مية عام

[ابونورا]

عقبال ياماخذ فؤادي مية عام
ضيعتني منك و أنا ما أهتديتك

لا ما نسيتك كيف بانساك ما دام
ذكرى الفراق تهزني لو نسيتك

حبك قدر وأنا على دين الاسلام
مكتوب في وجه الجبين ورضيتك

لك في الضمير الود والحشمه أتوام
ولي في ضميرك مثل ما أنا بغيتك

ولك منزل في نايف القلب وخيام
وذود الغلا ترعاه ولا شكيتك

يفطر عليك القلب وإن فارقك صام
والله لو إنك شوك سدره كليتك

القلب طير لادعي للهوى حام
وإلا أنت وكره من كثر ماهويتك

كن العيون من النظر عقبك أيتام
وكني ماريت إلا أنت من يوم ريتك

وكنك معي وأنا فقدتك من أعوام
مع الخيال ألقاك كني لقيتك

من صعب وصلك ما تهنيتك أحلام
إلا جابتك فزيت شوق ومحيتك

يعني وصالك صعب وأهدافي أوهام
يعني زرعتك للقدر ما جنيتك

صبرك يقولون العرب كل الأيام
يوم عليك ويوم لاجاك جيتك

ويا قلب ياللي ورثك جروح وآلام
بليتني ماهوب أنا اللي بليتك

ولعتني من عادني في الهوى خام
وأسرفت بي وأنا خطامك عطيتك

طعتك وزبدة طاعتك هم وهيام
ما الله كتب لي وأستخرت وعصيتك

لو للقلوب أسواق بايع وسوام
لا أبدلك وإن جيتني ماشريتك

وإلا أنت ياللي جيش عينيك مقدام
.لا أقنعت منك والرجا ما رجيتك

كني سجين بين..إفراج ..وإعدام
وكنك سجن وأنا بنفسي بنيتك

تنبيك عن حالي محاصيل الإلهام
وتخبرك نظراتي نهار إلتقيتك

عقب الوصال اللي على عين من لام
قدهو يكفيني عن الوصل صيتك

وقدني إلى مريت بالشارع العام
لديت من ما في الضمير ودعيتك

أدري إن صوتي ماقطع عشرة أقدام
وأدري بي أعود إلى من نصيتك

ياشينها يا محني راس الابهام
ماقدر على شوفك وأنا عند بيتك

الأعمار ما تضمن وأنا أخاف الأحكام
أرثيك أخاف أودعك ما رثيتك








الشاعر : محمد بن فطيس

[ريحة المسك]

ياااااااااااااااااه
والا انت ياللي جيش عينيك مقدام
لا اقنعت منك والرجاء مارجيتك
الله عليك الله
صح لسانك ولسانه

[أهوى حريضه]

يسلموو ..

ولك الف شكر ..

تقبل مروري ..

[ابونورا]

اقتباس : المشاركة الأصلية كتبت بواسطة ريحة المسك [ مشاهدة المشاركة ]

ياااااااااااااااااه والا انت ياللي جيش عينيك مقدام لا اقنعت منك والرجاء مارجيتك الله عليك الله صح لسانك ولسانه

اكتشفنا ان بن فطيس يسرق قصايد دمعه

[ابونورا]

اقتباس : المشاركة الأصلية كتبت بواسطة أهوى حريضه [ مشاهدة المشاركة ]

يسلموو .. ولك الف شكر .. تقبل مروري ..

شكرا لمرورك اختنا اهوى حريضه

[ريحة المسك]

اقتباس : المشاركة الأصلية كتبت بواسطة ابونورا [ مشاهدة المشاركة ]

اكتشفنا ان بن فطيس يسرق قصايد دمعه

؟؟؟؟؟؟؟؟؟؟؟؟؟؟؟؟؟
كيف يكون هاذا
كيف ومتى وازاي حصل الكلام ده
وليش مابلغتو الشرطه!!!!!

[ابونورا]

اقتباس : المشاركة الأصلية كتبت بواسطة ريحة المسك [ مشاهدة المشاركة ]

ياااااااااااااااااه والا انت ياللي جيش عينيك مقدام لا اقنعت منك والرجاء مارجيتك الله عليك الله صح لسانك ولسانه

شكرا ريحه المسك لمرورك الكريم

[دمعة]

يسرق قصايدي؟
ترى ما اسكت عن حقي انا
يلا يابو نورا لازم تشهد معايا في المحكمة ضده
هههههههههههههههههههههه
تسلم

[ابونورا]

اقتباس : المشاركة الأصلية كتبت بواسطة دمعة [ مشاهدة المشاركة ]

يسرق قصايدي؟ ترى ما اسكت عن حقي انا يلا يابو نورا لازم تشهد معايا في المحكمة ضده هههههههههههههههههههههه تسلم

قصدي انتي السارقه بروح بشهد معاه