رد للمجمل

[الواثق بالله]

حيـا بقـول الشاعـر الفنـان= يومه يجيد الصـوت والحانـه
يامرحبـا ماهملـت الامــزان=وماصـدق عصـري بامزانـه
والا كما الشتوي بـلا رعدان=وان قد رعـد نهـى بوديانـه
ولا نطق هرجه كمـا المرجـان=غالي الثمـن لولـه ومرجانـه
يومه مثيل النـون فـي لعيـان= عسى القـذا ليصيـب اعيانـه
على الوفاء يالله عسى الخـلان=كـل يضحـي لجـل خـلانـه
والود بين الناس عالي الشـان=ولو كسرة العضم مـن شانـه
بهديه من نفسي بكـل ماكـان=لـو بايعـود الـود لمكـانـه
دور لخلي ضاع فـي الخليـان=وقـد تـرك اهلـه وخـلانـه
خافه يبى يرعى كما الرعيـان=كل شعب لـه اهلـه ورعيانـه
مابغيت في عقله يحـل الجـان=ويفرحـون الخلـق بجنـانـه
الله علم به سحر بـن علـوان=مابيفـيـده هــو وطيـرانـه
ما باه يتمادى قفـا الشيطـان=تمنـاه لايدهـيـه شيطـانـه
وهو محبـي عامـدى لزمـان=خافه نسي مـا يذكـر ازمانـه
والوود بين خلق لـه سلطـان=بالقلب ماهو ضحكـة اسنانـه
عساه يرجع لـي كمـا ماكـان=باعيش باقي العمر مـن شانـه
ولا قبل بفـرش لـه الريحـان=والارض باتنـفـح بريحـانـه
وان مارجع بدعي لـه المنـان=يعـود لـه رشـده وايمـانـه
عساء نعدل شوكـت الميـزان=والكـل لـه قـدره وميـزانـه
وبانسافـر لا غبـب سـيـلان=وكيلنـا الرحـمـن سبحـانـه
مركب قوي من فوقـه الربـان=قابض علـى الدفـه وسكانـه
معنا بضاعـه غاليـة لثمـان=ما با نرخـص يـوم باثمانـه
ماهو بضاعة سوق بن عيفـان=ولا الدلـل بدخـلـه دكـانـه
سلام لـك يامقصـع العمـدان=يـوم البنـا شامـخ بعمدانـه
ماشي رضه باتدخـل العيـدان=ويسلـم القـاسـم وعيـدانـه
يمشون عا خطه مـن الشيبـان=ماحـد يخالـف خـط شيبانـه
الخو كسر السـاق والعظمـان=مابغيت عا ساقـي وعظمانـه
من به ضماء بسقيه من معيـان=صافي نقي من فيـض معيانـه
وان شي ربت في البير للهرشان=وخل ماء بيـرك وهرشانه
ومن يبى يصلح يتوب الان=ويطوف حول البيـت واركانـه
الاخره تبغـى عمـل وايمـان=قله حذر من نقص بـا يمانـه
والختم صلو عا نبـي الفرقـان=وهـد ديـن الكفـر واركانـه

[/poem]

[طالب النعماني]

ياسلاااااااااااااااااااااااااااام عليك اخي الواثق انشد انك واثق من نفسك
شاعر وعاقل يقتدى به
كلام جميل ولكن ياريت تحط بدع مجمل من شان نشوف البدع والجواب

[ابن لجواد]

ما شا اللة عليك ياشاعرنا قصيدة رائعة