احفظ لنا من في بلاده بـار

[مخضرم]

اول مشاركه ارجو ان لا اكون ضيف ثقيل على من لا تروق له مثل هذه الرؤيا من المشرفين والشعار

يامرحبا ترحيب بالشعار=يبلغ لكم يا اهل العنيـه
حيا بكم مليون يا اهل الدار = مالاح براق النشيه
خص الشبامي ولي حضّار= اهل السلب واهل الحميه
واهل السقيفه كلهم اخيار= اهل الشروع النومسيه
يالله بلـيـلـه غـيـثـهـا مــــدرار=تـسـقــى الربوع الحضرميه
سقيا عظيمه ما بها اضرار=تــروى الظـمـا شـربـه هنـيـه
وارفع يدي يا لله ياغفار=تغـفـر لـنـا مــن كــل خـطـيـه
ومن الفتـن ياعالـم الاسـرار=تــحــمــي وطـــنـــا والــرعــيــه
مـن لشتراكيـه وظلـم الـجـار=واهــــل الــحـــراك الـمـدعـيــّه
تاريخهم اسود سواده عـار=عـنــتــر وشـــايـــع والـبـقــيــه
حيدر وسالم حالفو المكـّار=الــشــرجــبــي والـشــرجــبــيــه
فتـاح مايـسـوى ربــع ديـنـار=ريـــــس ولــجــنــه مــركــزيــه
حارب رجال الدين والاخيـار=ولا تــــبــــع ســــنــــة نــبـــيــّـه
ماغـيـر يتعـلـم مـــن الـكـفـار=ويـعـيـدنــا فـــــي الـجـاهـلـيــه
ضيع شباب اليـوم بالافكـار=مـابــيــن بــعـــث ونـاصــريــه
واصبح مشتت عا مدى الاقطـار=ولــعـــاد حــافـــظ عـالـهـويــه
يمناه ما تـدرك علـى ليسـار=مـن جـور مـا بـه مـن اذيـّه
عندي مجالس علم واستشعار = في فك لزمات العكيه
ما بينهم تتبادل الادوار = كلين له روحه وجيّه
اما الحراك الهش باينهار= وعره دروبه ملتويه
قد شفتهم بالأمس في لخبار= ما عندهم حجه بتيه
واحنا بغينـا نكمـل المشـوار=نـلــحــق بـــركـــب الـعـالـمـيــه
احفظ لنا من في بلاده بـار=نــســألـــك يـــــــارب الــبــريـــه

[طالب النعماني]

صح لسانك واعتلا شانك
نامل المزيد والجديد
اشكرك

[الواقعي]

هلا والله الساعه المباركه
وصلت لدار الامان
وكن على ثقه ان حرية الفكر مكفوله
كنت في انضارك والله جابك وابشر بالعلوم الغانمه
كلامك وقر في حجر
دمت مبدع
اخوك /الواقعي

[علي فدعق الهاشمي]

شاعرنا المخضرم ياهلا بك بيننا تشرفنا بتواجدك الجميل نص جميل يدل على شاعريه فذه الله لايهينك وكثر الله من أمثالك لك التحية

[مخضرم]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

صح لسانك واعتلا شانك نامل المزيد والجديد اشكرك

شكرا على المرور يا طالب

[مخضرم]

اقتباس : المشاركة الأصلية كتبت بواسطة الواقعي [ مشاهدة المشاركة ]

هلا والله الساعه المباركه وصلت لدار الامان وكن على ثقه ان حرية الفكر مكفوله كنت في انضارك والله جابك وابشر بالعلوم الغانمه كلامك وقر في حجر دمت مبدع اخوك /الواقعي

شكرا على الترحيب يالواقعي وعارف اني في سعف جيد
لا اخفيك حالي مثل النادي اللي طلع الدرجه الاولى لأول مره امكانياته بسيطه وجمهوره ههههههه .
لكن تحملونا شوي