[مبارك بوشندل]

الوقفة التاسعة والخمسون
من الشندليات المثلجة
رغم العناء رغم التعب والمشاوير
يشتاق لك قلبي لذوقك لمعناك
وانك عديم الذوق ما فيك تقدير
وش قول في قلبي إذا كان يهواك
لا قد ذكرتك حسني في الهواء طير
وان كان شفتك خف شوقي بلقياك
الى متى يا بعد عمري وانا سير
ماطاق قلبي يبتعد منك يشناك
خليتني بين الامل والمعاذير
وانك نويت البعد بحيا بذكراك
يشفق قليبي لك لوحدك ولاغير
لوشاف مره لفتةٍ من محياك
شفت الهوى صلح في اهله مناكير
حد منهم مجنون ليلى وحد شاك
وانا مسيكينٍ بقلبي مناشير
ارعى نجوم الليل في كل لفلاك
ولا معي من دنيتي شي دنانير
ولا ريالاتٍ بها بقدر الفاك
لكن عندي يا عيوني قناطير
حبٍ وشوقٍ زايدٍ قلب شرواك