اهل الرشاوي .. والبطانه السيئه

[يسلم صالح بن عكعوك]

السلام عليكم ورحمة الله وبركاته

قصيدة تتكلم عن واقعنا الأليم

يقول من بات ساهر في خلا خالي = في راس مزموم نايف فوق لجبالي
اجبال صعبه على ابن اللاش ياصلها = فيها الوحوش الضواري هن ولشبالي
ع العز بسمر معاهن حيث ماسمرن = مادام عندي برت وابني على جالي
اتعبت لجله وربيّته ودرّسته = علّمته المرجله وصار رجّالي
لاهو محبب ولاكاذب ولاسارق = ويكرم الضيف ع الهلبى وع الحالي
وبعد ذا يالقلم مبعد كمل حبرك = عادك معبى وفيك ألوان واشكالي
اخضر و وردي ولحمر لادعت حاجه = مابيك تحجبه خلّه سيل سيّالي
قدني مخليك للحاجه إلى حصْلت = اترد بمكيال ضدّي ميت مكيالي
والدي قد قال لي باحذّرك تصمت = كل من صمت ع الخطا تسطاه لنذالي
مابيك ترضى على اخوانك مع اصحابك = شفهم كنانك إلى امسى الغيث هطّالي
ولاتفكّر ف واحد من نطل ينطل = ماكل خيّال ف الازمات خيّالي
الخيل شف قد لها واحد يباريها = عارف بغاراتها مطلع ومنزالي
ماهي لواحد غبي لاشافها خايف = مبعد تغيّب عن امه خثع سنقالي
ياشوق يسلم لحصن الجد بو يسلم = جدي عمر لي رحل والناس رحّالي
وديّت ازور الوطن واسمر مع اصحابي = واشوف مول المعالي هم ولسفالي
واسمر برخيه لها في خافقي مسكن = وازور يسلم مع اعمامه ولعيالي
واعبر على المصنعه في دار بو فايز = من قبل ماموت بتسمر مع خالي
حب الوطن في فوادي له محل ثاني = حتى ولو فيه شلة غدر عذّالي
اهل الرشاوي مع المسؤول يا ساتر = قد باعو المرجله من دون دّلالي
شبّان ماشي لهم نخوه ولاشيمه = والمشكله ورطّو لك ناس عقّالي
ياعيبت الشوم قد بعتم ضمايركم = وش بايقولون عنكم بعد لجيالي
قد بعتم الآخره بحطام دنياكم = ماحد يظل حي عاده موت واسوالي
بيّاعة الصدق بالرشوات قد نجحو = لا قلت هذا محرّم قال شوّالي
واصبح كلامه صراحه وانته الكاذب = قد كلمة الصدق معصوبه في الشالي
كنّا بشله خبيثه في زمن عنتر = و بعد جانا علي في ثوب سركالي
قلنا هلابه ومرحب بايحررنا = هذا علي بو حمد كسّار لقفالي
من ظلم ذولاك لي عملو بنا المنكر = قلنا هلابه ومرحب في تعجّالي
من دون مانفهم المقصود وش قصده = من ظلم ذولاك شفنا الويل يالوالي
ليلة اتانا من الفرحه تزملنا = في عام تسعين بتنا ياتزمّالي
واهديته اشعار بن عكعوك واهداني = صوره كبيره انا واثنين عمّالي
وألفين درهم وجمبيه بلا محزم = قالو هديتك من قايد وفي غالي
عكعوك يسلم سرى مبسوط يتنهجر = صورته قدها بيده هو ولبطالي
ماقول به شك علي حرر حرايرنا = لكن وضّف عرب قشران جهّالي
مثل الذياب السرافه وسط لغنامي = اذياب ما وفّرت لوّل ولا التالي
قد قالو ابشر حقول النفط قد نتجت = والنفط ماجود في لشعاب وارمالي
الفقر ولّى وشعب الخير باينهض = ماتمشي الا بلكزس بين لدغالي
وان عاد لك شف ف الحلوات لاتبخل = شل مهرها ميت بوزه نفط يالغالي
قلناله النفط له شركة وماليه = ماحد يقسم بوْز شو ذا تختّالي
قد قال: انته غبي ماتعرف المغزى = خلّك مع اهل الحيْل سارق ومحتالي
منته من الناس لي تاكل ولاتشبع = املي ثبانك ورح مالك ولقوالي
من ما وقع ذيب ماله عندنا موقع = خل التعفف وخل شعرك ولمثالي
فالنفط شل قسم لك من قبل مايصدر = ما لا صدر قده للمسؤول طوّالي
ياضيم عكعوك من ماشافته عينه = شاف المرض والنكد و اوجاع وانكالي
قد شاف ليتام لي ماحد لهم عايل = في وسط لسواق تمشي ياتسوّالي
الفقر والبوس والحرمان يطحنهم = واهل الرتب في قصور الفخر نزّالي
بالله هذي عداله ياعلي عندك = والا تخاذل وقلّة ذوق واهمالي
اردع بطانتك قبل الشعب ماينهض = وان قد نهض بايسيل الدم شّلالي
وباتفجر وباتصعب على اعوانك = اخماد نار الغضب في روس لجبالي
وباتقع كارثه ربي بها يعلم = ماباتفيد الخطب ولا التحيّالي
من كل موقع ومن كل صوب باتشعل = من خلف صعده إلمّا حوف شعّالي
والامر متروك لك يا رمز وحدتنا = فصّل رقاب السرق بالسيّف فصّالي
سبّر بسلك القضى لي مص دما شعبك = وبعدهم حاسب اهل القيل والقالي
وارجع لضبّاطك اللصان حاسبهم = هم بهذلو شعب فيه الجوع بهذالي
وعنصروهم وقالو ذا ولد فارس = وذا فئه رابعه من اصل صومالي
وختمها فاطمه ماشي لها موقع = صارت فريسه لرحمة بنت هشّالي

يسلم بن صالح بن عكعوك بن غانم
22 / 4 / 2009 م

11:00 ص

[صالح يسلم بن غانم]

والدي العزيز الله يطول في عمرك هذه نابغه وليس قصيده عاديه كما تعودنا منك كل جديد وكل مفيد
لا تحرمنا من جديدك وان شالله تبقى لنا ذخر وسند الله يعطيك العافيه

[عبدالقادر صالح فدعق]

الله عليك شاعرنا الكبير

يعطيك العافية وتقبل مروري السريع تعبيرآ عن إعجابي بما تكتب ..

لك كل التحايا .

.

[العائد1]

ياشوق يسلم لحصن الجد بـو يسلـم = جدي عمر لي رحل والنـاس رحّالـي
وديّت ازور الوطن واسمر مع اصحابي = واشوف مول المعالي هـم ولسفالـي
واسمر برخيه لها في خافقي مسكـن = وازور يسلم مـع اعمامـه ولعيالـي
واعبر على المصنعه في دار بو فايـز = من قبل ماموت بتسمـر مـع خال

قصيده عصماء يابوصالح ماقصرت صح الله لسانك .الله يعطيك الصحه والعافيه وطول العمر
ويبلغك مرادك وتزور مطارحك وتزور بو فائز ويسلم وكل الاهل والاحباب .

اخوك العائد.

[سبع الليل]

تسلم يايسلم الله يبارك فيك كلام جزل وواقع
تقبل تحياتي ومروري يالغالي

[راجعين]

تسلم يا بو صالح على هذ القصيده الرايعه الله يطول في عمرك
وتنزل اليمن وتبلغ قصدك وتزور خالك و يسلم

[يسلم صالح بن عكعوك]

آمين

مشكورين جميعا عالمرور

وربي لا يحرمني منكم

[طالب النعماني]

ياسلااااااام نورة السقيفه بوجودك يابوصالح
قصيده رائعه واكثر من رائعه
دمت استاذ ومعلم وقمه للابداع
تقبل تحيات ابنك وتلميذك
ابوراضي

[ابوهزاع النعماني]

اشكر الشاعر/ابوصالح
على القصيدة