بسم الله الرحمن الرحيم
( هذه القصيده لحسن باقديم )
ياحال فوه والمساكن مامعي طربه وشف = للدندنه والطبل والمزمار ولا للقصيد
غابت شموس العشق عاالعشاق والقرش اصطرف = والناس ذي قبضوا قليد الصفوا زقلوا باالقليد
ولعادني حسب العوائد عندي الوضع اختلف = قد نقصها بطرافها قولوا لسالم بن سعيد
شليت نومي ياعتيق القطن من اّم الدرف = ووضعت لي فيها سهر غيره وبرنامج جديد
يابن سعيد عتيق عتق الباجبع ماله شغف = ولا محبه عن عبيد القرن وعبيد الرشيد
بعطي الموائن اهلها اهل المعزه والشرف = ذي ماغواهم تمر صدقه او غواهم لحم عيد
قيد الحمار السلسله والعهد والبر والسلف = قيد البواسل ناطقين الضاد والفعل الحميد
ذي مالهم في مذهب الشيطان شي هاجر وزف = ولا لهم شخطت قلم في شيك ماله شي رصيد
ماحوق في سالم وسالم شغبهم كله جلف = هل امتلئتي ياجهنم قات ياهل من مزيد
ماذا جرى كل من عطيته نثر يعيطني حشف = او حسف حرمل ياجمل من طلعت الوقت الجديد
طبع المحب والجار والجاويد سودان العكف = باشل من حلوه ولا باشكي من القار العديد
والثانيه ياغاظة المسناء وهل وادي عرف = حصنت نفسي من سوالفكم بطّه والحديد
صفى حسابه من بنوك الشعر واّتا في محف = ضني محسب عرشها خاوي بنقاد القصيد
او ضنها راحت كما الطاهب وواديها عزف = وهي تراود له على المسقط كما لعب الجليد
كثير فيها مثل ذا يابوعمر يااللاسف = قطعة شنف راحت ثواغرها تثج ساحل ونيد
قيراط عز والحفظ عاالموروث مقرن باالشرف = ولا مئة قيراط فيه الهون وذلاله يزيد
راح السلف واتا خلف يلعب بميراث السلف = ويهين ميراثه ويتفاخر وشيطانه مريد
صفه جديده بهذلوا باالقول والورث انتسف = مامنهم ذيهوا يخرج قول في نضمه سديد
ان قلت له ذا مايجب طالت لسانه باالزلف = ومن الوقاحه تموا النقاد ياعامر بعيد
عاد الضماير بنك دم ( والله ) وعزي والشرف = يامن نوي باينجس الكعبه يقع له قطب ايد