12-03-2003, 10:39 PM
|
#1 |
|
حال نشيط
|
هكذا هم يا ناس
حوار العصرية بين بوصا لح وبو راشد
أبو صالح جالس مع أبو راشد بعد صلاة العصر يسولفون ويقطعون الوقت، تنهد ابو صالح وقال: افكر في هالدين العظيم اللي طلع من مكة المكرمه وصل الى اخر الدنيا!!! قال ابو راشد: ايه والله انك صادق يا بو صالح، قال ابو صالح: بس لايهمونك دين اهل اسيا الوسطى واوربا والله مالهم من الاسلام الا اسمه!! رد ابو راشد: والله انك صادق (بالعاميه) يا بوصالح! واضاف ابو صالح ولا دين ها لشوام والله دينهم ما هوب اللي انت تبي يا بو راشد!!! فرد ابو راشد: والله انك صادق يا بو صالح!! قال والا هالا فارقه والمصاريه والسودانيين متصوفه مبتدعه ما هوب والله هم والاسلام والايائف!!! قال ايه والله يا بوصالح انك صادق!! قال ابو صالح ان بغيت الاسلام في ها الديره قال ابو راشد ايه والله انك صادق يا بوصالح!! فرد بتنهد ابو صالح: والله ما هوب دين كل اهل هالديره على اللي تبي يا بو راشد!! اهل الجنوب اهل بدع وزيدية واسماعلييه مالهم من الدين الا اسمه!! قال ابو راشد ايه والله انك صادق يا بو صالح!! واضاف ابو صالح: والا اهل الشرقية ما خذوا من الاسلام الا اسمه!! واهل الحجاز مبتدعة صوفية ما هوب والله اللي انت………… ما هوب والله اللي انت تبي يا بوراشد.واضاف ابو صالح: ان بغيت الدين والله في نجد والباقين خلهم على يسراك ورد بوراشد والله انك صادق يا ابو صالح!! اضاف ابو صالح والله بعد ما هوب كل اهل نجد دينهم على اللي تبي!! اهل الرياض واللي حولها شرابين للتتن ويشوفون الدش والله مادري عن دينهم يا ابوراشدلكن لابغيت الاسلام تراه عندك بذيا بالقصيم!!! رد ابو راشد والله انك صادق يابو صالح فاضاف ابو صالح والله ما هوب كل اهل القصيم دينهم على اللي انت تبي اهل عنيزة واللي حولها يبعون التتن ويلبسون كبك والدشوش مليانه با السطوح!!! ان بغيت الدين والله تراه بذيا عندك ببريده!! رد ابو راشد والله انك صادق يابو صالح!!! واضاف ابو صالح والله ما هوب دين كل اهل بريده على اللي انت تبي!! طلعت هالاستراحات ومايندرى من اللي يشوف الدش ومن اللي مايشوفه ان بغيت الدين ترى في حارتنا بذى!! قال والله انك صادق يا ابو صالح قال والله بعد ما هوب كل اهل الحارة . اشوفهم يسحبون رجليهم للمسجد تقل انهم مغصوبين على الصلاة. والله مابوه في الحارة الا انا وانت يابوراشد!.رد ابو راشد والله انك صادق .اضاف ابو صالح: والله اني اشوفك مانتب تخشع في الصلاة يابوراشد منقول0000000 الــــرعـــد |
|
|
12-14-2003, 05:31 AM
|
#2 | ||||||
|
شخصيات هامه
 
|
هكذا هم دائما !!
وياليت يااخينا الرعد , تطرح هنا حوار لأشباههم ممن هم هنا معنا في السقيفة . |
||||||
|
|
 |
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| (يا ناس بحور الهواء عذبه وفيها المالحة ) | بايعشوت بالغربة | سقيفة عذب القوافي | 18 | 10-21-2011 01:12 AM |
| انشودة حزينه لعام 2011 بصيغة mp3 قلوب ناس ظالمه ما رحمتني مميزه جدا ومؤثره | أمرة بصمتى | سقيفة إسلاميات | 0 | 09-26-2011 09:09 PM |
| هكذا اصبحت ياابي انثى تائهه | روح زايد | سقيفة عذب الكلام | 3 | 09-06-2011 06:05 PM |
| عودوا يا ناس حملها لجهازك نغمة | حسون سبعين | سقيفة الجوال | 0 | 01-12-2011 12:32 AM |
| برع .. برع يا صدام.. الكويت أخت عدن وشبام)؟! هكذا هتف شعب الجنوب | حد من الوادي | سقيفة الأخبار السياسيه | 0 | 11-14-2010 02:32 AM |
|
|
العرض العادي
