~*¤ô§ô¤*~عميد الشعر ~*¤ô§ô¤*~

[علي فدعق الهاشمي]

~*¤ô§ô¤*~عميد الشعر ~*¤ô§ô¤*~

للشعر عندك ياعمر صولات وعلاقة قويه = واللي مثيلك مابغى مني ومن مثلي اِشاده
لو قلت ماوفيت وماتوفي حروفي الابجديه = في شخص له تقدير عندي وتقديره زيادة
شاعر وتشهد لك قوافي الشعر صبحك والعشيه = أيضاً ويشهد لك علي فدعق ياعميد القيادة
هذه مشاعر صادقه خذها من السيد هـديه = ومستعد اخلص معك من غير طلبي لستفاده
ذا فصل والثاني دخل وبعث على الشاشة تحيه = ونقلي مباشر حي ماتلقى لأشعاري اِعاده
الجيد يبقى جيد ويتميز على طبع البقية =حتى ولو جار الزمن الذيب ما يعلن حداده
شفت الزمان اللي يدين اليوم لأهل العنجهية=قاموا يسيئوا ظنهم كلن على حسب اعتقاده
أنا بدوي وابن بدوي وأنا اللي صادق النية = والعذول اللي يحاربني ترى يعثر جواده
(والله اني لوبغيت انكبه نكبه عالميه) = اجننه وأطلعه الخسران في ساحة بلاده
ماينال المنى جاهل قليل المعرفيه = ولوتبع منهاج بن هاشم ترى يبلغ مراده
كلي فخر لو قلت اني من سلاله هاشميه = ولاذل نفسي للذي عقله كما عقل الجراده
والختم صلوا على المختار هو خير البريه = والآل والأصحاب والأتباع فهم رأس القلادة

محبكم علي فدعق الهاشمي

[خالد بن مهنا]

اهلأ وسهلأ ومرحبأ ,,باالاستاذ علي فدعق الهاشمي..اطلاله جديده بقصيده جميله..ورائعه..
شكرأ لك اخي الكريم..تقبل مروري وكل تقديري واحترامي..
اخيك/خالد بن مهنا

[ابوهاني1]

شفت الزمان اللي يدين اليوم لأهل العنجهيـة
قاموا يسيئوا ظنهم كلن على حسـب اعتقـاده

شاعر وتشهد لك قوافي الشعر صبحك والعشيه
أيضاً ويشهد لك علي فدعق ياعميـد القيـادة


الحبيب بو هاشم

صح لسااااانكــــــــ واعتلا شاااانكــــ ولاهنت
نص جميل لشاعر جميل ابو طارق كفو ويستاهل كل خير



تقبل تحياتي ومروري

[مبروك بن ماضي]

الاخ الفاضل الشاعر / علي فدعق الهاشمي
كما تعودنا من هذا القلم المميز في كل ابداع ينثره

ابيات جميلةجدا ويستاهل ابو طارق كل خير

صح لسانك والله يعطيك العافية

سلمت اناملك وسلم شعرك

تقبل تحياتي واحترامي الكبيرين ،

[عمر الذيب]

كلام يابن هاشم اطلعت وسارد الليله لاني والله العظيم ماشي الان الساعه 2 ظهرا الى الرياض اعدك ان تقى الرد الليله لا رجعت لان الكلام يستحق الرد
خصوصا في هذا الوقت الذي حدث فيه الا لتباس ولو ما هو ضروري مشوار الرياض كان كنسلته فما ورد يستحق كنسلة اي مشوار ولكن اااااااااااااااااااااااااااا
اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااا لا استطيع ذلك
عمر الذيب

حي الكلام المعتبر لي جا مع المغرب عشية =من عند بن هاشم وصل فيجان بن سكر زيادة
قاطع يصم الراس صم للي يحب الشادليه=ويحب توفاة الكلم ويسير عا مبدأ أجداده
من بعد هذا بادخل با سير بالعين الضويه=مادام بن هاشم بدع والبدع لي واضح مداده
جاب المفيد المختصر في مايخص اكبر قضية=لي في الشبامي واضحه وا لعاد تبغى شئ إفاده
جاب الجواهر والدرر ماجاب شئ ربغه ونيه=لكن ما أفتى بشئ في حق من أعلن جهاده
ضد الأمور الحاصله والظلم في حق الرعيه=الظلم لي صاب الولد وزاد في راسه عناده
والأب لا صمم وشد عالتفرقه والعنصريه=بتصير فوضى في البلد ولا عاد با يحكم ولاده
ذا باب والثاني خطر لتقول ماعندي دريه=خذها وهات لما غبش ونشوف الابيض من سواده
ماخطيت في عادي ا لبشر حتى خطي في الهاشميه=لي منهم خير البشر المصفى خيرة عباده
عاقل بسمعي والبصر ماجي ا لطريق الهابطيه=وأهل السقيفه أخوتي هم تاج راسي والقلاده
فدعق و فدعق حبهم ولا يهونون البقية = مسخى بواحد منهم تلفاه سلاة القتاده
مسخا بهم للبخس لا من يبخس اسلا لة نبيه=ان صا بهم سلا سمر او علب با قطب فنا ده
والمشكلة فيما حصل يا أهل اللجان المركزية = تمباك من وادي حمم دوخ بنا زايد رماده
حمي قوي واجد قوي بيتت منه في أذيه=بيتت ساهر وانقلي وأصبحت مرمي في العياده
ما طاع دكتوري يجي ويخفف الامي شويه=من جرح ينزف داخلي مابا تفيده شئ ضماده
الجرح ذا مبطي خفي زايد جروحي الخارجيه=من شافهن علق علي واستدرج الهاجس وكاده
وين العداله وينها وين الوعود الاوليه=مزقول راسي عالحصي و الغير متوسد وسادة

[الغريبه]

علي فدعق
هذه واحده من المجاملات فهناك لك راي وهنا لك راي
عمر الذيب غني عن التعريف تبغى تبرد عليه بالقصيده
برد وحط ثلج والصدق ماتقولونه

[سالم السقاف]

كلي فخر لو قلت اني مـن سلالـه هاشميـه
ولاذل نفسي للذي عقله كمـا عقـل الجـراده


الشاعر علي فدعق الهاشمي لافض فوك أستاذي
دمت شامخا ودامت السقيفة شامخة
تقبل مروري المتواضع

[عبدالقادر صالح فدعق]

يستاهل شاعرنا عمر الذيب قصيدة والف قصيدة ..

صح لسانك ياحبيب علي مليون ..


لك التقدير دوما .


.

[السلطانه1]

الله الله شاعرنا علي فدعق

غيمة مشاعر أمطرت إبداعاً

كلمات تحمل معاني كثيره

ويستاهل شاعرنا عمر الذيب

والله يديم المحبه

لك كل التقدير ---- دمت كما تحب ان تكون

[علي فدعق الهاشمي]

الشاعر الفـذ
عمر بن سالم الذيب

أشكرك على ردك الجزل الذي ورد في هذا الرابط
http://www.alshibami.net/saqifa/showthread.php?t=43976
ابيات جميلة تدل على شاعريتك الفذة ومعدنك الاصلي يالنشمـي ,الاختلاف لايفسـد للود قضية في زمان الاختلاف أصبح قضية
خذ لك الرد يابو طارق

يامرحبا بالشاعر اللي له قوافي نرجسية = من سليل أجواد نشمي له على الكلمة سيادة
من عناه يبشر بسعده والعلوم المرجلية = ما تأخر عن صحابة دوم ماسك عالريادة
يمدح بااشعارة رجالٍ(ن) حبهم واجب ونية = آل بيت المصطفى لي في محبتهم سعادة
ياصاحبي لازال قدرك عندنا ما هو شوية = شاعر ولك دايم فؤادي ما تغير في وداده
لا تغرك ياعمر أسماء ما تحمل هوية = مالهم مقصد ونية غير ضعفٍ(ن) في الإرادة
مالهم غير الطبل داخل فصول المسرحية = مالهم في المجد مقعد يحسن أدوار القيادة
الحكم لأهل العُرف اللي حكمهم للأغلبية = بيدهم حل القضية وعندهم أمر العمادة
هم رجاجيل الشرف والطيب عسرّين المنية = مابينهم إنسان جاهل دوم يرقى باستنادة
الطيب له أهله وشفهم ما يحبون الأذية = وصاحبك ماشي مسيس ماعرفنا وش مراده؟
يقتحم داري بجهله حامل أسماء أجنبيه = عايب ولكنه مصيبة يوم جاهر بانتقاده
لو ما تراجع ياعمر بعطية انا عشرين كيه = لين يرجعله صوابه ثم يعلن اٍتحاده
واللي تمادى في سلوكه لا ترد اللوم ليه = لابد له من يوم يعرف إننا أحفاد ساده
وانت شاعر ما تهزك ريح حمرا موسميه = والنشاما لأذروا للجود بايجنوا حصاده
رمضان هو والعيد ولى ويبتدى عيد الضحية = عسى عيدك مبارك دوم عزك في زيادة

مع خالص التحية
علي فدعق الهاشمي