من كلمات الشاعر : السيد يحيى بن حسين الحامد
زعل طرفي ونومي عل وطول الليل قهده=من بعد الخبر ذي جاء عيوني عافت النوم
وذا حكم القدر والقدر ماحد يرده=ولا حد يعترض لا جاء نذير الموت محتوم
وياريته يشـاور يوخذ الداني وحدّه=يوخذ له ميه من وجيه العيب والشوم
ولا يوخذ عمر ذي مانظرت إنسان ندّه=طويل الشرع ياجرو النمر يا شيّر القوم
حزن قلبي وياحزن الجمالة والموده=وياحزن العرب عالجيد حاكمهم ومحكوم
وياحزن اليمن والشام والبصره وصعده=وبا تحزن بلاد الهند هي والسند والروم
وكمن جيد باتمسي دموعه فوق خده=وبايمسي على ذيب الخلا محزن ومهموم
ولا يعذره شي ذي لا وعد يوفي بوعده=وذي هو لا تعنا با يوجد كل معدوم
بخص الاجواد يارب لا يعقب حزن بعده=بجاهك يا كريم الوجه لا ياحي قيوم
وطرّح هاجسي في محمد هو وجدّه=وحلان المحطه ذي بخصهم حيد مزموم
يجيب الفيد ذي لا قد قصد يظفر بقصده=وفي وقت العمل والجهد يوصل حليه السوم
وصلوا عالنبي ذي قام عالبهتان حده=عسى ننجا نهار البعث في جاهه من الشوم