هذه القصيده للشاعر الجويد بن سالم باقديم
( عرض عارض وقال باقديم )
ياعود سيسم مرخ شوفك ماتجد فيك النبوع =
ياعين سيلي باالدموع
من يوم ماشفته هتز القلب من بين الضلوع =
ياعين سيلي باالدموع
عدى وانا صلي ونساني سجودي واالركوع =
وسجدة سجدة سهو للمولى وفي قلبي خشوع =
ياعين سيلي باالدموع
وقال شربه قلت له حاضر ولو تشرب سبوع =
باسير في خدمتك عاطول الزمن لو موت جوع =
ياعين سيلي باالدموع
مديت له باالكاس ومليت النظر نحو الدروع =
وشفت شي ياليم ياتفاح ياسكر قبوع=
ياعين سيلي باالدموع
النظره الاولى وغظيت النظر قبل الوقوع =
في اثم وترفعت يامحسن مكايين الرفوع =
ياعين سيلي باالدموع
وقلت له من اي ديره انت يازين الطبوع =
وقال لي من حيث تغرب شمسكم بعد الطلوع =
ياعين سيلي باالدموع
وقلت له نعم المواطن والوطن عز الفروع =
بن قولك انستنا يازين شرفت الربوع =
ربوع طيبه ذي لها من كل فج اتوا نزوع =
ضيف البقاع الطاهره واحنا طويلين الشروع =
من زار قبر المصطفى لاهو طمع يصبح قنوع =
سافر وتصحبك السلامه في مجيك والرجوع =
واقصد الى مكه وطف البيت واسعى والطلوع =
الى جبل عرفات باتشوف المواكب والجموع =
في زي واحد كلهم وعيونهم تذرف دموع =
وذلت ارقاب الاكابر للمهيمن في خشوع =
مروا بمزدلفه ومنها لامنى للامر طوع =
واستبشروا باالعيد وتمام المناسك في خشوع =
ياعين سيلي باالدموع
الله الله ... رحمه الله
وينك يانايف ووين طالب لبوه ونداء للجميع عامه اثروا الصفحه من موروث اسلافنا كلن من قداه نحنا نستمتع وانتم كذلك والمشاهد كذلك
وحنا معنا الكثير ولاكن اعذرونا الكتابه والمشاغل كثيره يااهل القلوب السليه واشلوني وشل