[حسن محمد سالم باقديم]

هذه القصيده ل حسن محمد باقديم حررت بتاريخ 13/8/2013م

( بعنوان )

يامن تحب المنتدى عاالحق واشـلــني وشـل =
حبي لصرح شبام يبقى تاج عاراسي وشال=

ياالله يامهدي عبيدك من خطاها والزلل = واسقيتهم من معصراتك باالكرع صافي زلال
يافالق الحب والنوى باامرك ونور الصبح هل= يامن خلقت الكون وعمرته بشمسك والهلال
كف التضرع ليك يابلجود تعطي من سئل = بااسم الجلاله مارجع سائل ولاخاب السؤال
ولفي صلاتي عد هطال المناشي باالسبل=وعداد ماغاثت على الاودي وهشت باالسبال
تغشى سراج الكون عد ماسيل من وادي قبل=واّلال والاصحاب ذيهم واجهوا الموقف قبال
ثم قال شاعر ماينام الليل ومسامر زحل = لانوم يهناء به ولا فيها نسم وبرود حال
تنقح مقاديح البلا من كل فج والنوم عل = والفسل شيل الشخر ويمزق كساء وقماش عال
وان غمضت العينين ماغمض وفتح باالمقل = الا وطخم الفج يزفن باالهزل قيلاً وقال
لازم تحط الرطل يابعله ونيصة باالقفل = سوق الذهب ماهو لكم ذي يوزنونه باالقفال
ذا ناكث الميعاد والعشره وذا نزغة عمل = وحلف متبرقع ردائة فعل وقباحة عمال
بعول تتراكم تنادي بعض والنصح ارتذل = من قوم منزوعين حرمه يقلبون العين ذال
خيبة ضماير في السقيفه صاعده خاب الامل=ياالمنتدى لاذا ولا الثاني تعده راس مال
ولا رساله مجديه في ليل ولا في مظل = مسوى الفتن والنذق والكذبان تهدي للظلال
قد كنت تتهدر وباالغشبه تنذف ياجمل = واليوم مدري ويش باالفاطر حصل سيد الجمال
في باثنعشر يارفيق الدرب لاعتكيت جل=وحافظ العشره تصونه عزة الله والجلال
والثانيه حبك ولك مقدار في خاطري حل=دعوتي لك دعوه تصون الحال وتصون الحلال
وعطيتك الطاعه وقاضي فصل قطعني وصل=هذه قناديلي وذه شمعتي فررها وصال
يمتابع الانثى تركت الفحل شنف الجبل=مااليوم من ريمك رعض غاثت على روس الجبال
صعقي حتف راعده يترنم وبارقه اشتعل=يحرق كما سبر الوقد يلقي في الجوف اشتعال
من عاد لادرب الطريق الجاد نجمه ماافل = سئلوا رسول الله قال الطيب والاخلاق فال
وخلاف هذا ياالسقيفه من قدح منش وكل = ورجع يتفل في طسوطش بانكلل به كلال
فيها عول ورجال يحموها وقايدها بطل = في ضل عدله مابدا خرموع او شريوف طال
يامن تحب المنتدى عاالحق واشلني وشل = حبي لصرح شبام يبقى تاج عاراسي وشال