مستعد أخسر حياتي بس أشوفك تضحكين

[وحيدالليل]

مدخـــل

اجمعي همك وقلبي حالف انه له يشيل=وارمي همومك بوسطه لا تهمك علتك
دام جنبك شخص مثلي استند لا لا تميل=لعنبوا همن يجي لك أو يعكر ضحكتك
والله انك حيل غالي .. إيه غالي حيل حيل=ووالله اني كل همي كيف أنا أقدر اسعدك

مستعد أخسر حياتي بس أشوفك تضحكين=مستعد أتعب وأكافح لجل أشوفك مبتســـم
لعنبوها هالحياة إن كان في عينك تشين=ولعنبوها بسمتن عيت فوجهك تنرسم
انسي هالعالم وكونه وانسي كل جرحن حزين=واذكري ربٍ كريمٍ قد خلقـــنا من عدم
لا يهمك هرج عاذل أو ملامة من لعين=ولا يهمك أي حسود أو من كلامه تنصدم
الظروف إن كان شانت والله لجعلها تزين=والفرح والله لسوقه حتى لو جالي ألم
كيف أبهنى في حياتي وآنا أحسك تدمعين=كيف يهنى من يشوف ان صدر خله منكتم

مخرج

لو طلبتي شي أجيبه حتى لو هو مستحيل=حتى لو هو مستحيل اللي تبينه جبتــــلك
واعرفي صدق المحبه نادر وشي(ن) قليل=واحذري من قال احبك لا تقولي اعشقك
الا لما تعرفينه ما يبي غيرك بديل=وانك انتي وسط قلبه ساكنه محد(ن) معك

وحيد الليل

[صالح باعمران ابو زايد]

(((مستعد اخسر حياتي لو اشوفك تضحكين)))
تسلم حياتك ويسلم رأسك
كلام في غاية الروعة والجمال
تقبل مروري وتنسيقي للقصيدة
اخوك صالح باعمران

[يماني وشامخ كياني]

اخي

وحيد الليل

كلام عاطفي جميل تشكر عليه

واصل ابداعك وكلامك العذب