خاطرة مغترب

[الواثق بالله]

مني صباح الخير من بدري=مع نسيم الصبح ذي يجري
يحمل كتابي بالهواء مغري=باجمل تحيه فوقها اجمل سلام
يوصل لوادي الورد والزهري= والعود ينفح والهواء بحري
ذي قد سباء عقلي وانا مدري=وشل فؤادي جاب لي فيه الغرام
سلام لك ياريحة الكادي= يامن ملكت الروح وفؤادي
لاجيت انا بالصوت بانادي=اسمك وبس وحده ويغنيني الكلام
عزك وانا مغليك يالغالي=من يشبهك يامضرب امثالي
مالك مثل واسمك في العالي=و عالكواكب مثل مالبدر التمام
كل مامضت ليام ماترجع=ولا زمان العمر ذي ودع
وقد نصحت القلب لا يطمع=ارجع لطينك يوم له اعلاء مقام
باعيش في ارضي وودياني =وبازرع بالخير بستاني
وباقطف من غصنه الداني=يسقيه ربي من هماليل الغمام
لاهبت العليا غبش بدري=واللا يهب النود والعبري
تطلع مناشي برقها يسري=تسمع رعود الخرف في نجم النعام
والسيل في مجراه با يفرق=والارض باتشرق وباتبرق
وفي الفرح والانس بانغرق =بالفضل ذي ساقه لنا رب الانام
والنوب عالخليان متولي=والريش بايفرق وبايملي
وبايقع منه عسل مطلي=وبايزول الهم ويزول الملام
حطيت فوق الفن فن ثاني=حملت فوق الشوق حرماني
واليوم انا قد جيت لك عاني=رديت لاوطاني بخيره والتزام
يالله دعوتك لاتخيبني=ولا من المضنون تحرمني
وفي قريب الوقت تجمعني=وعيش باقي العمر كله في سلام

[مجمل]

كلااااااااااااام يالواثق
تحركت العاطفه وامطرت بهذا الكم الهايل من الصور الشعريه الجميله
مبدع في كل الاتجاهات
دمت في عز
تقبل تحياتي

[الدور القبلي]

واو
إبداع وتحرك وجدان
نفس الشعور عندنا لكــنك أظهرته في بديع صوره
دمت لنا أخي الحبيب

[جول الغيل]

كلام والله قصيدة رايعه
تحياتي لك اخوي الواثق بالله

[الرافدين]

تسلم يالواثق بالله
قصيدة رائعه من اجمل القصايد

[علوي الهاشمي]

عاطفيه تعبر عن وجدان رائع يعطيك العافيه

[اليم]

	اخي الواثق انت شاعرمتمكن ربنا لايحرمنا من عطائك@اليم

[قلم راقي]

تطلع مناشي برقها يسري
تسمع رعود الخرف بنجم النعام

احسنت قصيده جميله جدا تقبل تحياتي

[طالب النعماني]

قصيده رائعه واكثر من رائعه
ابداع مابعده ابداع
احسنت واحسن الله اليك اخي الواثق بالله

[الواثق بالله]

اقتباس : المشاركة الأصلية كتبت بواسطة مجمل [ مشاهدة المشاركة ]

كلااااااااااااام يالواثق تحركت العاطفه وامطرت بهذا الكم الهايل من الصور الشعريه الجميله مبدع في كل الاتجاهات دمت في عز تقبل تحياتي

مشكور اخي محمل على الاطراء ولك تحياتي