بدع وجوااااااااااااااااب

[المهااااااااااجر]

بدع بن مدوخ

يالله يامـن لـه التصريـف والـقـدرة=يامالـك المـلـك ياحـنـان يامـنـان=
يامن لـه الامـر والتسبيـح والسخـرة=انااحمده ذي القى في كل ساعـة شـآن=
العبد مملوك في طولـه وفـي قصـره= للسيد ذي يرزقه مـن جشـة الامـزان=
انزل دلايـل تشـوف الضـاو والغـدره= والقى البصر والنظر والسمع في ليـذان=
الـشـرك والـبـغـي والـعــدوان من كفره= يازكي العقل خل الزور والبهتان=
وبالرسالـه محمـد جابـهـا ذخــره= وقـام بالحـق قلـل شوكـة الميـزان=
اعطى وخذ هو والصحابه ساعة الهجرة=لما صفي الديـن كلـه كسـر الاوثـان=
ماتوا على السيف ماحد قد حسب عمره =كلن يبـا يدخـل الجنـات فـي عدنـان=
يا بختهـم بالزخـارف والكسـا الـدره= ومن الزبرجد حرير اخضر علـى لبـدان=
والحور بيضاء كواعب فيهـن الشهـرة=متلبسـات الذهـب واللـول والمرجـان=
يسقنهم بالهناء وان حـد يبـا خضـره= ولحم طير علـى الكوثـر مـلا لحفـان=
يابخت من قام فرض الصبـح بالبكـره= واظهر والعصر والمغـرب مـع لـذان=
واتى العشاء والسنن مالقى الكسل عذره= ووحــد الله بالتسبـيـح ياالانـسـان=
الحج والصوم من حمده ومـن شكـره= وزك مالك وقم بالشـرط فـي الاركـان=
وبـر فـي والدينـك والتـزم جـبـره= ولازم الصبر وارحامك لهـم الاحسـان=
هذه نصيحـه لـذي يفـرح وذي يكـره= ماهي بشي قيم قدها من قديـم ازمـان=
ذا فصل والهاجس الليلـة زغـر بحـره= جانـي منـول عشيـه كسـر السكـان=
وقال قـم سولـي قهـوه وبـا سمـره= وقـت لـه لاتكلـم هاجسـي وحـلان=
من المحبين بـي هـذا السنـة قصـره= من عيد رمضان ما باين علي قـد بـان=
امسي تحسـى بتفـرا صـدري العبـره= ماهي وهومي في الشيبه وفي الغـران=
وابني في العشق كنه مـن بنـي مـرة=وقـال ماعـاد بالكتـب لحـد شيبـان=
ولا صهـاري ولا بلخـيـر باخـضـره= ولا النسابـه ولا راضـي ولا حمسـان=
ومضيعين السنع في خبـت فـي غـدره =من فط بالصيـد لمـا قـوز لا جـردان=
اليوم قدهم خلص في حكـم بـو شتـره= ابليس يطبل وهم قرعه علـى الطيـران=
من صم له قرص برم به قطـب صبـره= وقال ذا كـذب وش بايبعـث العظمـان=
ولا تحسـى لـذي سـواه مـن قطـره= وسبـر العافيـه بلجـود لـه سبحـان=
ياويل من مـا يصلـي لا ضـوا قبـره= لاتكمل الذخر وامسى عالثـرى عريـان=
حتـى الصبـي فـي سعـوف الـقـوم في سكره= يقول باحج لاكنه غلب شاحان=
عاده يبا تمر فـي العطبـوش والخبـره= مبعد قنع مـن سريـع نخـل باحنـان=
شي في قراعه وشي يلقيه فـي ظمـره =وامسى يغنـي ولا هـو منهـا قهـدان=
بتنشـدك يارفيقـي مـن بنـي مــره= ومن حساب البضاعه ذي فـي الدكـان=
وان حد نشد يبـا فتـوى وهـو بصـره= ما عذر يا بو حمـد منـك لبـا فتـوان=
من عود لكسير من سبي الخضر وثـره= والياس ناوي لها يبعـد مـن البستـان=
حد في المكلا وحد فـي سكـة البهـره= والشيك ذي بالحوالـه باسـم باكستـان=
اتفارطوا واعترض في الهرج بـا صـره= ورضي بيافع وقام النكـر فـي سيبـان=
جابوا عشاء احمد عصيده قاصره قتـره =قل للصبي يقطب اليسرى علـى ليمـان=
وبايبين الرشد ان قد حـك فـي صفـره= وانه مصفى يقندع بـه غصيـن البـان=
ذي ذبت العقل والعاشـق مـع الحمـره= يشلع حذيه وعاد الصبـح مبعـد بـان=
من ونت القلب سوت في الكبـد نجـره= لما بري اللحم وخلا العظم لـه طيبـان=
قالوا منينه وحد قـد قـال بـه شبـره= ولااعترف ذي بحـال المشتكـي تعبـان=
صامـوا لنـا يـوم باشعفـور والغـره= في الفطر جانا شك ياصحابي وفي شعبان=
ان كان بن باعنـس مكـن علـى بـره= ما عذر من حكم من راسه على العوزان=
لا صب شتوي وعم الارض من غـزره =لاشذرت رايته وبان الشـح فـي الاودان=
ذا ذي صــدر والمـسـك بـــا ذره= ولامعـي شـف للهاجـس وللقيـفـان=
من حد محمي وفيـه الحـج والعمـره= من طاف بالبيت بايبرا مـن الجرحـان=
من طاف يسعى ويحلق شق من غفـره= وباينشـط حمولـه ذي علـى الامتـان=
على المروه والصفا دفـره قفـا دفـره= وبير زمزم مـن الجنـه زغـر معيـان=
شربه هنيه مـن الكوثـر طهـر نهـره= علـى كـل فـج يـروي العطـشـان=
وعلى الجبل من وقـف باينتحـي وزره= لوكـان حتـى ذوبـه تـوزن الفـردان=
من كل حده تهادر يا حـي مـن عكـره= كما جنود الحبيشـي ذي يجـي عمـدان=
دموعهم مثـل جـود الغيـث عالزبـره= بالتلبيه تسمـع اللجـه كمـا الرعـدان=
يبكـون شيبانهـم والزقـر والـزقـره= والحر والعبـد ذي مملـوك والنسـوان=
ولعاد شي عالجبـل دغجـه ولا هـذره= ولافي الحج تسمـع صـوت للشجعـان=
لا مصـدره يلتبـس واحـد ولا غتـره= اقرع مخلس سوى احرمه علـى لبـدان=
يصبر على الكدم وعالضغطه وعالدفـره= لما تقاضى المناسك ذي على الانسـان=
ويومهـم طـول كلـن ملتـزم صبـره= يابخت الاسلام بالوقفـه علـى العـدان=
وبعـد توحـل بنفسـك ساعـة النفـره= ما تلحق الرجل موضع في وطا الوديـان=
لا روحـوا لا منـى بالرجـم للجمـره= حد يدحقونه وحد يـدرج علـى لكفـان=
يا كـم يسلـم وياكـم ينقصـر شبـره= لغـت متخالفـه وتخالفـت الالــوان=
على الشياطيـن حملـه كلهـم كسـره= والشافعـي سوقهـم لازول الـدحـان=
ثلاث داخل منى يـا حـي مـن حظـره= والهدي في المجزره للبـدو والحظـران=
وبعـد طـوف الافاضـه كلهـم نفـره= نحو المدينه عليها نـور مـن سبحـان=
بين الشبابيك ينفـح مسـك مـن قبـره= ابوبراهيـم واصحابـه فـي المـيـدان=
عمر وعثمان والصديـق فـي عصـره= ذي جاهدوا بالقنا والقـوا بهـا محيـان=
الشهم بالسيف ربـك قـام لـه نصـره= لما صفي الديـن كلـه كسـر الاوثـان=
تاريخ عشرين في الرابع علـى سمـره= اربع وسبعيـن يـا ذي تفهـم العنـوان=
بعـد الثـلاث الميـه والالـف للهجـره= لاعاد تحسب خذ التاريخ فـي الديـوان=
اوفي صلاتي عدد ماطـر نـزل قطـره= وعـدد ماسبحـت الالنسـن قفـا لـذان=
على شفيع الخلائـق ساعـة الحسـره= امـة محمـد تباشـر بالنبـي عدنـان=

وهذ جواب باخضرة على بن مدوخ

ابديت بك يالواحد الوحداني = ياعالم باسراري المخفيه=
يالمعتلي عالعرش مالك ثاني = يارافع السبع السماء العليه=
سالك بالاسماء ذي في الفرقاني = وايات نزلت في كتب مصريه=
عبدك وقف بالباب يا رحماني = سوله ومقصوده بلا منيه=
بالعافيه والعفو واصلح شأني = عسى الحوائج كلها مقضيه=
واشفق بروحي للملك لاجاني = لاقد نزل بالحق والحقيه=
في يوم لا حيله ولا بهتاني = ولعاد من بعض الحجج فكيه=
لا سرحوني للثرى واكفاني = ولا من الدنيا معي خمسيه=
ماسوى قميص ابيض على لبداني = ميراث ابونا ادم مع الذريه=
الهمني التوحيد في لساني = بك يالذي والي على الواليه=
الله ربي والنبي عدناني = والمسلمين اخواني العربيه=
اجعل مصيري تحت ذك الاغصاني = في جنة الفردوس ذي مسميه=
لكل من لازم على الاركاني = عسى بحسن الخاتمه نوريه=
ذا فصل والهاجس ضوى تعباني = من بحر موجاته تجي معبيه=
فيه الذهب واللول والمرجاني = الالات في ارض الهند والجاويه=
وامسى بي الطرف الزعل قهداني = فكر في اهل الوقت والسبيه=
وبعد من عندي سرح يالعاني = باودعك سطرين في المغريه=
زر الغرض والشد والبداني = في ظهر حر احمر على حدريه=
وسرحه بكره مع لذاني = واقصع بروس اشعابه الملويه=
من حد ذي يحمونه الرمياني = مقصدك لا حوطة نمر محميه=
بوبكر قله يالحذر ينساني = يومه من اهل السر والقطبيه=
وانشد على احمد حيث هو حلاني = ذي دوبي الا كسوته محظيه=
وخصه سلامي ما رست الامزاني = ومابرق بارق في المنشيه=
وقله العلم المشنع جاني = غثا بحالي واكثر الشقيه=
من عطفة الرحمن في جرداني = من عند ذي هم ينجحون الكيه=
قالو طرح ماطر على الودياني = خلا اضمر واحجالها ربيه=
ولعاد حد بايروي العطشاني = يوم الزون في بيرها مرسيه=
ازتاعت الشمخ مع الفرداني = من مدي لما اشعاب في الحجريه=
لما نجح موسم مع الحرثاني = في طين ساعه نفضو هبريه=
بالتركيه والشرف والطلياني = والعيلماني قوتها شاميه=
ظلا محمد عند صالح حاني = خائف على صالح من الجنبيه=
وبن ضباب اقبل وهو حمساني = ولا توخر يوم قابل ديه=
والقى كما باتيس والذيباني = من مثلهم من هو معه حنيه=
والفهد بن راشد كما الثعباني = لاقد قبص ماشي حمه مرقيه=
ابليس قابض شوكة الميزاني = الوزن وافي والعبر فنيه=
لا با على ليسر ولا ليماني = لكن قد هذه حجج مقضيه=
حزن النقيب مورد الرمياني = على الوعول قرونها محنيه=
ويحزن الشق والحاذق مع الغراني = على ال مطلق بر من صافيه=
يابابرم يامقصع العمداني = حزن العوادي ساعة اللفيه=
النوحي خله مع السيباني = عاد السراره بينهم مخفيه=
ان عاد ربك بالفلك واحياني = بلقيك تقرا ايات في المصريه=
حطت حصاة العش عند الباني = وش بايحرفها وهي مبنيه=
القبوله كلن لها حباني = يبا يهاويها وهي نحويه=
ولا تبا من يتبع الثيراني = ولا سرح شاوي مع الشاويه=
والختم صلوا على النبي عدناني = شفيعنا في البعث والحشريه=
على محمد صفوة الرحماني = واله وصحبه خصهم خصيه=

[مسرور]

قصيدة باخضره جواب على قصيدة بن مدوخ - سقيفة الشبامي

رغم غلبة طابع الوعظ والإرشاد على البدع الذي ارسله الشاعر أحمد أبوبكر بن مدوخ البريكي من مهجره في أرض الحجاز ( وفقا لما ورد بالقصيدة ) إلا أنه حوى استفسارا موجها إلى الشاعر بلخير باخضره عن أحوال الوطن والصراعات القبلية الدائرة فيه .

تضمن رد الشاعر بلخير باخضره شرحا للأوضاع يدركها من لديهم المام ومعرفة بمجريات الأحداث القبلية حينه .

مما هو جدير بالذكر أن جواب بلخير باخضره قد أوقعه في دائرة الإتهامات وألب عليه أحد طرفي الصراع .

نرجو ممن تتوفر لديهم خلفية واسعة عن تلك الأحداث القبلية ( وأخص بالذكر أبناء النمارة من بني هلال تحديدا وآل خليفة والنسييين مستثنون ) موافاتنا بشرح مقتضب عنها ليتسنى لمن يطلع على القصائد إدراك المغازي ووضع الإستنباطات للمقاصد من ايراد أسماء بعض المعالم المناطقية والترميز الوارد بالقصائد .


تحياتي .

[مسرور]

توضيح لبعض المصطلحات الواردة بقصيدة الشاعر بلخير باخضره :


من عطفة الرحمن من جرداني : يقصد جردان
طرح ماطر على الودياني : يشير الى حدوث معركة
باتيس والذيباني : اشارة لمعارك قبلية سابقة والإستشهاد بما جرى خلالها
ظلا محمد عند صالح حاني : لم يترك محمد أخيه حين اشتد القتال
بن ضباب : آل ضباب من قبائل النمارة الهلاليين سكان جردان
بن راشد : آل راشد وهم فرع من فروع قبيلة آل ضباب
النقيّب : موطن آل حسن وفيهم تقع مرجعية قبائل بني هلال ( القديمه )
الشق : موطن آل ضباب بجردان
آل مطلق : أحد فروع قبيلة آل ضباب




سلام ياشباب