المشكله في من على الكرسي ركب

[الواثق بالله]

الليله الهاجس بقوله قد ولب =جاني وانا وحدي وحتى الشهر غاب
يامرحبا بالقول والهاجس طرب =وعالقوافي باينسق والخطاب
الليله المعنى في الراس انقلب =وذكرت زام العنتره والانقلاب
وتداخلت لفكار من اهل العجب=غطواعلي بافكار سوداء والحجاب
علي في السبعين قالوا لي خطب=وفي المساء قالواعلي ذاع الخطاب
علي سمعته قلت ماعمره كذب=يومه قسم بالله واقسم بالكتاب
هو حقق الوحده وبيده قد كتب=بالدم بانفديك ياخير التراب
وحده حقيقيه وحتى في النسب =لافرد زايد فوق حد بالانتساب
هذا كلام الشعب ياكاتب كتب =بالعشر قد وقع بوحده عالكتاب
بالامن والايمان حققنا الطلب=وزانت ايامه وفيها الحال طاب
وبايطور شعب غارق لركب=في الفقر والفاقه واكله والشراب
وبايعم الامن في اصل العرب=والغش بايلغيه من كل الحساب
والمشكله في من على الكرسي ركب=يصبح يفكر كيف بايملي الجراب
علم عياله كلهم من جاء حلب=وفي المنيحه واللبن عاشق وحاب
واصبح يذبح في غنمها والجلب=ماشي حياء يهتك حياها والحجاب
وحيث مايعجبه في القطعه صرب=طول السنه عنده في المطرح صراب
وعادني لازلت احسب له حسب =وهو علي طاغي ولا يحسب حساب
كله من اهل الويل واصحاب السبب= قد طيروا الصافي وشربوا من سراب
والشعب في ذا الوقت يتبع من غلب=تايه ولا يعرف مجيه والذهاب
سكتوا على اهل الملامه والعتب=عشرين عاما في الملامه والعتاب
يالله عسى ربك يصلح ماخرب=ماحد في الدنيا يساعد عالخراب
لما متى شف عاد فوق الناس رب=باينصف المظلوم من نقف الغراب
كل ماتركنا فصل قد ولى وهب=قلنا لهم صفحه جديده يا صحاب
وبعد عشر اعوام ذي قالوا غرب =جانا يذكرنا زمن ولى وغاب
وليش ما تميت في يوم النشب =خليت خلق الله والدنيا خراب
واليوم نبنى صرح شامخ ياعرب=لاجيالنا ذي باتجينا والشباب
وبانعمر ساس عاالفه وحب=من حوف للحوطه الى وادي نصاب
نبغى لهم تعليم في احياء وطب =ويعرفوا معنى الرقابه والحساب
وفي الثقافه يتحفونا والادب=وفي التجاره ايش معنى لكتساب
والختم صلوا عالنبي عالي النسب=المصطفى المختار واله والصحاب

[الدور القبلي]

اللهم صلي وسلم على رسول الله وعلى آله وصحبه ومن والاه
صح لا لسانك ولا فض فوك
بارك الله فيك على هذا الكلاااام الجميل
نسئل الله أن يصلح العباد والبلاد
ويجنبنا الفتنه والافتتان

[سبع الليل]

ماجمل الكلام واحسنه من شاعر متمكن ومتالق قصيده جميله
وشرح وافي ماقصرت يالطيب الله يبارك فيك
تقبل مروري وتقديري واحترامي

[طالب النعماني]

ياسلااااااااااااااااااااااااااااااااام عليك اخي الواثق بالله
شاعر بمعنى الكلمه
اهنيك على وصولك الى هذا المستوى الفني العالي
اسجل اعجابي بماتكتب

[اليم]

	كلام اخي الواثق ابصم لك بالعشر انت شاعرمتمكن لاتحرمنا من جديدك@اليم

[علي بن ماضي]

الاخ الشاعر الواثق بالله
قصيده مااروعها من شاعر متمكن وخبير وحكيم
ليس غريبه عليكم هذا التالق الشعري
تقبل تقديري واحترامي واعجابي بكل ماتكتب
دمت على الخير
اخوك علي بن ماضي

[اابوداعر]

اخي الواثق اشكرك جزيل الشكر انت شاعرنا العملاق ولاكن فيه من لايثني على قصيدك مثل مانراه هو السباق لبعض الشعراء

[بدر لجهر]

قصيدة أكثر من رائعة .... أتمنى لك التألق ... وإلى المزيد من الإبداع . أخوك / بدر لجهر

[الواثق بالله]

اقتباس : المشاركة الأصلية كتبت بواسطة سبع الليل [ مشاهدة المشاركة ]

ماجمل الكلام واحسنه من شاعر متمكن ومتالق قصيده جميله وشرح وافي ماقصرت يالطيب الله يبارك فيك تقبل مروري وتقديري واحترامي

اشكرك اخي سبع الليل اسعدتني بمرورك ولك مني تحيه

[ذيب نعمان]