04-30-2010, 06:35 PM
|
#1 |
|
شاعر السقيفه
|
سمرة الدان في حفل البانعيم 23=4=2010
عمر الذيب
بديبك يا الهي ياصمد يا فرد ياقادر=وصلو عالنبي واله ومن والاه يا الحضار ومن بعده سلام الفين وتحيات من شاعر=على مولا العنيه والطلب والعز والمقدار على بنعيم واخوانه واولاده وكل حاضر=رجا جيل الشرف لي هم على اليمنى وعا ليسار وحق التهنيه مني لبو فائز من الخاطر= وعمي الشيخ صالح بن حمد ليهو عليه البار العوبثاني سمعت اقوال من شاعر مثيل الغيث والماطر=وحطت عا ربوع المزرعه با تعجب السمار ونا عندي حليله عا لحون الصوت باتبادر=وفرحت بالسمر في بيت شيخ الناس والتجار المشجري انا واجب علي سلم عدد ما يذلح القاطر=على كم من بطل ثائر لقى ثوره كما الثوار وخص الشيخ لي عيني تشوفه زي علي ناصر=واخوانه واولاده حماة المصنعه والدار بالحمان انا عدلي امل موجود بك يانجم يازاهر=بضوك بتشرق من فوق عرماء لا جبال الكار وبعد اللي حصل بسال وبا ناقش وبا ساير=وبا لقيلك كما مالقيت للمحضار يالهدار بغينا الشور واحد بين باصره وبا جابر=لعد تلقو لنا ياريت لي قد سار مبعد سار القثمي نعم ويقول بو هيثم صواتك تشرح الخاطر=تنسيك المشاكل والتعب في الوقت لي قد سار وذه ليله سعيده من عشيه برقها ناشر=تهيضك المناشي والسحب لي دار بك مادار ونا مخلوق وبنادم ولي احساس ومشاعر=تهيضني الطبيعه والمناظر لي تسر لنظار ولا شفت الصدف واللول والمرجان متقاطر=توقف واستقل وحسب حساب الاهل هم والجار بانافع سلام الفين من عندي يصل عالقائد العاشر=لذي في خاطري عده مثيل الهاشمي بشار ونا مالي سنع شفني ولا خاطرت با خاطر=سعوف اسعيد بالحمان حملي عا جمل هدار باني ونا باوجه اتحيه من الواحد الى العاشر=جميع الناس تو صلهم وخص الكبتن الطيار من الرضحين وصحابه وصاعد عمد لا حادر=تحيه شامله ما تختلف لمواج في لبحار الذيب رد خاص على بالحمان معد شي زين في دنيا ندم والشعف قد شاتر=على نصف المناشي في السماء طير بها طيار رعى الله ما مضى يالمشجري ايام بو عامر=تجي وتروح مستامن على بلك من الجزار وما ذلحين قال الذيب قل ياالله يا ساتر=وصبرك عالرطوبه والبروده والسموم الحار القحم لكم بهدي تحياتي عدد ما دلهم الماطر=لاهل الموجبه تبلغ وتتكرر مية مليار على بنعيم واصحابه ومنهو في السمر حاضر=وبطلب ربي المعبود يجعلهم طوال اعمار وبا بارك وبا هني لنجم السمره الزاهر=من الرضحين والشعبه نهنيله ومن كل دار العو بثاني تجمل شلني يا طير عا جناحك وبا سافر=ولا شفت المحب بنسى هموم البعد والاسفار حنين القلب ملقي لي كما ما حنن البيعر=وكم من هيج قد قطب حبال الشطي والكنبار حياة الشخص في الغربه مثيل الجنط والتاير=ولا حر الكفر مقدرت بيدك تلمس المسمار بن سحاق سمعت اسعيد با لحمان يتكلم وهو صابر=تكلم قال يكفي شمسكم شرقت على لصبار وشل بندق وجنبيه وهو بين العرب عاتر=ويقطع في العلوب المخشبه بالفاس والمنشار المشجري انا يالعوبثاني ذي السنه عازم وبا غادر=ابا باشوف شائف لي قبض جنبية الغدار وبجزع في مدينه عامره بجزع ونا زائر=يقولو اهلها ما يكلمون الضيف والزوار لان دمي تجمد في عروقه واخبره فائر=معد شي فائده في الاسبرو والملح والفوار بالحمان وباطاهر مكانه ياعمر هو ذاك باطاهر=انا شاوره لكن هو معطاني طرف في الشار بنادم لا حسب حسبته في الزائد وفي القاصر=وصل لعلى مراتب بين اهل العز والمقدار ونا عارف بان العمر مثل الفاي لي عابر=عقدت العزم وتوكلت باسم الواحد القهار القثمي انا قول التجارب مدرسه لقو لها دفاتر=بها نعرف طعوم المالحه والحلو هو والقار بغيتك تحسب احسابك وانته يا ولد شاطر=تريض يومها الراضه حميده وانت راس الخار ومولا العقل طبعه لا درس ما ضيه والحاضر=وقارن بينهم يطلع على المقياس والمقتار وكل من قال با ضحي وبا تهور وبا غامر=خسر كل ما معه ليهو في اليمنى وفي ليسار بانافع كلامك ينطعم سكر وخابرني وباخابر=وكل عاشق ضروري ما يذوق السم والصبار نعم يسعيد قد راحت وراح القسم لي جابر=وبو عامر في القسمه قسم لكن ظلم عمار ر القحم عمر لاتطولون الوصف هاتو لي من الاخر=تعالو عندنا وتذوقو من حلوها والقار والا بانعدك شخص عالقانون متامر=تجمع عالحطب بيدك وغيرك يحترق بالنار انا مؤمن وكل انسان مؤمن عالتعب صابر=ولا يهتز من موقف ولا يضعف ولا ينهار تعب من شان تتغدى وتتعشى عشاء فاخر=وكل من نام خله ياكل اللقمه بدون اخصار باني رحب بالناس لي وصلو رحب بالنجم لي زاهر=كنان الراس يو فائز وسعفه لي لهم مقدار حمدت الله وشكرته وقوتي يا عمر سابر=ولا بشكي لحد مسوى لربي لي عليه البار كلامك زين جاني بن بكر لي يشرح الخاطر=ونا قلبي يون مثلك يون عالعرسمه والغار الذيب متى ما ضاق بك حالك نبالك حجز وتذاكر=وبن ودعك في حفله وحل من حيث ما تختار ولكنك كما الهدهد تظلي في السماء طائر=الى فريت من جده تصبح حجر بن دغار العوبثاني ظروف العشق تحكم عالغبي ياناس والشاطر=ومن عزمه قوي با يبترع في العشره الشطار سعيد المشجري خلا عباد الله تتحاشر=على حجه بسيطه في الخريبه من سقط لا ثار ونا ما بغيت حد يقتل على شمطوط ومثامر=ولا قتلو بنادم جو صحابه يا خذون الثار ميت حيا بلي هو جاني الساعه وبالحاضر=ونارة وانورة بوجودكم يا الساده الاخيار بن سحاق ونا رحب بغامد لي لهم تقدير في الخاطر= ولي جو قبلهم او بعدهم عندي لهم مقدار وبو فائز وصل حيا ويا مرحيب بن جابر=الا يابن جبور انته من اهل النائبه والدار المشجري بغمد با نرحب عد كل ماطرت يا طائر=وعد ما طائره طارت بها يتحكم الطيار وبو فائز صديق الروح مثل الشهر لي سامر=على ضؤه يقول المشجري يتسمرو السمار وفائز با نبارك له وباهنيه من خاطر=وبطلب ربنا يحميه قال اسعيد من لخطار سمر يالعوبثاني شف عمر عيار ويعاير=عسى ربي يعينك في السمر عالعايب العيار بالحمان تامل في الذي ياتي غدن وتركه لي صاير=لان كنا وكانو فعل ماضي والفلك دوار بغيتك تخلص النيه معي وتشوف لي ظاهر=ولي عاده مخبا قبل شوفه كمل المشوار ومن بيده زمام الامر في الاول وفي الاخر=يخلي الطائره في وقتها تقلع بلا طيار القثمي سنين العمر عدة وانقضت ومضت ونا مهاجر=ونا عد السنه فيها كما المليون والمليار ومتصبر في الدنيا ومتقبض بعود النحو ومكابر=ولا با يستوي عندي حساب اليارده والوار ونا بدوي ومن راس الجبل قد جيتكم زائر=وبا توله وبا تسمر مع الحضار والسمار ويا بو صقر قم واقصع بنا وديان ومحاجر=وخل البخس عالفلاح والحداد والنجار با نافع ويا حيا بدي جونا باولهم وبالاخر=وبو فائزفي الخاطر من اول لي عليه البار صبر قولو لبو رائد ونا مثلك كما صابر=وكل صابر في الغربه لزوما بي رجع للدار العوبثاني حمدة الله وشكرته ونا نعمتي تتكاثر=وعائش في ربوع المملكه عا فاكهه وخضار صحابي كلهم شطار وتمصلح من الشاطر=ولا قد جات كلمه طيبه عندي كما المليار الذيب سعيد العوبثاني بن بكر ساري بخط صافر=سجاره بيد والبندق بلخرى عدة المشوار ولا قد رد بو مقصين صاب الوعل لي كابر=لانه من زمن ضاري يدحرجها قشاع اكبار علي راحو صحاب الامر قل لسعيد والكادر=معد باقي سوى الا الريش عا كيفه يظلي فار الصوت الثاني الذيب يا مرحبا حيا بغامد=اهل المروه والشروع النومسيه بفرش لكم عالقاع مرمر= ياانساب فائز بن جبير انا عمر في الجيش رائد=معروف لي خبره وبا قود السريه باكسر ابواب المعسكر =في يوم تقرير المصير القحم عندي لكم تقدير واجد=يهل المعزه واهل لشروع الوفيه وان شي تقدم والا تاخر=با نستشيرك يا خبير باني حيا بكل واقف وقاعد=والغامدي عزه وله تقدير جم ماهو شويه بوجودكم كل شعب خضر=يا صاحب الراس الكبير العوبثاني ونا معي ترحيب زائد =للغامدي بلغ سلامي والتحيه ولا حمد مني مكرر=والشيخ بنعيم المدير المشجري انا على مبداي صامد=ما با تزحزح من مكاني في العليه لو با تهز ياريح صرصر=ويصير ليهو با يصير وان حد لقى ناقص وزائد=عالمعصره بدرج بخمسه دوسريه با نعصر اللي ما تعصر= ياللي تحبون العصير بالحمان بين التقارب والتباعد=باخذ وبعطي عالعوائد لو ليه مادام عدها جمال تهدر =وتحن على وادي عسير با منصور بدعي لكم لا سجدت ساجد=من بعد ما صلي على خير البريه يجعل فرحكم ذا مظفر=ويعود بالنفع الكبير ما با نحرك كل راقد=والجبر حبه يالجموع الاهليه وان حد بغا الا مثل عنتر= قله يقع راس النظير القثمي حنه معي والشوق واجد=عا شناطيب الجبال المعتليه لي اسمها كل يوم يذكر=داخل فؤادي والضمير وحسابها صادر ووارد=في خاطري في صبحها هو والعشيه ماينتسي دائم مكرر=مصيون ومقامه كبير حتى الليالي قل لحامد=ما تستوي بعض الليالي مخمليه نسماتها تنفح بعنبر=وارقامها راس النظير القحم لما متى والقلب حاقد=ماتغفرو والله غفار الخطيه خلو عمر لاقد تكبر=بيجيبه العيد الكبير غلطان والا كان قاصد=عاد الملف مفتوح لي فيه القضيه خذ عشر والا خمستعشر=با ترجع الفضه عشير ملقي لنا قاصر وزائد=وانت الذي مفروض تحكم في القضيه قد قلت لك عشرين مخطر=وضعك في السمره خطير الذيب يالعوبثاني وين عامد =دورت لك وبغيت بعطيك الهديه يومك رجل معروف تذكر=تستاهل الثوب الحرير بحر العرب من قال هاجد=باقول له كذاب في وجهه عشيه بحر العرب بالموج يدفر=يجزر على الشلطي جزير |
|
التعديل الأخير تم بواسطة عمر الذيب ; 04-30-2010 الساعة 06:43 PM |
|
|
|
04-30-2010, 06:40 PM
|
#2 | ||
|
شاعر السقيفه
|
ملاحظه هذه هي السمره كما وردة في الشريط الذي عندي مع اعتقادي ان هناك فصل لبن سحاق وبانافع مفقود اعتذر من الجميع واي احد لديه شي يزودنا به باسرع وقت ليتم نشره مع اجمل تحيه للجميع عمر الذيب |
||
|
|
|
04-30-2010, 07:15 PM
|
#3 |
|
نائب مشرف عام قسم الأدب والفن
|
هذه سمرة بحسّها يا الذيب ولكن فيه أبيات مكسورة ولعاد با نقول حق من عشان ماحد يزعل.
وإيش رأيك كلامي صح أم خطأ؟ |
|
|
|
04-30-2010, 07:32 PM
|
#4 | ||
|
شاعر السقيفه
|
لاعليك اعرفك ماشي يعبر عليك بس شفت الكسور شف تكرار القوافي تمنيت منك انت بالذات ان تعلق عليه شف كلمة مقدار كم مره تكررت وشف الخاطر كم مره تكررت والمشكله بنفس المعنى بس ايش نسوي يابو صالح هذا سمر مفتوح ومن معه شي قاله اخيك عمر الذيب |
||
|
|
|
04-30-2010, 07:52 PM
|
#5 |
|
حال جديد
|
الف شكر لشاعر عمر الذيب على هذا المجهد وامتاعنا بهذا السمر المتميز..وياريت لو يوفي الجمالة ويرفع الشريط المسجل..
|
|
|
|
04-30-2010, 09:36 PM
|
#6 | ||
|
شاعر السقيفه
|
اخي العزيز لك الشكر على مرورك واعلمك اني من امس وانا في محاولات لاخراج الشريط اليكم صوت وصوره ولازلت حتى هذه اللحظه احاول فانتظر الشريط سيعرض هنا مهما كان التعب من اجلكم يهون عمر الذيب |
||
|
|
|
05-01-2010, 12:17 AM
|
#7 |
|
شاعر السقيفة
|
الله يبيض وجيهكم شعارنا واساتذتنا جميعا كلام قوي معاد يحتاج تعليق
تسلم يابو طارق |
|
|
|
05-01-2010, 01:04 AM
|
#8 |
|
شاعر السقيفه
|
شكرا على نقل كل جديد اخي عمر
ولو عادك توثقها بلقطات الفيديو بيكون اروع والله يديم الافراح والمسرات تحيااتي لك ولبقية الشعار |
|
|
|
05-01-2010, 01:13 PM
|
#9 |
|
شاعر السقيفه
|
=ماقصرت يابوطارق انت النجم الامع في السقيفه كل مواضيعك الي تطرحها مميزه ماتمتل ابد اشكرك على طرح السمره بالكامل يالغالي
=وبالنسبه للذي ماطلع في الشريط لي وللعوبثاني رغم انها اول بيتين ودارت ثاني مره على كل الشعار بس مومهم يالغالي الي طرحته كفايه فيه الخير والبركه كلك ذوق يابوطارق =هذا اتوقع البيتين الي لي ون شي تاني مدري والله مااذكر شي المهم الي طرحته فيه الخير يابوطارق =للغامدي باكون ساعد----مو حافض التكمله بس هذا الي لحقه موصول به فيقتني قدكنت راقد-صوتك شجي ذكرتني حاجه خفيه-يا سعيدشف قلبي مكدر-يزفروتسمعله زفير |
|
التعديل الأخير تم بواسطة جمعان بانافع ; 05-01-2010 الساعة 02:02 PM |
|
|
|
|
05-01-2010, 01:25 PM
|
#10 |
|
شاعر السقيفه
|
شعار كبار يستحقوا المتابعة
الف شكر لك اخي ابو طارق على النقل المميز تقبل مروري واعجابي اخوك صالح باعمران |
|
|
 |
| مواقع النشر (المفضلة) |
|
|
|
|
العرض العادي
