كيف أرثيــــك يا (معمر) / أبوحســان التريمي

[الشاعر أبوحسان]

.
.

كيف أرثيك وانته للجريمـــــة عناويـــن

كلّ ظالم مصيره يــــوم يلقى عذابَـــــــه

انته غرتك دنيـــــا يومك إلا مسيكيـــــن

تدّعي الكبْرِ وانته ماتســــــاوي ذبابـَـــة

أمْس سمّوك قايد للعـــــرب والسلاطيــن

كـــــلّ أفريقيـــا ملكك وإنتــه الرقابـــَــــة

يضحكوا جـَمْ على عقلك وغروك هم زين

قالوا انــّك معمّــــر وانتــه أصلاً خرابـَـه

بعْــــد ساعات دفــــنك باتروّح إلــــى وين

وين عظمتـــك يامعمــر ووين المهابـَــــة

أنت مـــن طين ياهـــــذا وترجع إلى الطين

عادها الآخــــــــرة كلين يلقـــــى حسابـَـه

دمّ بنغازي الصلـــــدة بشارة وتمـــــكيــن

نَصْــر ِ عِــزّه لمصراته ويفخر تــــرابـَـــه

ربّك الي خلقنا بأمـــره الحُكْـــم ذلحـــــــــين

كـــــــلّ مثقــــــال ذرّة بايصلـّـك عقابــَــــــه


كبّــــري يا دمــوعي واجبري خاطر العين

للفرح دَمْـــــع يهطل كـ المطر من سحابــــَـة

ذا معمـــــر حكم مــــن عام تسعــــــه وستين

شَعْب مسكين صابـــــر ع الخوَنْ والعصابــَـة

والخـَـضَــرْ قال دستــــــوره...كتاب المجانين

وان تكلــــــم تلعثـــــم ما عدل في خطابـــَــــه

زنقه ... زنقه ... وبانزحـــــــف عليهم ملايين

لاكـــــن الشعْـــب بالإصرار قلـّـع نيابــــَــــة

من قــــــــرأ آية الكرســـــــي تروح الشياطين

والذي قــــــال ثـــــــوره بايجازي ثوابَــــــــــه

كلّ طاغـــــــي مصيره بايجـــي حين من حين

لـِـــيْ درينـــا بظلمـــــــــه وإلـــّـي ماحد درابـَـه