كاملا" عشرة على عشرة

[بن قطمان]

اخواني اليوم اقدم لكم هذة القصيدة عسى ان تنال
على رضاكم
القصيدة على بحر يستعمل بكثرة في الامارات
وقد حاولت ان تكون بلهجه مفهومه للجميع
منتظر ردودكم وتقييمكم للنص

الحلى والزين من صغره=صنعت الرحمن سبحانه
كاملا عشره على عشره=له صفات الموز والبانه
من عيونه تخجل النظره=والحلى في نظرة اعيانه
عايش(ن)في خير ومسره=واكتب اشعاري على شانه
زورني لو في السنه مره=يابريق الماس والوانه
زورني قلبي تعب صبره=صابر(ن)والنفس تعبانه
اذكرك بالليل والبكره=لك عباد الله سهرانه
من زمن في صدري العبره=من زمن والنفس عطشانه
من يحب مايعرف البطره=في وله والنفس تعبانه
صاحبي قد زيد الحره=في ضلوعي شب نيرانه
اتخايل في الهوى عطره=نفحت الكادي ورمانه
ماجبرني كيف في جبره=جابره والنفس زعلانه
لوركب عاصهوة المهره=قدتعدا كل فرسانه
مر في بوظبي والظفره=وفي قطر قد زار دكانه
في الحساء في ظلت الشجره=وبالكويت الناس رغبانه
سار حتى ايران والبصره=واطلع المحار والدانه
ماعثر مايعرف العثره=في خطاه اتم ميزانه
له غلا والله من فتره=من زمن ومعاصر ازمانه
له غلا ومرتفع قدره=بوعيون سود فتانه
والشعر شعره على شعره=كثب متمدد على امتانه
والحواجب موج في بحره=والخشم كاشخ على اوجانه
والشفايف فيهن الحمره=وان تبسم تخجل اسنانه
والحلى واللطف في ثغره=عنق ريم(ن)فوق بستانه
لو مشى في ظل من صدره=ربنا بالحسن قد زانه
ضامري مهضوم من خصره=والكعوب اتشل سيقانه
لو مشى بارض(ن) وهي قفره=اصبحت بالماي رويانه
المهم ان الهوى حسره=مايخلي نفس طربانه
من يحب لايفتح الثغره=للعواذل شر شيطانه
والحسود الله اكفني شره=رب سلمني من السانه
عشتي تكفي ولا قصره=ليس ديواني بديوانه
مايجي مدي على جزره=ولايجي ركني على اركانه
من زرع بذره على بذره=باتكون الناس اعوانه
ومن صبر عالحلو والمره=وقد بذل جوده واحسانه
ماجزاه الا من الدره=لول صافي هو ومرجانه
ومن قطع بالموس والشفره=او بحد الفاس اغصانه
من مكر يلقى جزاء مكره=بعد مايطوى في اكفانه
ليس له ملجى سوى قبره=والملك واقف على ايمانه
يسآله فيما فنى عمره=ولايشوف اهله واخوانه
من عمل مثقال كالذره=ينظره في كف ميزانه
عالم البرزخ في الحفره=كلهم اموات جيرانه
لاسلى لافن لا كبره=لا دلع لاشوق لاحانه
الرماد ابدايته جمره=والجمر من شب عيدانه
والشجاعه ضدها الكثره=والمروه تاج تيجانه
من مشى بالطيب في بره=ونظم اشعاره وقيفانه
الله الي مكتفل باجره=يدخله جنات ريانه
وارفه بالماي والخضره=ربنا يالله بغفرانه
كلنا في طاعته وامره=نعبده ونصوم من شانه
من زرع ثمره قطف ثمره=لايقول النفس هيمانه
يخزي الشيطان لايجره=ولايعين ابليس واعوانه
دنيتك يالادمي عبره=شوف كم اقوام غلطانه
كل احد معروف في اثره=وتابع الاثار بارزانه

[سبع الليل]

ياسلام يابن قطمان على هذه القصيده وعلى المنظر الجميل
تسلم

[عبدالقادر صالح فدعق]

بن قطمان آنست ياصليب الرآس ..

إن كان بهذا الوصف فحقا قد قلت فهو عشره على عشره ., وصف راقي وجميل لا يتأتى إلا من شاعر راقي وكبير في مقامك ..

القصيدة رائعة من روائعك يابن قطمان وتستحق 100 في 100 ..

سلمت وسلم يراعك على هكذا جمال .

.

[بن قطمان]

اقتباس : المشاركة الأصلية كتبت بواسطة سبع الليل [ مشاهدة المشاركة ]

ياسلام يابن قطمان على هذه القصيده وعلى المنظر الجميل تسلم

سبع الليل تشكر على حضورك الكريم وهذا من ذوقك وتقبل خالص تحياتي

[القنّاص]

ياهلا والله ومسهلا
بشاعرنا القدير بن قطمان
حقيقة افتقدنا حرفك ولكن هانحن نتفيا تحت ظلال غصون تلك الدره
فلله درك شاعرنا دائما تمتعنا - تقبل مروري - مع تسجيل اعجابي
تحياتي

[ابوهاني1]

اقتباس : المشاركة الأصلية كتبت بواسطة بن قطمان [ مشاهدة المشاركة ]

له غلا ومرتفع قدره=بوعيون سود فتانه والشعر شعره على شعره=كثب متمدد على امتانه والحواجب موج في بحره=والخشم كاشخ على اوجانه والشفايف فيهن الحمره=وان تبسم تخجل اسنانه والحلى واللطف في ثغره=عنق ريم(ن)فوق بستانه لو مشى في ظل من صدره=ربنا بالحسن قد زانه ضامري مهضوم من خصره=والكعوب اتشل سيقانه لو مشى بارض(ن) وهي قفره=اصبحت بالماي رويانه

الشاعر القدير بن قطمان

نص اقل ما يقال عنه قمة الجمال
بنهج اماراتي محبب ومميز وراااااااقي

يا اخي اقرب فرقه اماراتيه (حربيه) سوف تكون في اعتقادي في قمة السعاده وهي تصدح بهذا الإبـــداع

صح لسااااانكــــ ملايييين ولاهنت

تقبل تحياتي ومروري

[علي فدعق الهاشمي]

شاعرنا العزيز
بن قطمان
ارحب يالنشمي
ابيات جميلة والشي من معدنه لايستغرب
صح الله لسانك مليون ولايسدوون
دمت بود

[مجمل]

الحق يقال عشره على عشره
قصيده رايعه
جزلة المعاني من راس حكيم
موفق يابن قطمان ولاتحرمنا من مثل هذه الدرر
دمت متالق دووووووووووووووووووم
تقبل تحيات اخوك

[المتابع]

	القصيدة رائعة بكل ماتحمله الكلمة سلمت لنا وفعلآعشرة على عشرة

[بن قطمان]

اقتباس : المشاركة الأصلية كتبت بواسطة عبدالقادر صالح فدعق [ مشاهدة المشاركة ]

بن قطمان آنست ياصليب الرآس .. إن كان بهذا الوصف فحقا قد قلت فهو عشره على عشره ., وصف راقي وجميل لا يتأتى إلا من شاعر راقي وكبير في مقامك .. القصيدة رائعة من روائعك يابن قطمان وتستحق 100 في 100 .. سلمت وسلم يراعك على هكذا جمال . .

وبك الانس ايها الاستاذ الخلوق والشاعرالمبدع الحبيب عبدالقادرصالح فدعق
اشكر حضورك هنا
وقد صار حضور في صفحتي شي ضروري
وانا اعتبر حضورك كالملح في الطعام فلولاه لفسد الطعام
الله لاهانك يااستاذنا الخلوق
وتقبل خالص تحياتي