يقول الشاعر حسن عبدالله برجف وهو من قرية غار وصبحوا صحابه وقبيلته وريشه والجناح فستقبلهم في عرضة الزامل ويقول
كيه وسعوا بسمع حنين النوب = ذا نوب داري ذي عليه البار
ذي من غبش صبح من الشنطوب = من غار ياحيا بمولى غار
ويقول بو الجويد
حيابكم ذي مانشوف الا بكم = لا شفتكم ظهرت شناطيب الجبال
الله يهديكم ويجمع شاركم = ويزيدكم في المال والبر والعيال
ويقول حسن باعبدالله
ياسلامي على حلان قريه جميله = عاصمه رقم واحد في جنوب الجزيره
عينها من جبل ماعينها من مسيله = تسقي المال كله عامطيره مطيره
والمسقي من الصرحه وحصن القبيله = والدرك بالدرك والحلي فوق النصيره
والجمل ذي به الذروه يشل الثقيله = مايهم الثقل لاقد الحموله كبيره
وقال برجف
للهرج لج كل من هرج وحده فلج = لاهو عوج عند الحكم رده سماح
راسي زعج ويعيف من شرب الخمج = لن بان فج يا نصر حوم باالجناح