[ملقاط]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

مساجلة : - بين الشاعرين سعيد باحريز وعمر بانبوع ( كامله ) . باحريز: ياحاكم الحكام ياسبحان يالفرد الصمد ** يا من لك التسليم وإليك الخلايق يرجعون ياذا الكرم يامن عليك العين وعليك العمد ** والإنس والجن كلهم عاربهم يتوكلون ومن يعز الله ورسوله وله في الخير يد ** يكثر من الصلوات من ذكر النبي لا تغفلون النافع الشافع محمد لي تعنّى واجتهد ** وَأدَّى الأمانة وانشر الدعوة وهم يتنكرون سلام عالضوء الجديد والشهر لي شوَّع ومد ** والجيل هذا زينة الأموال وحياة البنون ذا فصل والثاني الدخون لا ما نفع ما ضر حد ** ومن باع قسمه في الحطب لا يبيع قسمه في الدخون وشو عاده ألَّا بانت الخيطين لأبيض والسود ** وجات في صلاح المغني والذي بايقصدون تمت مقاصيدي وزال الهم مني والنكد ** وشعرت بالراحة وشفت العافية بعد السكون هذا علي ناصر وياشاهد على هرجي شهد ** ذلحين باسوّس وبلقي حصن ما بين الحصون عمر بانبوع: با سين بسم الله يارحمن يالفرد الصمد ** ياعالم الكاين ولي قد كان واللي بايكون يامالك الأملاك يامول المواهب والمدد ** ياصاحب المدات والحركة بيدك والسكون صلوا على احمد ما ركع راكع وما ساجد سجد ** من لا يصلي عا محمد ياغبونه بالغبون والآل والأصحاب أهل الصبر وصحاب الجلد ** لي جاهدوا الكفرة بحد السيف بكوهم شنون سلام لك يايوم فيك الشعب بالسعد استعد ** يايوم لاستقلال عز المال وحياة البنون آنست ياناصر محمد ياأسد يابن الأسد ** آنست يالذيب الصمع ياوعل منصوب القرون [آنستمونا أنت ورفاقك مصابيح البلد ** إخوانكم فرحوا بكم بوصولكم يستبشرون] باحريز: أتى الفرج وتبدلت أحوالنا والعزم جد ** ومن باينوّل يطلع ألا في وسيعات الخنون قفل وشل القفل يالتالي على رغم الحسد ** هيا عسى الشعار يرمون الهدف لا يفشلون وما طلعته الأرض بايكفي الشيابة والولد ** والدخل من زايد ومعنا المان زايد والسكون مانا عصرت أذني لبن شملان لي قمر بن سند ** لله دره لي رطس بالوعل منصوب القرون لي شلوا اللمشة من ايده معاد ينفعه المهد ** ومن نقف اعيونه فيين اليوم بايلحق عيون عمر بانبوع: ياثورة اكتوبر رفعتي شاننا بعد النكد ** واهل الدناءة والحسد باقي علينا يحسدون *** ذا فصل والثاني معي ميزان معدول الكفف ** نوزن به المخلوق بالقيراط نوزن والقفال قالوا لنا إنته فتنت أهل السويري والغرف ** ولقيتهم قسمين كل واحد لقى بيس الفعال قالوا لنا إنته تعلمت البناء من غير كف ** وخرجت عفريت الرقق لي في الرقق ساكن وحال باحريز: من طوّل اذراعه على صاحبه بايعطيه كف ** ومن قال لك من قال قل له بوفرج بحريز قال دخلوا لي الغبة ولا جابو من الغبة صدف ** يابوي نا ياقطب قلبي يابدالي بالبدال بانبوع: رجال يضرب صوب ونته تقول له ضربك طفف ** شحطّهم ياسعيد لمّا جبتها وسط التفال باحريز: من لا حضر عالتمر يعطونه العيَم ولاّ الحشف ** الحاد له لي ما طعم نخل السقاطر والبقال بانبوع: الزقر عاده خيب ونته باتحمّله الكلف ** بخيل عالبُصرة وباتحمل طويلات الدقال باحريز: من قال يحبها وكورها عليه العقل خف ** ومن قال مال الناس مالي ما لقى له راس مال البحر يتبلّد وبحر الآدمي ماله طرف ** يلقي قصص ما حد تلقيها يزعزع بالجبال بانبوع: دخّلك بيده قمت باتخرجه من عرض الخلف ** شف ما يلقّي هكذا ألا خبيثين العمال كل من لقى لك لق له والبر ياصاحب سلف ** ون تسقط السترة يسقطين القواسم والقبال باحريز: الله يدوم الجبر ويدوم المروة والشرف ** ومن لا حسب للتالية يصبر على قيل وقال ( منقول )

مساجله رائعه جدا .
تسلم على حُسن الإختيار .