| اقتباس :
المشاركة الأصلية كتبت بواسطة الشبامي
[ مشاهدة المشاركة ]
|
٢١/١٠/٢٠١٨ ٧:٢٧ م - خالد بن مهنا :
ذا خرج فصل والمعروف مرفوع سقفه
بانقضي ليالي طيبه في السقيفه
من معه عود يسِقِف
يحفظ الراس ويكنه وسط بيت مسقوف
٢١/١٠/٢٠١٨ ٧:٥٨ م - عبدالله بن حويل :
مالنا يالمريري غير عطفه ولطفه
يسر العسر والنكبه جعلها طفيفه
ياكريمان تلطف
يصلح الحال في لحقاف بندر وباطوف
٢١/١٠/٢٠١٨ ٨:١٨ م - سالم السقاف :
بأمره الله يعم الخير في ظرف طرفه
با تعود الليالي المقمره والطريفه
با يزول المغطرِف
لي في الصدق مالقى شي وسل له وتطروف
٢١/١٠/٢٠١٨ ٨:٢١ م - خالد بن مهنا :
بايقع خير عاد الورخ بايجود خرفه
من معه نخل لاقد حان موسم خريفه
ينبسط يوم يخِرِف
يعزم الناس يذبح كبش في الدار وخروف
=======
مقطع الدان للابيات أعلاه AUD-20181021-WA0032.m4a
=======
٢١/١٠/٢٠١٨ ٨:٤٢ م - غازي عمر ( قروب بحر القوافي ): جاتنا ذالسنه ماهي كما كل عرفه
طست حتى المقدم ماندر مع عريفه
لي بالسرار يعرف
عاد حد بايرده عاد شي فيه معروف
٢١/١٠/٢٠١٨ ٨:٤٣ م - عبدالله بن حويل :
ماحصل لك تراها ياكحيلان نصفه
نصفت اللي ظلمته خذت ماله نصيفه
رب عادل وينصف
يوم ظلمك صبح بين المخاليق موصوف
٢١/١٠/٢٠١٨ ٨:٥٩ م - غازي عمر :
بعد طول الضما بامد للناس غرفه
والصفا الجم يكلف لادمي عا غريفه
من معه غرب يغرف
وينهم لي يقولو بير لقلات مغروف
٢١/١٠/٢٠١٨ ٩:٠٤ م - عبدالله بن حويل :
لوه شاطر قوي والنفس من غير عفه
مايلاقي محب حوله وكلن يعيفه
وان تمادا ولاعف
من محارم عباد الله قاصر ومعيوف
٢١/١٠/٢٠١٨ ٩:٠٩ م - خالد بن مهنا :
كل بندق مع راميه يحتاج صرفه
ايش منه بدون الصرف مثل الصريفه
خلو الزقر يصرف
لي يرجعه دكانه يخرجه مصروف
٢١/١٠/٢٠١٨ ٩:١٢ م - سالم بلحمر البدوي:
عاد عنقود في الاحقاف يتعبك قطفه
لاتصدقه من الف قصص في قطيفه
كل من راح يقطف
ماقدر له ويكذب حينما قال مقطوف
٢١/١٠/٢٠١٨ ٩:١٨ م - عبدالعزيز مبخوت بن شريشر النهدي:
عاده الكيس فالخزنه مكيس بضرفه
تحسبوها نكت شاعت لطيفه ضريفه
لي بغيتوه يضرف
بايجكم خبر منه وسط خط مضروف
٢١/١٠/٢٠١٨ ٩:١٩ م - غازي عمر:
لي معه ريشة القمبوس ماسمعت حرفه
رغم ان الملحن طول وقته حريفه
مـ التلاحين يحرف
وان نطق حرف حتى الحرف ينطقه محروف
٢١/١٠/٢٠١٨ ٩:٢٩ م - عبدالله بن حويل :
بايصدقك كل مرجوج وان فيه خفه
ويش يخفي بلاوي فوق ضهره مخيفه
مابزهدي يخفف
وان تخفف عليه الحمل وش يندر الخوف
٢١/١٠/٢٠١٨ ٩:٣٧ م - عبدالعزيز مبخوت بن شريشر النهدي:
نامت العين عا الراعي في الشعب طرفه
لا تضنونها بهمه همل او طريفه
من يبا الموت يطرف
عنده السيف حق جده مجهز ومطروف
٢١/١٠/٢٠١٨ ٩:٣٩ م - محمد سعيد بن مخاشن :
يا عسى للذي هو عيف ميتين نقفه
ديك وحشي يجي له ذي يعوّر نقيفه
حاد سنقوف ينقف
والوثن بيصبِح يا خوي في يوم منقوف
٢١/١٠/٢٠١٨ ٩:٥٠ م - عبدالله بن حويل :
ماتفيده ولاتنفعه حيله ولفه
والحمول المطير ماتشبطه ليفه
لو تحيل ولو لف
القطامي على جاله ومن فوقه يلوف
٢١/١٠/٢٠١٨ ١٠:١٧ م - محمد بازغيفان مغني دان: AUD-20181021-WA0043.m4a (الملف مرفق)
٢١/١٠/٢٠١٨ ١٠:٢٦ م - عمر الحبشي :
كلٍ على كيفه من تقبّض بشطفه
والعمد في دياره سهن ذيك الشطيفه
ما درى من شطف
والبلد في زويله من بلاوي الشطوف
|
جلسه في قمة الروعه .
تسلم على النقل ومنتظرين
تنزيل الصوت والصوره .