[محمد سالم فارس الهجرين]

اقتباس : المشاركة الأصلية كتبت بواسطة محمد سالم فارس الهجرين [ مشاهدة المشاركة ]

غصيــــــــــــــــــــــــن البـــــــــــــــــــــــــــــــــــــــــان يقولون العرب كلن ميسر للي عا شانه=خلقه الله من صلصال سبحانه عظيم الشان ونا ربي خلق لي ولف لا جنه ولا انسانه=يعوّد منـّـهم 000 ولفي ملـَـــك لا تحسبوه انسان ميسر لي ونا طوعه خويدم تحت سلطانه=ويامرني بود ما هي اوامر قهر او سلطان وفيني شو زليخا معلقه بالحيل عشقانه=ونا فيها متيم للابد ما با انفك عشقان تقل لي في الخفاء يا خل شفني بات سهرانه=وهي تعرف باني كل ليله عا الوقاء سهران وحتى لنـّــها صارت لشرب الماي عطشانه=سقوني منـّــها شربه ليحيا قلبي العطشان صغيره سنـّـها عشرين في عشقتي رغبانه=وبي اضعاف ما بك يا صغيّر في الهوى رغبان في البحرين ما لقيناش من جوهره وجمانه=مشابه لك ولا مثلك سكن بو ظبي او عجمان واوصف ايه يا الحلان فيها شجرة البانه؟=وخلي ايه؟ ما بوفيك حقك يا غصين البان وغيري في فؤآد الزين ما له كِن او خانه=ونا قلبي لقيته له سكن فندق مرفّه خان اذا ذكروا لها اسمي تحن وتبات ولهانه=ونا يا قطب قلبي لي مولع في الهوى ولهان وكبدي قدّها بالموس بمحبته مليانه=ومن قلبي طفح حبّه مثيل الكاس لي مليان محبه لو قسمتوها تخلي الناس ريانه=وتكفيهم زياده زود من سيوون للريان شكيت امري الي ربي عظيم الشان سبحانه=معاد اقدر على بعد القمر قرّبه يا سبحان تعلا في جويّات السماء والخلق حيرانه=لأنه دوب ينظر لي ونا فاهم ومش حيران نعم لكنني عاني وحس بالنفس تعبانه=الا يا بلكرم والجود داوي قلبي التعبان دواي اشرب واروى من زلاله لي بمعيانه=ولا غيره دواء ناجع يجد با يشفي العيان وشلوا له قوالي ذي بكل الصدق وا مانه=وقولوا له على محبك ترى ما با تدور ثمان اذا ما با ترد الروح له يا قرة اعيانه=دموعه با تظل تجري على خدوده كما المعيان باسبابك مليك الشعر في راسه وشيطانه=ولكنه تعوذ عوذ من ابليس والشيطان يصلي دوب عا طه عدد لبروق رشانه=وعد راعد يحن من بعد لمع البارق الرشان

فضلا اعتماد هذه القصيده والغو ماقبلها