جواب للشاعر المشجري

[طالب النعماني]

هذا بدع الاخ الشاعر محمد صالح بامجيمر باعمر المشجري
والشاعر محمد باعمر شاعر معروف وغني عن التعريف من اهالي قده صاط الباحفص
مركز الضليعه

ابتـدي بالـذي يعلـم سرايـر خفـيـه=يعلم السرذي في خاطـر العبـد مكنـون
ربنـا لاتواخـذنـا بفـعـل الخطـيـه=وارحم العبد لاقد سـار للذنـب مرهـون
ياالاهـي رحـم ونظـر لحـال الرعيـه=واصلح الشان وانته مصلح جميع لشئون
يامفـرج علـى المسكيـن فـرج عليـه=زادت اهموم في الخاطر وذا القلب محزون
من زمن من زمن ومن السنيـن الرديـه=كم وكمن ولد غارق في اهموم وشطـون
لكن الصبـر مكسـب للنفـوس التقيـه=جنة الخلـد مفتوحـه لذيهـم يصبـرون
من سكنها سكن تحت الغصـون الطريـه=والملائكه معه من كـل جانـب يحفـون
والفلـل والعمايـر والقصـور الشبـيـه=مسكن الخلـد يانعـم الذيهـم يسكنـون
وبعد قال الفتـى ببـدع قوافـي شفيـه=تبلغ المملكه من عبـر فاكـس وتلفـون
بلغوهـا الـى نسـل الشـروع الوفيـه=جيد بن جيد واجـدوده مثيلـه يجيـدون
بلغوهـا لبوراضـي بساعـه رضـيـه=والمترجم معه هاجس وله قـول متقـون
بايترجـم قـوافـي بلهـجـه قـويـه=بالاشـاره ولابيخلـي النـاس يــدرون
يوم حط المطر والبـرق روس النشيـه=خضرت لرض في الوديان والغيث مسهون
ومن جماله معـه لاقـد عـزم عالسريـه=بايشل الثقل مـن عمـد لاخلـف سئـون
ولاتقـول الزمـن قـد فـرق الشافعيـه=عادهم عالمذاهب ذي يصلـوا يصومـون
بايحطو على العظم الوجيـع الـف كيـه=والاماره لهم مـن زام جعفـر وهـارون
بالقيـم والمبـادي والخطـط عسكريـه=والجيوش الشريفـه للمعـادي يعـادون
نارهم مـن جهنـم والنفـوس الشقيـه=يحرقوها وصرف النار شامي ومرشـون
حذروا ذي في الشرقـي وعقبـة سهيـه=واهل سده وذي هم في الشماري يعـادون
خايف البرق لايرشـن بـروس النشيـه=وان رشن مابضني من سيولـه يكنـون
ذا كـلام الحكـم محـكـوم بالبنـدريـه=يبدع الهاجس الخامس وله قول مـوزون
وبعدها بنشدك من شخـص قـد العطيـه=سخره ربنا في الانس لـه سـر مكنـون
منطـوي عاجميـع الجسـم ليـه بليـه=لـه منافـع ولـولاه الخلايـق يموتـون
حـروف اسـمـه نطقـهـا سرمـديـه=وحذف اثنين من لربع بصيغـه وقانـون
فكـروا فيـه لايهـل العقـول الذكـيـه=ذاكي العقل نشهد له على فعـل ميمـون
وختـم القـول بالذكـر لسيـد البـريـه=الف ضعف الف ضعف الفين ولفين مليون
والصحابـه يطوفـو بالعتـوم الهنـيـه=والطواغيت فـي وادي جهنـم يهيمـون

وهذا جواب طالب بن حسن باتيس ابوراضي

يايـلاه البشـر عنـدك بسـري دريــه=انت تعلم بسري ذي في الجـوف مكنـون
كنـت مذنـب وماذلحيـن تائـب بنـيـه=اغفر الذنب فوق الظهر حملات واطنـون
مالنا غير عفـوك بعـد جـور الخطيـه=يامسامح وياباقـي فـي الارض والكـون
والف صلي على المختـار خيـر البريـه=ذي على الحق قد تبعـوه ميتيـن مليـون
بعـد ذلحيـن بارحـب ونفسـي تقـيـه=بالذي قد سكن في داخل العين والنونيسكن
بامجيمـر محمـد ذي تخـبـر علـيـه=شاعر البدو له في الشعر معنى وقانـون
وافي الشـرع وفروعـه عريقـه قويـه=كسبه الا ميازر قوتهـا كنـش مرشـون
بلغـوا لـه سـلام الفيـن بعـد التحيـه=عد ماطر خصب عالروس منقل وعالـون
لاتكلـم كلامـه مثـل طـعـم البغـيـه=مثل شهد العسل ذي هو مصفى ومشنـون
مـن تسمـع كلامـه قـال ذاء عالبتيـه=قال طيب وهو عائب وفي الهرج معطـون
ماحسبته مـن اهـل الحقـد والعنصريـه=يحسب اني بلا معنـى عميتـه ومجنـون
من كلامه عرفت ان لـه نوايـاء خفيـه=في ثبانه حنش عوراء وثعبـان هـادون
مادرى ان عاد بوراضـي دق كـل حيـه=ماحسب جيش بشمرقه ولاجيش بشتـون
مرحباء بك رعـد يارعـد راس النشيـه=اباء سيولك تصل لاخلف زاهر ولفحـون
بيدي اجواد فـي حـل الطلـب والدعيـه=يرعضون المصبح سرهـم سـر مكنـون
بيدي الفين في الشرقي رجـال السريـه=يطرحون القذاء للخصم في العين والنون
وان بلغ صيـح لاسـده وعقبـة سهيـه=يالقرين الزبينه عانقي حصـن سلمـون
بالـزوع جـبـال الـكـار بالنامسـيـه=والبلاجيك بازوع بها غلـوب واحصـون
باتشـوف الـذي شـارد بخبـره خليـه=بعد رد السلف بايضـوي الـدار مديـون
بعـد بوصيـك يلعانـي توكـل عشيـه=من بلاد السعـودي واهبـط الا بسئـون
في شبح اف ثنعشـر طائـره عسكريـه=سعف طيار في سرعته طايش ومجنـون
بعد ساعـه تصـل للديـره الحضرميـه=لاتوقف وتتأخـر ركـب جيـب صالـون
عالطلب لك موقف مـن غبـش لاعشيـه=ماتوضـب ولاتسمكـر ولاجـاه معجـون
كامل الوصب مش ديـزل عزومـه رديـه=جيب بترول يشرب له في المتـر جالـون
مايهـاب المصاعـب والعقـاب الشبيـه=والصحاري قهرها يوم لـه طقـم بالـون
مقصـدك جـول قـده مرتـع المعشريـه=مطرح اجواد للجودات دوب يسعونيسكـن
قلهم جيت عانـي مـن قصـور العليـه=ارض فيها الرخاوالناس فى هدؤ وسكون
لاتقهويـت بلـغ لـه كتـابـي هـديـه=فيه نظم القوافي ذي على اللحن مـوزون
قله انـي فتيتـك فـي محـازي عجيـه=حلك الدم لحمر غالـي الشكـل واللـون
مارخصتـه ولابرخصـه حـل السـريـه=كل فتان جـاء للطعـن ضويـه مطعـون
وانت بنشـدك يامـولاء الشـوع الوفيـه=حاز بحزيك من حرمه لها الناس يشنـون
تعشـق الارجـال العـزم والعنجهـيـه=زوجوها بزوج الويل من جنـس ملعـون
ماتفكـه وهـو ماكـن بحلقـه وخـيـه=يوم جابـوه بقيـوده مكبـل ومرصـون
دوب مقيـود وان فكـوه جـاب الاذيــه=لتلقي وذي فـي الصـف سـده يشلـون
وايش من زوج مايرابـع شويـه شويـه=لانطلق قيد يـده فـي بجنبـه يموتـوت
واختم القول مـن يتبـع رسالـة نبيـه=يسكون الا بجنه وسطها انهـار يجـرون

[حسن النعماني]

احسنتم وبارك الله فيكم على هذا البدع والجواب جميل جدا جدا ونرجوا المزيد
تقبلو تحيات ابو عمار

[طالب النعماني]

شكرا لك اخي حسن على مرورك الكريم

[حسن النعماني]

يامرحباببيات من شاعرعنده عاطفيه=شهد له العالم ورب هذا لكون
شاعر قد قنص الجوهره من راس حيه=وسبح على طول وعرض ميون
طالب حسن من الرجال التقيه=صاحب وخو حطه داخل سواد النون
والمشلكه في ذي يده دائم خليه=عايش طول عمره عالذل هو والهون
وتحيه لباعمر والوعول المعشريه=قد جاب ابيات نسمت على حالي المشطون
قد شفت جروحي وكبدي المشتويه=وشفت بندق نافرفي بين المتون

[ابوفهد1]

شكرا لكم جميعا وكلام جميل جدا والله جزاكم الله الف خير

[الصقرالجريح]

بدع وجواب رايع بين الاخوان
طالب باتيس ابو راضي واخيه محمد باعمر المشجري
في غايه الجمال كونه بين شاعرين متميزين امثالهم.
وابيات رايعه من ابا عمار
تقبلواااااااااااخالص تحيااااااااااااااااتي..............

[حسن النعماني]

شكرا جزيلا اخي الصقر الجريح على مرورك الكريم بهذا البدع والجواب الذي بين شاعرين مميزين
الاخ طالب بن حسن
والاخ محمد باعمر
وانت تعجز اللسان عن شكرك وتقديرك يااخي الصقر الجريح
تقبل خالص تحيات اخيك ابو عمار

[طالب النعماني]

بارك الله فيكم جميعا
واشكر لكم مروركم الكريم

[ابورائد النعماني]

بدع رايع وجواب اروع من الشاعرين المميزين طالب حسن ومحمد عمر
وابيات جميله جدا من الشاعر ابوعمار
ولاتحرمونا من قصايدكم الرايعه
مع خالص تحياتي

[الصقرالجريح]

شكرا ابوعمار على شكرك
وانت كذلك تعجز لساني عن شكرك
تقبل تحيه خاااااصه من اخيك الصقرالجريح
تحيااااااااااااااتي للكل............