السلام عليكم
ابديت بسم الله رب الناس . رحمنٍ رحيم
سبحانه بكل الخفايا . فالضماير يعلمي
جتني قصيده ثوّرت في داخلي نار الجحيم
شخصٍ تطاول .. فالجبال الصم . جانا يرجمي
زلّيت ياناصر . وذيلك للابــد ما يستقيم
زلات واجد . للمراجل لاحشا . ما تنتمي
الاوله : سبّيت شهمٍٍ . باسط اليمنى . كريم
يرمي ملايينه . ولاقصده جزا . او مغنمي
ما قصده الا يمسح الدمعه . على خد اليتيم
في مهرجان يعود ربحه . للفقير المعدمي
انسان جاهل ما تميّز بين سين وبين جيـم
تسعى ورى الشهره . ولاتحسب حسابك فالرمي
والثانيه : سبّيت انثى . مسلمه ..بفكرٍ سقيـم
من دون ما تدري وش آخر فعلها .. يا آآآدمي
يمكنّها تابت !! . وعاد اللله تواب ٍ رحيــم
يغفر ذنوب العبد . لو هي بحر . موجه يلطمي
واجب عليك الحـد .. يوم الحد عبــرة للئيـــم
تجــلد . وتشرب بالمراره . نفس كاس العلقــمي
والثالثه : سبّيت سيد اسيادك .(( الطــود العظيــم))
عساك يالمهيـون فدوة ( شسع نعل ) . ((الحضرمي))
ارض اليمن ارض الاصل . والدين . والراي الحكيــم
قد قالها خيـر البشــر .. صلى عليــه وسلــمي
والحضرمي معروف قبل تقول ( واوا ) . يا غشيــم
له قبل . آلاف السنيـن .. بكل ديره . معلمي
اصل العروبه . ناشر الاسلام .. قهّار الخصيــم
لولاه . ما تلقى باقاصي الارض . شخصٍ . مسلمي
بايع رسول الله . على الاسلام . والشرع القويم
حارب بنفسه في سبيل الله .. عربي واعجمي
في وقت الازمه . جنب ابو فيصل ,.. في الشدّة قسيــم
مثل الجبل .. شامخ. يصم الراس . للموقف حمي
وانشد على بقشان . بن محفوظ . ولاّ بانعيـم
ولا العمودي .. هو وبن لادن . وكمن صــيرمي
بتجيك الاخبار الاكيده .. كنها السيـف الصريم
تخفض سهام الزيف في صدرك . وترفع اسهمي
في خدمة ارض المملكه . يسعون بالفكر السليــم
ولا ينكرون الاصل . ولا الفضل .. لنته . تفهـــمي
اما انت . خل الفرعنه عنك .. وخذها فالصميــم
بيتٍ .. كما اللطمه . يفتّح عينك . ان كانك عمي
عند اللقا .. ليه الرجال . تحطهم خلف الحريم ؟؟؟
ما للنسا في المعركه قدرة .. على حد اعلمي
الله يعز اخوان نوره .. من زعيمٍ لا زعيــم
علّوك . وانته دونهم . مدفون في ( حفنة ) . طمي
حطوك يا أسفه بشر .. في وسط جنات النعيـــم
حاموا عليك . وعالسعوديه . بسيفٍ حاسمي
ولاّ انت . مثل التيس الاربد . لا تقوم . ولا تقيـــم
واطي . ونفسك واطيه . مشطوب بخطوط اقلمي
حتى القصايد بقتها .. هذي الرجوله . يافهيـــم !!
تسرق وتتحايل .. واخذها . ولد عمي الشبرمي
وانا تميمي . ياقليل العقل .. من يجهل تميـــم ؟
قوم ٍ بنوا في صفحة الامجاد .. صرحٍ عالمي
لا ثارت الهيجا . يجونك . موجهم يلطم لطيــم
يسقون قلبي من كرع وزلال .. لو قلبي . ظمي
ماهمني مثلك .. ولا باخاف .. لو فالجو غيــــم
العز والناموس . والثارات .. تجري في دمي
والختم صلو . ما لمع بارق . وماهب النسيـــم
وعدام ماهــل المطر . على الحبيب الهاشمي
ختّمتها من خاطري . واستغفر الله العظيم
يارب غفرانك . اذا جات الخطيه . من فمي
من عادتي صدري كما الوديان .. في طبعي حليــم
ما اهوى مجاراة الردي .. بس الضروره تحكمي
وسلامتكم