03-20-2009, 08:18 PM
|
#1 |
|
حال نشيط
|
ملامـــح وحدويــــه
هذه القصيد قيلت في مطلع الوحده لعل قائلها لا يزال على يعيش آماله واحلامه
وربما دمر الياس كل الامال ولاحلام .. كل ُ منا كان يحمل ذلك الشعور النبيل ولكن ماذا بعد ؟؟ يالله عبدك تحت بابك ساجد=راكع وساجد مخلصٍ بالنيّه يا فرد وحدك يالاله الواحد=فلا شريكٍ لكَ في الملكيّه يامن تعالى فوق عرشه عامد=من فوقنا جالس على كرسيّه وارفع سمواته ولرضه ماهد=والقى قواعدها حجر مبنيّه والبحر لي فيه الموج تتطارد=متقاطره تجدح على شاطيّه فيها السفن تسبح بما هو وارد=للنقل شي فيهن وشي حربيّه ذا فضل منك يوم فضلك زايد= نحمدك بالجهري وبالسريّه يالله بعفوك يالكريم الماجد=من كل زله مننا وخطيّه ثم قال بوتركي وليله هاجد=في هود وحده في غرف مبنيّه لا هم من دنيا ولا نا حاسد=والقرش ما همه ولا الربيّه لا شي معي صادر ولا شي وارد=ولا معي في القلب شي حنيّه هاجس ضوانا والحليله وافد=وقوموا مبروك من كرسيّه هاجس ضوانا في لباس القايد=واما الحليله جاتنا مهديّه حسنا جميله نورها يتواقد=وضروس معها بالذهب مطليّه لبست حللها والحلا متواجد=ومسوح لبست بالحلل مكسيّه جونا على غفله وقد نا راقد=ما طْروا على بالي ولا وهميّه لما متى قالو علينا شارد=واحنا ندور لك بكل عصريّه جينا وراك اليوم با نتفاقد=ومن زعل جيناه با نرضيّه فقلت يا اهلا بمن جا قاصد=اهلا وسهلا بالثنا وتحيّه خاطري صافي من طرفكم واجد=الكبر هو لي جاب كل اذيّه با نتفق ذلحين با نتفاقد=ومن خلف في العهد له جنبيّه اخباركم يا معقلين الشارد=هاتو خبركم واسرعوا به ليّه جينا نخبركم بشعب واحد=من بعد ما كان اليمن جزأيّه قادة عدن هم والعقيد القائد=علي زعيم القوم والحريّه واتفقوا القاده بعزم صامد=وحده ودوله تنطلق يمنيّه على الوفا والبر يبقى خالد=قدوه تقع في امة اسلاميّه شمالها وجنوب صف متراصد=مثل الحجر في اسواسها مبنيّه هذا الذي نطلبه من كل قايد=واحنا معه لي يطلب الحريّه ولعاد يستشرف علينا كايد=ولعاد شرقيه ولا غربيّه اهل اليمن اخوان ماحد زايد=الشافعي واخوانه الزيديّه ولعاد ذا نهدي وذا من حاشد=اولاد عم واخوان في الجنسيّه ودينهم لسلام والله شاهد=على كتاب الله والسنيّه يا اهل اليمن يا مرسلين الوافد=لشعث وصحبه من زعامة زيّه على محمد الرسول الراشد=لي هو بعث في الامه العربيّه يا اهل اليمن تاريخكم متواجد=معروف عند الجن والانسيّه واليوم جددتوه معكم زايد=مانساه هو معنا في الذكريّه وبو خليفه سد مارب ماحد = رده مثل ماكان بالنقديّه سجل له التاريخ عندي زايد=انا اشهد انه من عرب اصليّه يا اهل اليمن ذا خيركم متواجد=كونوا على وحده وطيب نيّه فيكم رجال العلم كم من زاهد=وشيوخ بالحكمه وبالعقليّه كم با احسب اهل الزهد ماهو واحد=ايمان والحكمه ضوت يمنيّه ذا وصف فيهم صدق وان حد جاحد=قله لهم غزوات للروميّه اليوم يامرحب بجيل صاعد=با يبلغ المريخ والقطبيّه ياريت انا الا في شبابي عايد=واحضر مع الابطال والنشميّه ذا قول من راسي ولا نا جامد=وكتبت باليمنى وانا قاريّه هذه قوافي جبتها ومحايد= مثل بها الحضران والبدويّه واليوم بو تركي حذق وتقاعد=ولعاد شي له بالسياسه نيّه ذا لي حصل مني ومن جا ناقد=مقسوم بالميزان في قافيّه يارب سامحنا بعفوك ساعد= يارب بارك لي في الذريّه صلاة مني مارعد به راعد= وعد مالبارق لمع منشيّه على محمد نوره المتصاعد= شفيع لمه سيد البشريّه وآله وصحبه وكل من جاهد=لي جاهدوا الكفار والحزبيّه |
|
|
03-21-2009, 09:59 PM
|
#2 |
|
شاعر السقيفه
|
قصيده حلوه بس عساه عاده على رايه
عمر الذيب |
|
|
|
03-22-2009, 03:06 AM
|
#3 |
|
مشرف سقيفة الأدب والفن
|
اهلأ وسهلأ ومرحبأ..باالنهدي..الله يعطيك العافيه..على كلام قوي جميل..وانا اشهد ان قائله شاعر متمكن..يشرفنا ويسعدنا..ان تكون انت هنا متواجد..وحاضر في عذب القوافي..تقبل مروري وخالص تقديري واحترامي
اخيك/خالد بن مهنا |
|
|
|
03-22-2009, 12:46 PM
|
#4 |
|
شاعرة السقيفه
|
شكرا سجل مروري
|
|
|
|
03-22-2009, 09:14 PM
|
#5 |
|
شاعر السقيفه
|
تسلم يا بوصالح النهدي
تقبل مروري |
|
|
 |
| مواقع النشر (المفضلة) |
|
|
|
|
العرض العادي
