[راعي بروج]

اساس المودة

لولاالنساءماكان بادنيا رجال=ولا القصايد يكتمل مضمونها
لولا اللطافه والرشاقة والجمال=لولا المودة في كلام عيونها
محال تهضم اختنا بنت الحلال=والشمس واضح للملا قانونها
الام نسقيها من العذب الزلال=اولادها في العين بيحطونها
والبنت نحسن تربيتها بالكمال=مثل الجواهرغاليه ونصونها
والحب حكمة ربنا لام العيال=والارض تعطي كل من يعطونها
اشجارها يا خوي دنت بالظلال=من يحرث التربة جنا مخزونها
الشرع يرفع اختنا فوق الجبال=والام كليه لها قانونها
في تربية ابناؤها تضرب مثال=الام ثم الام لا تعصونها
تاريخ للمرأة ميدان القتال=واهل الادب ماضنهم ينسونها
تاريخ في السيره وفي حسن الفعال=تاريخ حافل والعطاء مكنونها
غربي وشرقي بلجنوب وبالشمال=وجود للمرأه فلا تخفونها
وامنا بلقيس يانعم الخصال=اشيا كثيرة بالكتب تلقونها
عنتر ذكر عبلة ودمع العين سال=وعبس قالوا قلعتك من دونها
والحاصل المرأة لنا فوق الخيال=ومكمّله للنصف يسلم نونها
هذا كلامي جاء وتاريخ الدوال=حتى الهوى يهوى الذي يهوونها
والختم صلى الله على مولى الرسال=محمد المختار تم اركونها

[/QUOTE]

هذا اخر تعديل اطلب الاعتماد من اللجنة الموقرة