يالله بتوفيق الله

[سبع الليل]

يالله بتوفيق الله

ياما نصحناهم وعدهم في الوسيعه والنسم =لكنهم لاموا علي لي مايسمعون الكلام
الشيخ هادي ملتزم أما عديله ما ألتزم =ولا الهنود الحمر ملتزمه بحركات الأمام
لي ضيّع القبله وصلى شرق عاده ما أفتهم =هو مننا والأ دخيله جاء حنا من فيتنام
ماحد يخلي الذيب يرعى بين قطعان الغنم = ولا يخلي الثعل حارس عالدواجن والحمام
وين الرجاجيل القويه وينكم يأهل الهمم = وين الذي هم حرروا سيؤن والصفراء شبام
دار المعّزه والشرف والقدر والناس الحشم =أهوين يامولى عبوده عبت في دار السلام
لو هي بخيرتنا نصغنا الختم منك والقلم =قبل الأمل ميضيع ويضيع الشرف والأحتشام
لكنها وجبه دسيمه زاد عالعقل الدسم = فكّرت في نفسك وفي عيالك ونحنا ياليتام
عطيت أبونا القاع مافكرت فينا يالقزم = هانوا كرامتنا وداسونا بحجة الأنتقام
سنين كالفنا ولا زلنا نكالف يالظلم= والنور ماشفناه دوب الوقت وأحنا في ظلام
تركي وصومالي وهندي أستوطنوا داخل قسم = وألقوا عمائر شامخه بالطوب لحمر والرخام
يأهل العقول الرازيه هل عاد شي نخوه ودم= هل عاد شي للأرض حُرمه والقوانين أحترام
الغاز والبترول والتموين مصروف العجم = والطين والحصمل لنا والسيسباني والرمام
ياسامعين الصوت كلمه ماسواها في الكلم =السهم مايل والحوايل هامله والسقف رام
والسيل مقبل من على روس الشوامخ والقمم = ماغير صلوا الاستخاره والدعى في كل زام