[محمد سعيد بن مخاشن]

اقتباس : المشاركة الأصلية كتبت بواسطة قرن الوتد [ مشاهدة المشاركة ]

بعض الظن إثم [SIZE6"] بلكرم والجود سألك ربنا عفوك وجنه = عرضها عرض السماوالارض يالرب الجليل والذنوب إثقال لحمي من على عضمي برنه = خـــوف لالا قــيـــك يـاربـي وحـــسـنـاتـي قـلـيـل ثم صلاتي عا محمد والعطايا ماغرنه = ماخـشـي بالـحـق يصدع لويـقـع حتى قـتـيـل بعدباقدم نصيحه للي افكارهـ يجنـه = والشكوك السود وهواجـيـس مبعـثها هـزيـل إثم بعض الظن يالصاحب حذرياذاك منه = لاتظن في خوك بالسوء من سبب قالن وقيل والشريعه حكم عالظاهر ولاهي بالمظنه = هـكـذا نـقـراه في الـقـرآن جـيـلـن بـعـد جـيـل وانذكر هذا كذلك جم في آثارن وسنه = وابحـثـوا فيها الـمـراجـع لـوتريـدون الـدلـيـل من يظن في الناس بالشبهات اذيابن كلنه = أو تصيبه ياشلل نـصـفي بليـدا والـرجـيـل رد سلامي قال شاعر عالشراحيلي وفنه = وعا الشبامي بالـربـيـعه لي يسمونه عـقـيـل والمخاشن هو ولجنه حيها ياخير لجنه = لجنة الشعار كم قاست من أصحاب العويل لجنة الصبر المضاعف حن عليها كل حنه = لجنة الخبـراء تـنـود دوب بالحمل الـثـقـيـل بن شريشر بالعمد يبقى في الآخر وهنه = هو الغوارب لي تجي من بعد مالوادي يسيل الثلاثه والغوارب كم وكم شاعر هضنه = يـتـبع القـانـون ويواصل عـلى خط السبـيـل يلتزم زين القوافي والمعاني غصب عنه = والنـغـم مضبوط والأوزان وأيضاً لايـطـيـل أنا الكثيري افتخر والنيد حشواني شبنه = نسل همدان الذي في القبوله قسمه جزيل في بني الأحقاف كم شاعر اذا سمعته كأنه = حافظ إبراهيم أوشـوقي ومطـران الخـلـيـل لاتـظـنـونـي مجـامـل رد سـلامه بس لانـه = جاهـ بعض الخير من ذاك المقرم والأصيل خه من الدنيا ومافيها ولا تسوى شلنه = لاخلت من دين وشهامه ومن فعل الجميل عفوكم ياسامعيني إن وقع في اللحن خنه = يومه الهاجس مكدر قد عزم له عالرحيل بعضهم ماطاب له فوزي وسوى مرجحنه = ظن نفسه شاعـر الشعـار لي ماله مثـيـل لاكرم عندهـ ولايـسـقـيـك من بارد بشنه = مامعه شي غرس في العربان يوم انه دخيل شل معه سعفه شويعر بعدماابياتي حجنه = جري لاشيخ القبيله يـطـلـبـون الـمسـتحـيـل واقنعواشاعرقبيلي بات معهم وسط قنه = مانـخـثـم فـيـه بـس يـومه يـؤيـد بن هـبـيـل لي زهمني يوم عالجوال صدفه رن رنه = قال باهـنـيـك شـفـني للمعـلـم نا الـقـبـيـل لجل ذا بانترك الساحه لكل حاقد عسى إنه = لاتصيبه قرحة الأمعاء خبر مولى السحيل وألف صلوا عامحمد للورى إنسه وجنه = بالهدايه جاء أبوقاسم وبالشرع الطويل رب يشفع لي نهار الخلق في همره وونه = ومن يدينه نشرب الكوثر مبرد سلسبيل [/SIZE] الشاعر / عبدالله صالح محسن آل عمر بن جعفرالكثيري. [/SIZE]

وصلت قصيدتك أخي ( قرن الوتد ) ورجاء من الإخوة المشرفين ومن له حق التعديل أن لا يقوموا بأي تعديل حتى لو كان مجرد تنسيق أو تصحيح أي أخطاء إملائية إن وجدت.