[الرقيب]

بديت بسم الله ربي الخالق المعبود = من شر كل حاسد شقي ضال نمرود
وبعدها حيا بذي جاء من ارض السعود = تعداد مالاح برقه وتعداد الرعود
وتعداد ما سال سيله وملاّء السدود = وتعداد غزلان الخلاء في الحيود
في حضرموت الخير والعز والصمود = ارض الحضاره والسخاء ارض الجدود
هي امنا نفخر بها دايم وعنها نذود = فيها تعلمنا المكارم وحب الخير ولها نعود
العلم فيها ونوره قد تخطى الحدود = تاريخها شاهد عليها ونحنا عليها شهود
نبذل لها الغالي عزيزه ارض هود = فيها شبام العامره رمز الخلود
اما المكلا العاصمه هي ثغرها المورود = عروسة البحر حره ام الجبال السود
وتريم بالعلم مشهوره من ايام الجدود = دمتي عزيزه خالده ونحنا جنود
والحضرمي صادق ووافي بالعهود = مايخلف الميعاد وامثاله قلايل بالوجود
اما المكارم والامانه مالها شي حدود = من شان ضيفه يبذل الغالي ولا هو حسود
يسعى الى الخير دايم مايحب القعود = من فجر الاسلام كان الحضرمي في الصمود
سارع بنشر الرساله وكسر القيود = ابطال كانوا لها احرار مثل الاسود
مهما مدحناهم وقلنا حقهم ما نزود = هذه حقيقه والله العالم وخلقه شهود
وختمها صلوا على خير العرب بالوجود = تعداد من زار مكه وتعداد السجود