+..+.. من يجاري حرف (ن) يرمي المطر وبروقه ..+

[شاعرة الجنوب]

السلام عليكم ورحمة الله وبركاته


لأول مره اتجراء وادخل هالمجال لنعطى لأنفسنا مساحه من العبق الجميل للتواصل


لنستظل تحت عذوق نخل الشعر بأنواعه :


سأتطرق الى كل بحور الشعر اتمنى المشاركه ولكم جزيل الشكر___ ارجومنكم المشاركه بالمحاوره والمجاراه


وسأبدأ الان :


ياهلا باللي لفاني لامحلّي

يسكب الجزلات من عذب المعاني

يشتكي من خل في وصله مقلّي

قلب ذا العاشق مسى منه يعاني

مر بك ذا العمر وانته مستظلّي

في هوى ذا الزين تتمنى التداني

لو بنظره خاطفه منّه تسليّ

قلب مبلي في هوى رعبوب غاني

ساهر (ن) مثلك وقلبي مايمليّ

عن هوى محبوب لي حبّه رماني

وسط غبّة بحر امسي به وظليّ

مارحم شكواي زودّها جفاني

حيرة العشّاق قولوا من يجليّ

هم مخبي بالعروق وماتباني

آه ياصبري مسى صبري يملي

يمسي العاشق سنينه بالثواني

__________________



وسلامتكم


منتظره تفاعلكم الجميل