قصيده مرسله الى ناصر علي

**ابن_اليمن** · 10-29-2011, 06:09 PM

اخواني الكرام
اليكم هذه القصيده المتواضعه
وهي موجهه الى انصار النضام
عسى ان تنال اعجابكم
واعذروني على الخلل والكسور في القصيده

نسالك الرضى يامن دعاك الداع تتقبل= ياعالم بمكنوني ومافي داخلي سره
ياشفي اشفني ضيقي وهمي في الحشى يثقل= ياكاشف عن المكروب همه في وسط صدره
واقضي حاجتي يامن بك الحاجات تتسهل= وتكفيني اذا آذي تكف الناس من شره
ورحمني نهار الروح في الحلقوم تتخلخل= ونور في الدجا قبري وكل مخلوق في قبره
وماذلحين بانبدع وبانبدا من الاول = يماني حر في ارضي وتبقى ارضنا حره
يمانيون لاثرنا عروش الضلم تتزلزل= يمانيون لاقلنا لها دوري خذت فره
خلاص اليوم قررنا وصعب الراي يتبدل= قطعنا راي في امرك ومن قد همنا امره
ارحل ياعلي قلنا ولازم ياعلي ترحل= هذا مازرعته انت ذي باتحصد الثمره
علي ياكم نصحناكم وقلنا ياعلي اعقل = ونحن شعب مانرضى بحكم الطيش والدجره
حكومه سارقه تحكم بهذا الشي مانقبل= وين انتاج مابعتوه بالعشرين والعشره
وين الكهربه للان والماطور يتعطل = ليالي رعب نقضيها بدون الضو في غدره
مللنا صورتك شفنا على التلفاز تتقول= كلامك زيف كله مايزل الباب والحجره
باسلوبك تضللنا فلا شمس(ن) ولاهي ضل= سببك اليوم بانهوي بقاع البير والحفره
خلاص ارحل ولاتاتي لنا راجي وتتوسل = فلا عاد الندم ينفع ولاباتنفع الحسره
بعد الان ياعاني على فكس ار تترحل = لاتنسى تشل خطي معك ياسارح البكره
شل الخط من عندي الى ناصر علي يوصل = وقله يافتى مازلت تحت تاثيرة السكره
ترقص خلف طبال اليمن ذي قد بدا يطبل = وراسك قد ملاه الغي والكسره قفى الكسره
لالا تحسب انك في عيون الطاغيه تطوَل = عيون الذيب ماتنضر لعكر الضب في جحره
غريب الحال ياناصروفيك النفس تتوحل= نصيحه غير افكارك وبدل هذه النضره
نكيده حالتك وانته صبي قدام تتسرول= ولازال البدن عاري شواتك ترخي العصره
سنينك ضايعه وانته قفى لوهام تتخيل = وبيضيع الولد من بعد ماقد ضاعت الزقره
وهو مرتاح يتلذذ بطعم التوت والتنجل = واصناف الحلا والفاكهه والحب والخضره
وخدامه على صوت الطلب فلحال يتوصل = والموكيت والديباج ذي مفروش به قصره
وانته في سموم الجو تتقلب وتتحول = مربيكم على الزيت النباتي يدهن البشره
راضي بالمذله ليش ترضاها حياة الذل= تصبح تكزم الروتي وتتعشى من الجره
وتحسب ارضنا تزرع سوا التنباك والتنبل=بلدنا خيرها واجد ولاكنك ولد صمره
زهقنا لقمة العيشه تبونا كيف نتحمل= ولا باننتظر صالح الما ينحني ضهره
ثوار اليمن ثارو وكيد الطاغيه يبطل= وكيد الحاسدين اللي على الرشوات والاجره
املنا في وطن راقي ومستقبل يمن افضل = وانتوا باتعيدوا لليماني ذله وفقره
واضح كل شي ماقول بانك يافتى احول= ولا تنكر تقول الشي هذا ماحصل مره
على مرأى النظر وانته كما تنظر وتتامل= حقوق الشعب مرهونه رضى ياصاحبي لاسره
ونحن دولة البترول ذي للغرب يترسل = ولا معنى من الكذاب الا الصيت والشهره
قلي وين شركات العمل قالولها تعمل = مشاريع الدجل تشرف عليها القاده الحضره
ماغيرالمداد اللي على الاوراق يتسجل = واحجار الاساس اللي يذيعوها في النشره
هذه منجزات المؤتمر والخيل ذي يصهل = فساد وفقر يتفشى وكلاً يشتكي فقره
وخلف شعب ياناصر على الطرقات يتسول= واخر قد سرح يشقى بارض البعد والهجره
نحن قد خرجنا وانت اقبل او لاتقبل= انته وصاحبك راعي شعار الفاس والعجره
قليل استح على دمك الا بالله ماتخجل=ماجدت الكرامه فيك لو مقدارها ذره
انظر كيف ذاصالح يعامل شعبه الاعزل= ذاك الشعب لي حافظ على سلمية الثوره
علي ماخاف ربه ايش ذنب الطفل ذي يقتل= برآءه في المهد وامه ضحية كيده وغدره
مشاهد تقشعر منها الجلود وشي مايعقل= هذا مشهد ومشهد مثيله مقتل الدره
واعلامه على مايشتهي هذا الخبر يرسَل= قناة الكذب ذي هي من بقايا هذه الزمره
سبا هي واليمن اسبابها النيران تتشعل= بانت عالوجيه العابسات الجوع والطفره
ثورتنا المجيده باقيه مهما علي يفعل = ومهما دبر الله بايرد الكيد في نحره
توكلنا على الله ذي عليه الناس تتوكل = بانخطي بخطوه تقدم اليمنى على اليسره
بانبني حضارتنا بكم ياشعبنا اجمل = عشتي ياعدن عشتي وصنعا عاشت الحره
بانختم بذكر المصطفى والهادي المرسل= صلوا عالنبي وآله معي ياسمعي ذكره
عدد مارتل التوبه وفي لنعام قد رتل = شفيع الخلق من نارٍ اظى ماينطفي جمره