح؟؟ ولا كنك معبرني
................................ ماكنك اللي على العالم تمنيته

لاصار هذي علومك راح تخسرني
................................ ماعمر احد راح من كيفه وناديته

عند الكرامه ابيعك وانت خابرني
................................ الله وكيلك ترى كل شي مريته

كانه هجر .. بالسلامه .. روح واهجرني
................................... اخــوي لاصــد عنــي ماترجيــته