نداء للمدودي

[سبع الليل]

هذه القصيده مرسله من شاعر من مدوده الى الشاعر المدودي بواسطة سبع الليل
_______________________________________________

سلام باخص المدودي من مدوده يخب=عد ماهب هبوب الخير جم ماهو هباب
العفو عالتقصير لك مكتوب من عندي كُتب=هذه رساله لك بخط يدي في الكتاب
سافرت الى الارض حصلتها تبكيك يالوقت الصعب=رب تفرج همومي كلها هي والصعاب
كل شي عاف فيها ولعاد شي فيها طيب=كانت طبيبه والناس لي فيها طياب
تغيرت في لون ثاني من عدم لما رسب=شانها شان البداوه لي تلون في الثياب
قال الجهل لي يورث حباله عاكيه لي من سلب=وان قلت لي ايش السبب باقول كثرن الاسباب
دخلت علينا نقيله من كل محل تزحف تخب=هرشان يادحاش فقدت املنا والخياب
الصدق هو والامانه عندهم ما يحتسب=قد بلينا بهم باقول غلطه في الحساب
لي حللو الرشوه مثيل الماء لي يشترب=وحقوق لي تتبعه في الكاسات لي وسط الشراب
وان قلت ذا منكر قالوا تحذر لا تسب=يهوين يا قهراه تلعبنا دغشت ذناب
حتى الصداق الجاريه كلين فيها قد نهب=المال كله والوطن بيد السرق للانتهاب
والاعلام لي هو مزيف في التلفزه للمغترب=خفوا كل الحقايق للمشاهد والغياب
ومن جور الغلاء يا حار في البابور شب=ترثاء للمسكين والاطفال ولي هم شباب
وبذكر النبي نختم عدد ما غيث عالوادي يصب=وعد كل من نوى نيه بايحقق للصواب

[سالم محمد بلفقيه ((الشرقاوي))]

صح لسانك قائلها وناقلها ههههههههههههه

نضم صوتنا الى صوتكم بالنداء الى الاخ المدودي , ونقول له لك حق تزعل ثم لك حق نرضيك 0


وان قلـت ذا منكـر قالـوا تـحـذر لا تـسـب يهويـن يـا قهـراه تلعبنـا دغـشـت ذنــاب
حتى الصـداق الجاريـه كليـن فيهـا قـد نهـب المـال كلـه والوطـن بيـد السـرق للانتهـاب
والاعلام لي هو مزيـف فـي التلفـزه للمغتـرب خفـوا كــل الحقـايـق للمشـاهـد والغـيـاب

تحياتي 0

[الشبامي]

شكرا للشاعر من مدوده ولشاعرنا سبع الليل
وبأنتظار المواطن الصالح المدودي