[بونواس]

الأمرأه ربي خلقها أمرأه=نعمه من المولئ اذا فيها صلاح
ربي خلقها وافيه ومحرره=كذاب كل من قال مكسورة جناح
وكفل لها الاسلام عيشه طاهره=والديّن خلا ظلمها ماهو مباح
رجع لها كل الحقوق المهدره=في شرعنا همْ من على المرأه نزاح
صارت بعفت دينها متستره=والستر والعفه لها اقوئ سلاح
والامرأه لي بالشرف متحضره=يهنا لها هذا التقدم والنجاح
والثانيه لي في بليس امغرره=لي حللت قل الادب والانفتاح
ومشت على ذيك الطريق المغدره=باشأن يرجى من وراها شي فلاح
لانها تبعت فكار امشوشره=وطريق ثانيه ابد ماهي سماح
رسموا لها خطه فضيعه امدمره=صارت ضحية شهوة اكلاب النباح
لي لبسوها في ثياب امزرزره=قالوا لها ذا لبس موضات الملاح
صارت كما سلعه بيد السمسره=وتطايرت حسب اتجاهات الرياح
لو كانها جت ع الطريق الخيره=باتكون معزوزه وتشعر بارتياح
هذه صفات الأمرأه المتنوره=بالعلم والايمان وافعال الصحاح
والعفو منكم ياخوه والمعذره=ذلا دخلنا يوم شفنا الفصل لاح