لاعاد تمادي بس هذا تَحَدي=هدي عسى بركان روعي يهَدي

[حميد البني]

لاعاد تمادي بس هذا تَحَدي=هدي عسى بركان روعي يهَدي
مابننا وانتي عداوه قديمه=ولامايبرر كل هذا التعدي
رحماش بالناس الذي مالهم بش=ماذنبهم وانتي بهم تستبدي
قد كلهم مشدود في طلتش شد=وان حاولو يرخو شويه تشدي
خلي شويه من حلاتش لغدوه=من الحلاوه سد سدي يندي
مابش سعة تخزين والمخ يابس=انتي سلبتي فيه جزري ومدي
سيري وشوري منظرش واستخيري=مش كل شي بنت الاوادم تبدي
ردي لوجهش ماه لايذبل الورد=اخاف بكره تندبي طاح خدي
ياسلعة الناظر وكلش هنا فهم=رشدت من نظرات عيني وعدي
لاتعرضي مالم يكن له مطالب=ماعادنا لجلش موفي بكدي
طردت زولش من خيالي ولو عاد=يوبه لنفسه كلما جا يعدي
لا تستفزي حيد وانتي حصيمه=لاتستفزيني ومنتي بقدي
سوي قبالش وسط بالش حلالش=وجدار عازل بين حدش وحدي
واربي لنفسش خط سالك وشرعي=اللي الى بر السلامه يودي
وهناك بدي ما رأيته واخفى=وبالمواهب كل ابوها استعدي
حيث السعاده تغمرش بالعباده=حيثه حلال البنت تاخذ وتدي
ماهكذا ماينفعش ماتساويه=لاهو معشي لش ولا هو مغدي
ولاتحسبي ماتنهجينه تطور=ماهو تطور مثل ماهو تردي
وان ماعرفتيني سألتي عليا=بيدلش الطارف على بيت جدي
وان سبتي الشاشه وجيتي صليا=انا اسألش وانتي عليا تردي

[أعشق الرضحين حتى الممات]

شـكــ وبارك الله فيك ـــرا لك ... لك مني أجمل تحية .

[أعشق الرضحين حتى الممات]

موفق بإذن الله ... لك مني أجمل تحية .