تعبت === جديدي

[شاعرة الجنوب]

قصيده بسيطه ارجو ان تصل لذائقتكم

11- 9 - 2008
-----------------------------------------------

تعبت اشكي تعبت ابكي تعبت مسامر القمره


تعبت امشي دروب الشوق لي قد حلها الحرمان




منوه اللي يفكر لو بفزعة تطفي الجمره


سبايب حرة قليبي غزاه الحزن والاشجان




غزاه حتى غدا كنّه حمام (ن) طار من وكره


مخلّف في وسط عشّه بيوضه عافها النسيان




كانه ضاع في صحراء وكافي خيره وشرّه


يمر الوقت ما حسّه بدربه وقفت الازمان




سرق وقته عمر يجري يسوقه لا جدا قبره


يسوقه غصب لحتوفه يقرّب درج هالاكفان




عسى رحمه تريح القلب مثقل في عنا سره


وضايق من قساوة خل عهوده كلها نكران





تعبت اشكي اقول اني خسرت العمر لو خسره


فداه اللي ملك روحي فداه العمر والوجدان



-----------------------------------------------------------------------------


بقلم .. شاعرة الجنوب ،الخنساء...