[الشوق]

الجراح
عسا ما أزعلتك البارح وزودت الجراح جراح ...
عسا ما مرت الدمعه على اهدابك من اسبابي...
جرحتك جرحتك من كثر شوقي وخليت الكلام رماح ...
ولا ادري شلون ياعمري طعنتك حيل باعتابي ...
بدون شعور صدقني ترا كثر الغلا ذباح...
تعال وشوف بغيابك غلاك شلون سوا بي ...
حرام تغيب من عمري وتعطيني الفراق وشاح ...
حرام الدمع في عيني مناديله هي اهدابي ...
غيابك يشغل عيون الزوايا وامتلى اشباح ...
وانا انثر صوتك بقلب المكان واشعل ابوابي ...
تلفت للأمل دام الرجا في عمري المنواح ...
اناديلك ولو شرهة وصولك تقطع اعصابي ...
ابيك الجاي من عمري انا ما بيك شي وراح...
مدامك اجمل واخر ..مدامك أول احبابي ...
ابي ارتاح يا عمري انا ادري هم تبي ترتاح ...
تعال تعال وقبل ما أفرح ترا تفرح بك ثيابي...
أحبك أحبك يا بعد عمر الحزن والجح والافراح ...
أحبك أحبك كثر ما نامت عيونك داخل أهدابي ...