من الريس : إهـــــــداء إلى شعـبه ....!!!

[أبوعوض الشبامي]

.


من آخر قصائد الشاعر الشعبي أحمد نجم :

شعبي حبيبي= يا روحي يا بيبي ... ياحاطك في جيبي .......يا ابن الحلال
يا شعبي يا شاطر= ياجابر الخواطر ... ياساكن مقابر.... .....وصابر وعال
يا واكل سمومك= يابايع هدومك ..... ياحامل همومك.... ....وشايل جبال
يا شعبي اللي نايم= وسارح وهايم ......وفي الفقر عايم ..... وحاله دا حال
أحبك محشش = مفرفش مطنش ........ ودايخ مدروش ....... وآخر انسطال
احبك مكبر دماغك =مخدر ممشي امورك.................... كده باتكال
وأحب اللي ينصب= وأحب اللي يكدب .......وأحب اللي ينهب....... ويسرق تلال
واحب اللي شايف= وعارف وخايف ........ وبالع لسانه وكاتم ما قال
وأحب اللي قافل عيونه= المغفل واحب البهايم ........ وأحب البغال
واحب اللي راضي =واحب اللي فاضي ......... واحب اللي عايز يربي العيال
واحب اللي يانس =واحب اللي بائس .......... واحب اللي محبط وشايف محال
وحبك تسافر وتبعد = تهاجر وتبعت فلوسك .......... دولار او ريال
واحبك تطبل =تهلل تهبل ............. عشان ما تش كوره وفيلم ومقال
واحبك تإيد = تعضد تمجد .............. توافق تنافق وتلحس نعال
تحضر نشادر =تجمع كوادر............. تلمع تقمع تظبط مجال
لكن لو تفكر= تخطط تقرر ............. تشغللي مخك وتفتح جدال
وتبدأ تشاكل = وتعمل مشاكل...... وتنكش مسائل ....... وتسال سؤال
وعايز تنور =وعايز تطور ............... وتعمللي روحك مفرد رجال
ساعتها ها جيبك=و.لا يمكن اسيبك........ وراح تبقى عبرة وتصبح مثال
هابهدل جنابك= وأذل اللي جابك....... وهيكون عذابك ...... دا فوق الاحتمال
وامرمط سعادتك= واهزا سيادتك .......... وأخللي كرامتك في حالة هزال
وتلبّس قضية =وتصبح رزية ............... وباقي حياتك تعيش في انعزال
هتقبل هاحبك =هترفض هلبك ............ هتطلع هتنزل هاجيبلك جماااال

الشاعر احمد فؤاد نجم