(( عبر الجوال بدع وجواب بين باصره ومجمل ))

[مجمل]

الاخوه الاعزاء هذه الابيات عبر الجوال تم تبادلها بالرسايل مع عملاق الشعر الاخ العزيز والشاعر الكبير سالم
سعيد باصره الاخ سالم في مدينة الرياض وانا في الصين وهذه الابيات صارت يوم 24-4-2008



مجمل

لاقد صفي جوك يجي الابداع من كل اتجاه = حتى كلامك يذكرونه ناس ع مر السنين
حطيت في ديره وفيها كل مانفسك تباه = فيها مناضر قل لسالم ذي تسر الزايرين

باصره

لاقد صفي جوك تشوف الارض جنه والحياه = اليوم فيها ينقضي عندك كما لحظه وحين
وان قد تعكر تحسب ان العمر قرب منتهاه = ولعاد تعجبك المناضر ذي تسر الناضرين

مجمل

انا من العشاق ذي ربي في الدنياء بلاه = حد فالهواء داين وحد مثلي في العشقه مدين
والناس مثل النحل يروح في جبوحه ذي جناه = ماشي كما ريح البغيه وانت سيد العارفين

باصره

ماشي بغيه ياعمر فالعبر والا في رماه =ذي منها تشفى وتتباخر قلوب العاشقين
دور على وديان حيث السدر يوجد والعضاه = وتفوح فيها ريحة الكادي وريح الياسمين

مجمل

ذكرتني وديان وادي عمد ذي ماشي كماه= ماشي كما ارض المعزه طينها ياخير طين
عايش بوجداني وكم مثلي متيم في هواه = كل ما بعد عنه يزيد الشوق ويزيد الحنيين

باصره

رغم الطبيعه والمناخ الزين ذي عينك تراه = الحيس يبقا حيس ياباتيس واما الصين صين
ارض العروبه فنها والعشق عالي مستواه = وترابها من مسك وحصاها ذهب غالي ثمين
وان تقبل المنصوح مابغيتك تطول فالبطاه = عد لا///////////////////////// نجد لك فيها عرب متشوقين

مجمل

لاقدر المولى وشفت اللي انا عيني تراه = باتترك العيقه وذي فيها سماك الساردين
ارض الدخون الزين ذي تذكر باوراق الرواه = يابوسعيد اشجارها ذي تنبت العنبه وتين
والطيب زايد في اهلها نعمه من المولى عطاه = ماحد اجانب عندهم كل البشر متساويين